ಚರಿತ್ರೆ ಬೊಕ್ಕ ಸಾರ್ವಜನಿಕ ಜೀವನದ ವ್ಯವಹಾರೊಲೆನ ಬಗೆಟ್ ಬರೆತೆರ್. ಇಂಚ ಕಮಲಾದೇವಿ ಮಲ್ಲಿನ ಒವ್ವ ಕೆಲಸೊಲೆಡ್ಲಾ ಸಮಾಜಮುಖಿಯಾಯಿನ ಚಿಂತನೆ ಇತ್ತಿನವು ನೆಗತ್ ತೋಜುನ ಒಂಜಿ ಅಂಶ. ಮಾನಾದಿಗೆದ ಮರ್ಯಾದಿಲೆಡ್ ಕಮಲಾದೇವಿ ಅವೇತೋ ಸಂಘ ಸಂಸ್ಥೆಲೆನ್ ಕಟ್ಸ್ದ್ ಬುಳೆಪಾಯಿನ ಕಮಲಾದೇವಿ ಆರೇ ಒಂಜ ಸಂಸ್ಥೆಯಾದ್ ನಮ್ಮ ಎದುರು ತೋಜುವೆರ್. ಆರ್ ಸಮಾಜದ ಮರ್ಯಾದಿ, ಮಾನಾದಿಗೆಲೆನ್ ಬಯಕ್ದ್ ಕೆಲಸ ಮಲ್ಲಿನಾ ಅತ್ತೆ. ಆರ್ ಮಲ್ತಿಂಚಿ ಕಾರ್ಯೊಲೆಗ್ ಪ್ರತಿಫಲವಾದ್ ಮಾನಾದಿಗೆದ ಮಲ್ಲ ಗೌರವೊಲು ಸಾಲ್ಟ್ಸ್ದ್ ಆರೆನ್ ನಾಡೊಂದು ಬತ್ತ. ಭಾರತ ಸರ್ಕಾರೊದ ಪದ್ಮಭೂಷಣ ಇನಾಮು (1955), ವಾಟ್ಮಲ್ ಫೌಂಡೇಶನ್ ಇನಾಮು, ಸಾಮಾಜಿಕ ಬೊಕ್ಕ ಆರ್ಥಿಕ ಕ್ಷೇತ್ರದ ಸೇವೆಗ್ ಕೊರಿನ ಮಾನಾದಿಗೆ (1962), ವಿಶ್ವ ಭಾರತೀಯ ದೇಶಿಕೋತ್ತಮ ಬಿರುದು, ಸಾಂಸ್ಕೃತಿಕ ಪರಂಪರೆಗ್ ಸಮ್ಮಂದಪಟ್ಟಿನ ಕಾರ್ಯೊಲೆಗ್ ಕೊರಿನ ಇನಾಮು (1970), ಭಾರತ ಸರ್ಕಾರೊದ ತಾಮ್ರ ಪತ್ರ (1972), ಫಿಲಿಫೈನ್ಸ್ ಸರ್ಕಾರ ಕೊರಿನ ಜಗತ್ನಸಿದ್ಧ ರೆಮಾನ್ ಮ್ಯಾಗ್ನೆಸ್ ಇನಾಮು (1972), ಸಂಗೀತ ನಾಟಕ ಅಕಾಡೆಮಿದ ಸದಸ್ಯ ರತ್ನ ಇನಾಮು, ಯುನೆಸ್ಕೋದ ಇನಾಮು (1977), ಭಾರತ ಸರ್ಕಾರೊದ ಪದ್ಮವಿಭೂಷಣ ಇನಾಮು (1986), ಬನಾರಸ್ ಹಿಂದೂ ವಿಶ್ವವಿದ್ಯಾಲಯದ ಗೌರವ ಡಿ.ಲಿಟ್ ಮಾನಾದಿಗೆ (1986), ಆಂಧ್ರಪ್ರದೇಶ ಕಲಾವೇದಿಕೆದ ಕಲಾ ಸರಸ್ವತಿ ಬಿರುದು (1986) ಇಂಚ ಕಮಲಾದೇವಿಗೆ ಮಾನಾದಿಗೆ ಆಯಿನ ಇನಾಮು-ಬಿರುದುಲೆಗ್ ಲೆಕ್ಕೊನೇ ಇಜ್ಜಿ. ಕಮಲಾದೇವಿ ಬದ್ಕ್ ಉಂತಾಯ ಕುಡ್ಲದ ಊರುಡು ಪುಟ್ಟುದು ಎಲ್ಯ ಪ್ರಾಯೊಡೇ ಸಾಧನೆದ ಸಾದಿದ ಜಾಡ್ ಪತ್ತೆದ್ ನಡತಿನ ಕಮಲಾದೇವಿ ದೇಶನಾಯಕಿಯಾದ್, ಸಾಮಾಜಿಕ ಸುಧಾರಕಿಯಾದ್ ಬುಳೆದ್ ಉಂತಿನಾರ್, 1903ನೇ ಇಸ್ವಿಡ್ ಪುಟ್ಟುದು 85 ವರ್ಸೊ ಕಾಲೊದ ಪೊರುದ ಸಾರ್ಥಕ ಬದ್ಕ್ ನಡಪಾಯಿನ ಆ ಮಹಾಚೇತನ 1988 ಅಕ್ಟೋಬರ್ 29ನಾನಿ ಕಾಯ ಬುಡ್ಡು ಪರಲೋಕ ಸಂಖ್ಯೆರ್. ತನ್ನ ಜೀವಮಾನ ಇಡಿ ಅವೇತೋ ಲೆಕ್ಕದಾಂತಿ ಜನಮಾನಿನ ಬದ್ಕ್ ಎಡ್ಡೆಪ್ಪುಗಾದ್ ಪುಣೆಯಿನ ಕಮಲಾದೇವಿಯೆರೆನ ಮರಣ ಭಾರತೊದ ಜನಮಾನಿ ಸಮುದಾಯ ಮಾಜಂದಿ ದುಃಖವಾದ್ ಉಂಡಾಂಡ್. ಇನಿ ಕಮಲಾದೇವಿ ನಮ್ಮೊಟ್ಟಿಗೆ ಇಜ್ಜೆರ್. ಆಂಡ ಆರ್ ಮಲ್ಲಿನ ಎಡ್ಡೆ ಕೆಲಸೋಲು, ಸಾಧನೆಲು ನಂಕ್ ಉಮೇದ್ ಪುಟ್ಟಾವುನ ಅಂಸೋಲಾದ್, ಆರೆನ ನೆಂಪು ಏಪಲಾ ಒರಿಪುಲೆಕ ಉಂತರೆ ಸಹಾಯ ಆದುಲ್ಲ. ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 18
