ಅಭಿನಯ ಕ್ಷೇತ್ರದ ಸಾಧಕಿಯಾದ್ ಮಾತ್ರ ಅತ್ತಂದೆ ಬರವಣಿಗೆ ಕ್ಷೇತ್ರೋಡ್ಾ ಮಸ್ತಿ ಸಾಧನೆ ಮಲ್ತನಾ. ಬರವಣಿಗೆ ಪಂಡ ಕಮಲಾದೇವಿ ಮಸ್ತ್ ಇಷ್ಟ ಮಲ್ಲೊಂದಿತ್ತೆರ್, ಮನಸ್ಸದುಲಯಿ ದಿಂಜಿದಿನ ಯೋಚನೆಲೆನ್, ಚಿಂತನೆಲೆನ್ ಖಾಲಿ ಮಲ್ಪುನ ಒಂಜಿ ಪೊಯ್ದುದ ವಿಧಾನ ಪಂಡ ಬರವಣಿಗೆ ಪಂಡ್ದ್ ಕಮಲಾದೇವಿ ತೆರಿದಿತ್ತೆರ್, ಭಾರತೀಯ ಕಲೆ, ಕೈಕುಶಲ ಕೈಗಾರಿಕೆ, ರಾಜಕೀಯ, ಪೊಂಜನಕ್ಸ್ನ ಸ್ಥಿತಿಗತಿ, ಪ್ರವಾಸೊದ ಅನುಭವ ಇಂಚ ಬೇತೆ ಬೇತೆ ವಿಷಯೊಲೆನ ಬಗೆಟ್ ಕಮಲಾದೇವಿ ಬೂಕುಲೆನ್ ಬರೆವೊಂದಿತ್ತೆರ್. ಒದ್ವೇ ವಿಷಯದ ಬಗೆಟ್ ಬೂಕು ಬರೆನಗಲಾ ಆರ್ ಮಸ್ತ್ ಯೋಚನೆ, ಸಂಶೋಧನೆ ಮಲ್ತದೇ ಬರೆವೊಂದಿತ್ತೆರ್. ಸ್ವಾತಂತ್ರ್ಯ ಹೋರಾಟೊದ ಕಾಲೊಡು, ಸಂಘ ಸಂಸ್ಥೆಲೆನ ಕಾರೊಡು ದೇಸ ತಿರೆರೆ ಪೋನಗ ಕಮಲಾದೇವಿಯ ಆರೆನೊಟ್ಟಿಗೆ ಒಂಜಿ ಬೆರಳಚ್ಚಿದ ಮಿಷನ್ನ್ಲಾ ಪತೊಂದು ಪೋವೊಂದಿತ್ತೆರ್, ರೈಲ್ದ ಮೂಜಿನೇ ಕ್ಲಾಸ್ದ ಡಬ್ಬಿಡ್ ಕುಲ್ಲುದು ಆರೆನ ಯೋಚನೆಗ್ ಬತ್ತಿನೆನ್ ಟೈಪ್ ಮಲ್ಲೊಂದಿತ್ತೆರ್. ಒಟ್ಟಿಗೆ ಕುಲ್ಲುದಿತ್ತನಕ್ಸಲ್ ಕಿರಿಕಿರಿ ಪಂಡೆರ್ಂಡಲಾ ಆರ್ ಅವೆನ್ ಲೆಕ್ಕಗೇ ದೆತೊನೊಂದಿಜ್ಜಂಡ್. Z ಕಮಲಾದೇವಿ ಬರವಣಿಗೆನ್ ಸುರು ಮನೆ 1924ನೇ ಇಸ್ವಿಡ್. ಆ ಪೊರ್ತುಡು ಬೆಳಗಾಂಡ್ ನಡತಿನ ಕಾಂಗ್ರೆಸ್ ಅಧಿವೇಶನೊಡು ಸೇವಾದಲ ಕೈಕೊನ್ನ ಕಾರ್ಯ-ಕಗ್ಗೋಲೆನ ಬಗೆಟ್ ಬೇತೆ ಬೇತೆ ಲೇಖನೊಲೆನ್ ಬರೆದ್ ಬರವಣಿಗೆದ ಅಭ್ಯಾಸ ಮತ್ತೊಂಡೆರ್. ಈ ಮುಕಾಂತ್ರ ಸುರು ಆಯಿನ ಆರೆನ ಬರವಣಿಗೆ ಬೊಕ್ಕ ಆಜಿ ದಶಕದ ಕಾಲಮುಟ್ಟ ನಡತ್ಂಡ್, ಭಾರತೊದ ಕೈಕುಶಲ ಕೈಗಾರಿಕೆ, ಪಿರಾಕ್ದ ಸಾಂಪ್ರದಾಯಿಕ ಕಲೆ, ಬುಡಕಟ್ಟಿನ ಜನಾಂಗೊಲು, ಪೊಂಜನಕ್ಷೆನ ಸ್ಥಿತಿ ಸುಧಾರಣೆದ ಚಳುವಳಿಲ್, ವಿಲಾಯತಿ ದೇಸೊಲೆಗ್ ಪೋಯಿನ ಪ್ರವಾಸೋದ ಅನುಭವೊಲು, ರಂಗಭೂಮಿ ಇಂಚ ಮಾತಾ ನಮೂನೆದ ವಿಷಯಲೆನ ಬಗೆಟ್ ಕಮಲಾದೇವಿ ಬೂಕುಲೆನ್ ಬರತೆ, ಅವೇಕನಿಂಗ್ ಆಫ್ ಇಂಡಿಯನ್ ವಿಮೆನ್ (1939), ಜಪಾನ್ ಇಟ್ಸ್ ವೀಕ್ಸ್ ಆಂಡ ಸ್ಟೆಂಟ್ (1943), ಅಂಕಲ್ ಸ್ಯಾಮ್ಸ್ ಎಂಪಾಯರ್ (1944), ಇನ್ ವಾರ್ಟೋರ್ನ್ ಚೈನಾ (1944), ಸೋಶಿಯಲಿಸಮ್ ಆಂಡ್ ಸೊಸೈಟಿ (1950), ಇಂಡಿಯನ್ ಹ್ಯಾಂಡಿಕ್ರಾಫ್ಟ್ (1963), ಹ್ಯಾಂಡಿಕ್ರಾಫ್ಟ್ ಆಫ್ ಇಂಡಿಯಾ (1975), ದ ಗ್ಲೋರಿ ಆಫ್ ಇಂಡಿಯನ್ ಹ್ಯಾಂಡಿಕ್ರಾಫ್ಟ್ (1976), ಇಂಡಿಯನ್ ಎಂಬ್ರಾಯಡರಿ (1977), ಟೈಬಲಿಸಮ್ ಇನ್ ಇಂಡಿಯಾ (1978), ದ ಇಂಡಿಯನ್ ವಿಮೆನ್ಸ್ ಬ್ಯಾಟಲ್ ಫಾರ್ ಫ್ರೀಡಂ (1983), ಪ್ಯೂಚರ್ ಆಫ್ ದ ಇಂಡಿಯನ್ ಥಿಯೇಟರ್ ಉಂದು ಆಂಗ್ಲ ಭಾಷೆಡ್ ಕಮಲಾದೇವಿ ಬರೆತಿನ ಕೆಲವು ಬೂಕುಲು, 1986ನೇ ವರ್ಸೊಡು ಆರ್ ಬರೆಯಿನ ಇನ್ನ ರೆಸೆಸಸ್ ಆಂಡ್ ಔಟರ್ ಸ್ಟೇಸಸ್ ಪನ್ನಿನ ಬೂಕುಡು ಆರೆನ ಸ್ವಂತೆ ಅನುಭವೊಲೆನ ಕತೆ, ಸಂಸಾರದ ಕಂಡನಿ, ಮಾಮಿ, ಅಪ್ಪೆ ಇಂಚ ವೈಯಕ್ತಿಕ ವಿಷಯಲೆನ್ ಬುಡ್ಡು ಭಾರತೊದ ಸ್ವಾತಂತ್ರ್ಯ 23 ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 17
