ಸಂಘಟನೆ ಮಲ್ಪುನೆಟ್ ಉಮೇದ್ಡ್ ಕೆಲಸ ಸುರು ಮಲ್ಲೆ, 1944ನೇ ವರ್ಸೊಡು ಬೊಂಬಾಯಿಡ್ ಇಂಡಿಯನ್ ನ್ಯಾಶನಲ್ ಥಿಯೇಟರ್ (ಭಾರತೀಯ ರಾಷ್ಟ್ರೀಯ ರಂಗ)ಗೆ ಕಟ್ಟೆರ್, ನಾಟಕೊದ ಬಗೆಟ್ ಉಮೇದ್ ಇತ್ತಿನ ಬೇತೆ ಬೇತೆ ಕೆಲಸೊದ ಜನೊಕುಲು ಈ ಸಂಸ್ಥೆನ್ ಸೇರೊಂಡೆರ್. ಕಮಲಾದೇವಿಯೆರೆಗ್ ಸಾಂಪ್ರದಾಯಿಕವಾಯಿನ ರಂಗಭೂಮಿದ ಬಗೆಟ್ ಪ್ರೀತಿ ಗೌರವ ಇತ್ತಿಲೆಕೋನೇ ಆಧುನಿಕವಾಯಿನ ರಂಗಭೂಮಿದ ಪೊಸತನ, ಬೊಲ್ದುದ ವ್ಯವಸ್ಥೆ ಬಣ್ಣಗಾರಿಕೆ, ಆಯಿನ ಪರಿಣಾಮೊಲೆನ ಬಗೆಟ್ಲಾ ಉಮೇದ್ ಇತ್ತ್ಂಡ್. ಈ ರಡ್ ಅಂಸೊಲೆನ್ಲಾ ಸೇರಾದ್ ಪಂಡ ಸಾಂಪ್ರದಾಯಿಕ ನಾಟಕ ಕಲೆಗ್ ಪೊಸತನದ ರೂಪ ಕೊರೆರೆ ಮಸ್ತ್ ಕೆಲಸ ಮಲ್ಲೆರ್. ಭಾರತದ ನಾಟ್ಯ ಕಲೆ, ಸಂಗೀತ, ಜಾನಪದ ರಂಗ ಪಂಡ ಯಕ್ಷಗಾನ, ರಾಸ, ದಂಡಿಯಾರಸ್, ನೌಟಂಕಿ, ತಮಾಶಾ, ಸೂತ್ರದ ಗೊಂಬೆಯಾಟ, ಬಂಗಾಲಿ ಜಾತ್ರೆ ಇಂಚಿತ್ತಿ ಕಲಾ ಪ್ರಕಾರೊಲೆನ್ ನಾಟಕೊದ ಒಟ್ಟಿಗೆ ಸಾಮಾಜಿಕವಾಯಿನ ಜಾಗೃತಿನ್ಲಾ ಜನೊಕ್ಲಡ್ ಉಂಡು ಮಲ್ಲುವ ಸಾಧ್ಯತೆ ಉಂಡು ಪಂಡ್ದ್ ಆರ್ ಎನ್ನಿದಿತ್ತೆರ್. ಕಮಲಾದೇವಿ ತನ್ನಡ ಇತ್ತಿನ ರಂಗದ ಅನುಭವೊನು ಬಳಕೆ ಮಲ್ಲೊಂದು ಜವಾಹರಲಾಲ್ ನೆಹರೂ ಬರೆದಿತ್ತಿನ 'ಡಿಸ್ಕವರಿ ಆಫ್ ಇಂಡಿಯಾ' ಪನ ಐತಿಹಾಸಿಕ ಗ್ರಂಥೋನ್ ಆಧರಿಸಾದ್ ಒಂಜಿ ನಾಟ್ಯರೂಪೊನು ತಯಾರ್ ಮಲ್ಲೆರ್, ಕಮಲಾದೇವಿ ಪ್ರಯೋಗ ಮಲ್ತಿನ ಡಿಸ್ಕವರಿ ಆಫ್ ಇಂಡಿಯಾದ ಈ ಬ್ಯಾಲೆ ರೂಪ ದೇಸೊ- ಪರದೇಸೊಡ್ಲಾ ತೂಪರಿಕೆ ಆದ್ ಮಸ್ತ್ ಮಾನಾದಿಗೆ ಪಡೆಂಡ್, ಈ ಬ್ಯಾಲೆ ರೂಪೊನು ತೂವೊಡುಂದು ಬತ್ತಿನ ಜವಾಹರಲಾಲ್ ನೆಹರೂ ಈ ಪ್ರದರ್ಶನೊನು ತೂದು "ಯಾನ್ ಬರೆತ್ತಿನ ಪುಸ್ತಕ ರೂಪೊಡ್ಸ್ ಈ ಬ್ಯಾಲೆದ ರೂಪ ಎಡ್ಡೆ ರೀತಿಡ್ ಮೂಡ್ದ್ ಬತ್ತ್ಂಡ್ ಪಂಡ್ದ್ ಪುಗರ್ತೆದ ಪಾತೆರ ಪಂಡ್ದಿತ್ತೆರ್. ಕಮಲಾದೇವಿಯೆರೆನ ಸವಾಲ್ ಕಜೊಲೆಗ್ ನನೊಂಜಿ ಉದಾರ್ಮೆ ಪಂಡ ಆರ್ ದಿಲ್ಲಿಡ್ 1950ನೇ ದಶಕೊಡು ಸಂಘಟನೆ ಮುಲ್ಲಿನ ಸುರುತ ಜಾನಪದ ನಾಟಕೋತ್ಸವ. ಆಂಡ ಇಂಗ್ಲಿಷ್ ಓದು-ಬರವು ಮಾತ್ರ ತೆರಿದಿತ್ತ ಆ ಮಹಾನಗರದ ಜನೊಕ್ಲಗ್ ಕಮಲಾದೇವಿಯೆರೆನ ಈ ಪ್ರಯೋಗದ ಬಗೆಟ್ ತಿರಸ್ಕಾರದ ಭಾವನೆ ಇತ್ತಂಡ್. ಅಂಚನೇ ಆಂಡ್ರಾ, ನಾಟಕೋತ್ಸವ ಜನ ಸೇರ್ನನೇ ಇಜ್ಜಿ. ಆಂಡ ಕಮಲಾದೇವಿ ಮನಿಪಂದೆ ಕುಲ್ಲುಜೆರ್. ಆರೆ ಕೆಲವು ಬಸ್ಸುಲೆನ್ ಗೊತ್ತು ಮದ್ ಅವೆಟ್ ದಿಲ್ಲಿದ ಸುತ್ತುಮುತ್ತ ಇತ್ತಿನ ಹಳ್ಳಿಲೆಡ್ ಜನೊಕ್ಸೆನ್ ಲೆತೊಂದು ಬತ್ತದ್ ದರ್ಮೊಗು ಅಕ್ಸೆಗ್ ನಾಟಕೊಲೆನ್ ತೋಜಿಪಾಯ, ನಾಟಕೊಲೆನ್ ತೂಯಿನ ಜನ ಮಸ್ತ್ ಕುಸಿ ಪಡೆಯೆರ್. ದಿನ ಕರಿಲೆಕೊನೇ ನಾಟಕದ ಬಗೆಟ್ ಪ್ರಚಾರ ಜಾಸ್ತಿಯಾಯಿಲೆಕೊನೇ ಬರುಜ ಪಂಡ್ದ್ ಕುಲ್ಲುದಿತ್ತಿನಕುಲುಲಾ ಲಕ್ಸ್ದ್ ನಾಟಕೋತ್ಸವ, ಬತ್ತ ನಾಟಕೊಲೆನ್ ತೂದು 0 ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 15
