ಪ್ರದರ್ಶನೊನು ಉಂತಾದ್ ಗಿರಿಜಾಬಾಯಿನ ಇಲ್ಲಲ್ ಉಲಯಿಡೇ ಗೊಬ್ಬುದು ತೋಜಾವುನೆ ಪಂಡ್ದ್ ತೀರ್ಮಾನ ಆಂಡ್. ಆಂಡಲಾ ಆ ಜನೊಕುಲು ಕೇನಂದೆ ಬಾರಿ ಪ್ರತಿಭಟನೆ ಸುರುಮಲ್ಲೆರ್. ಗಿರಿಜಾಬಾಯಿ ಪೋಡಿದ್ ಪೋಯೆ, ನಾಟಕ ಮಲ್ಲಂದಿಲೆಕ ಕಮಲಾದೇವಿನ್ ಇಲ್ಲದ ಕೋಣೆದ ಉಲಯಿ ಪಾಡ್ ಕೋಣೆಗ್ ಬೀಗ ಪಾಡ್ಯ, ನಾಟಕ ಗೊಬೈರೆ ನಿಘಂಟಾಯಿನ ದಿನೊತ್ತಾನಿ ನಾಟಕೊದ ನಾಯಕ ಪಾತ್ರಧಾರಿನ್ ಆ ಜನೊಕು ರಟ್ಟಾದ್ ಬೇತೆ ಜಾಗೆಗ್ ಕೊನೊದು ಪೋಯೆರ್. ಕಮಲಾದೇವಿನ್ ಕೋಣೆಡ್ ಪಿದಾಯಿ ಬುಡೈರ್, ಇಡೆಗ್ ನಾಟಕ ಪ್ರದರ್ಶನದ ಕತೆ ಉಂತುದೇ ಪೋಂಡು. 0 ಆಂಡ ಕಮಲಾದೇವಿ ಮಾತ್ರ ತಡೆತೊನೆರೆ ಆವಂದಿ ದುಃಖಿಡು ಸೀದಾ ಮಾರ್ಗರೆಟ್ ಕಸಿನ್ರೆನ ಇಲ್ಲಡೆಗ್ ಪೋದು ಆರೆನ್ ತರ್ಕ್ ಪತ್ತೆ ಬುಲಿತೆರ್. ಕಮಲಾದೇವಿಗ್ ತಾನ್ ಕಲ್ಲಿನ ಆ ನಾಟಕೊನು ಮಸ್ತ್ ತೋಜಾವೊಡುಂದು ಆತ್ ಆಸೆ ದಿಂಜಿದ್ ಇತ್ತಂಡ್, ಆರೆನ ಆಸೆದ ಲೆಕೊನೇ ಮಾರ್ಗರೆಟ್ ಆರೆಗ್ ಸಮಾಧಾನ ಪಂಡ್ದ್ ಆರೆನ ಇಲ್ಲಲೇ ಆ ನಾಟಕೊನು ಗೊಬ್ಬುದು ತೋಜಾಯರ ವ್ಯವಸ್ಥೆ ಮಲ್ಲೆರ್. ನಾಟಕೊದ ನಾಯಕನ ಪಾತ್ರೋದ ಸಂಭಾಷಣೆನ್ ಮಾರ್ಗರೆಟ್ ಕಸಿನ್ ಓದುದು ಪಂಡೆರ್, ಮೀರಾ ಆದ್ ಕಮಲಾದೇವಿ ತಾನ್ ಕಲ್ಲಿನ ಪದ್ಯ-ಸಂಭಾಷಣೆಲೆನ್ ಬಾರಿ ಪೊರುಡು ಗೊಬ್ಬುದು ತೋಜಾಯೆರ್. ಒಟ್ಟು ಆ ನಾಟಕ ಎಡ್ಡೆ ರೀತಿಡ್ ಮೂಡ್ ಬತ್ತ್ಂಡ್. ಇಂಚ ನಾಟಕೊಡು ಅಭಿನಯ ಮಲ್ಲೊಡು ಪನ್ನಿನ ಕಮಲಾದೇವಿನ ಆಸೆ ಆ ಎಲ್ಯ ಪೊಣ್ಣು ಮಗಳಾದಿತ್ತಿನ ಕಾಲೊಡು ಈತ್ ಕಸೊಡು ನೆರವೇರ್ ಬತ್ತ್ಂಡ್. ಆಂಡ ಆನಿ ಆರೆನ ಉಡಲ್ದುಲಯಿ ಪುಟ್ಟಿನ ಛಲ, ಹಠ ದುಂಬುಗು ಆರೆನ್ ಒರ್ತಿ ಮಲ್ಲ ಕಲಾವಿದೆಯಾದ್ ರೂಪಿಸಾವುನಲ್ಪ ಮಸ್ತ ಸಹಾಯ ಮಲ್ಪೆ ಕೊಂಡ್. ಅವ್ವತ್ತಂದೆ ಅವೇತೋ ನಾಟಕೊಲೆನ್ ನಿರ್ಮಾಣ ಮಲ್ತ್ದ್ ದೇಸ-ಪರದೇಸೊಲೆಡ್ ಪ್ರದರ್ಶನ ಮಲ್ಲಾಯೆರ್. ಆರೆನ ಈ ಉಮೇದ್ ಕಂಡನಿ ಹರೀಂದ್ರನಾಥ ಚಟ್ಟೋಪಾಧ್ಯಾಯೆರೆನ ಬೆರಿಸಾಯಲಾ ಆರೆಗ್ ತಿಕ್ಕಂಡ್. ಹರೀಂದ್ರನಾಥೆರೆನೊಟ್ಟಿಗೆ ಲಂಡನ್ ಪೋದಿತ್ತಿನ ಪೊರ್ತುಡು ಕಮಲಾದೇವಿ ಅಲ್ಲದ ಇಂಗ್ಲಿಷ್ ರಂಗಭೂಮಿ, ನಾಟಕ ತಂತ್ರ, ರಂಗ ಸಾಮಗ್ರಿಲೆನ ವಿಚಾರೊಡು ಅಧ್ಯಯನ ಮಲ್ತ್ದ್ ಅನುಭವೊನು ಸಂಪೊಲಿತೆರ್. ಕಾಲಾಂತರೊಡು ಕಮಲಾದೇವಿ ನಾಟಕೊಲೆಡ್ ಒಬ್ಬೇ ರೀತಿದ ಅಂಜಿಕೆ ಇಜ್ಜಂದ ಪಾರ್ಟ್ ಮಲ್ಪೆರೆ ಸುರು ಮಲ್ಲೆರ್. ಪೊಣ್ಣು ಜೋಕುಲು ಸಾರ್ವಜನಿಕವಾದ್ ನಾಟಕೊಡು ಪಾರ್ಟ್ ಮಲ್ಪೆರೆ ಬಲ್ಲಿ ಪನ್ನಿನ ಕಾಲೊಡು ಕಮಲಾದೇವಿ ತನಕ್ ಎಲ್ಯ ಪ್ರಾಯೊಡು ತಿಕ್ಕಿನ ಆ ಕೆಟ್ಟ ಅನುಭವೊಗು ಮನ್ನಿನ ಪ್ರತೀಕಾರ ಪನ್ನಿಲೆಕ ನಾಟಕೊಲೆಡ್ ಅಭಿನಯ ಮಲ್ಲೆರ್. ಹರೀಂದ್ರನಾಥೆರೆನ ಜೊತೆಟ್ ಕಮಲಾದೇವಿ ಮಲ್ಲಿನ ಅಭಿನಯೊಲು ಅಕೈನ ನಾಟಕೊಲೆಗ್ ಎಡ್ಡೆ ಪುದರ್ನ್ ಸಂಪೊಲ್ಲಿದ್ ಕೊರುಂಡು, ವರ್ಸೊಲು ಕರಿಲೆಕೋನೇ ಕಮಲಾದೇವಿ ನಾಟಕೊಲೆಡ್ ಪಾರ್ಟ್ ಮಲ್ಪುನೇಡ್ ನಾಟಕೊಲೆನ್ ಮಲ್ಪಾವುನವು, ನಾಟಕ ರಂಗೋಲೆನ್ ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 14
