ಕಲಾ ಕ್ಷೇತ್ರದ ಮೆನ್ಕ್ ಬೊಳ್ಳಿ ಕಮಲಾದೇವಿ ಒರ್ತಿ ಅಭಿನೇತ್ರಿಯಾದ್ ಮಸ್ತ ಪುದರ್ ಪಡೆಯಿನಾರ್. ಪೊಂಜನಕುಲು ಸಾರ್ವಜನಿಕವಾದ್ ನಾಟಕ-ನೃತ್ಯ ಪಂಡ್ದ್ ಪಿದಾಯಿ ಬಗ್ಗೆರೆ ಬಲ್ಲಿ ಪನ್ನಿನ ಕಟ್ಟಪಾಡ್ ಇತ್ತಿನ ಆ ಕಾಲೊಡು ಕಮಲಾದೇವಿ ಮಸ್ತ್ ಬಂಜದ ಪರಿಸ್ಥಿತಿಡೇ ನಾಟಕ-ಸಂಗೀತ-ನೃತ್ಯ ಕ್ಷೇತ್ರೋಗು ಕಾರ್ದೀಯಿನಾರ್. ಅವೆಟ್ಲಾ ಕಮಲಾದೇವಿಯೆರೆನ ಇಲ್ಫ್ ಒಂಜಿ ಬಾರಿ ಸಂಪ್ರದಾಯೊದ ಕುಟುಂಬ ಆದಿತ್ತ್ಂಡ್. ಅಂಚಾದ್ ಪೊಂಜನಕುಲು ನಾಟಕೊಡು ಆಂಜನನ ಒಟ್ಟಿಗೆ ಅಭಿನಯ ಮಲ್ಪೆರೆ ಆರೆನ ಎಲ್ಯ ಪ್ರಾಯೊಡೇ ಆರೆಗ್ ಒಪ್ಪಿಗೆ ಇಜ್ಜಾಂಡ್. ಆರೆನ ಅಪ್ಪೆ ಗಿರಿಜಾಬಾಯಿಗ್ ನಾಟಕ-ಸಂಗೀತದ ಬಗೆಟ್ ಮಸ್ತ್ ಉಮೇದ್ ಇತ್ತ್ಂಡಲಾ ಕುಡ್ಡದ ಮೂಲಭೂತವಾದಿ ಸಂಪ್ರದಾಯ ನಿಷ್ಟೆರ್ ಅವೆನ್ ಸಹಿಸೊಂದಿಜ್ಜಾಂಡ್. 3 ಪೊಂಜನಕ್ಸೆಗ್ ಓದು-ಬರವು ಕಲ್ಪಾವೆರೆಗ್ ಬೋಡಾದ್ ಡಾ. ಆನಿ ಬೆಸೆಂಟ್ ಬೊಕ್ಕ ಮಾರ್ಗರೇಟ್ ಕಸಿನ್ ಸೇರೊಂದು ವಿಮೆನ್ ಇಂಡಿಯಾ ಅಸೋಸಿಯೇಶನ್ ಪನ್ನಿನ ಸಂಸ್ಥೆನ್ ಕಟ್ಸ್ ಕೆಲಸ ಮಲ್ಲೊಂದಿತ್ತೆರ್. ಈ ಸಂಸ್ಥೆದ ವತಿಡ್ ಕುಡ್ಲಡ್ಲಾ ಒಂಜಿ ಸಾಲೆ ಸುರುವಾಂಡ್. ಗಿರಿಜಾಬಾಯಿ ಆರೆನ ಇಲ್ಲಲೇ ಈ ಸಾಲೆಗ್ ಜಾಗೆ ಕೊರಿತ್ತೆರ್. ಈ ಸಾಲೆನ್ ನಡಪಾವರೆ ಬೋಡಾದ್ ಮಾರ್ಗರೆಟ್ ಕಸಿನ್ ಕುಡ್ಲಗ್ ಬತ್ತ್ದ್ ಕೆಲಸ ಸುರುಮಲ್ಲೆರ್. ಆರೆಗ್ ಪಿಯಾನೋ ನುಡಿಸಾವುನೆಟ್ ಎಡ್ಡೆ ಉಮೇದ್ ಇತ್ತಂಡ್, ಅಂಚಾದ್ ಈ ಕಲೆನ್ ಕಮಲಾದೇವಿಯ್ತಾ ಕಲ್ಪಾದ್ ಕೊರೈರ್. ಒಂತೆ ಸಮಯ ಕರಿಬೊಕ್ಕ ಕಾರಣಾಂತರವಾದ್ ಮಾರ್ಗರೆಟ್ ಕಸಿನ್ರೆಗ್ ಮದ್ರಾಸ್ಗ್ ಪೋವೊಡಾದ್ ಬಂಡ್. ಆರ್ ಈತ್ ಸಮಯ ಕುಡ್ಲದ ಸಾಲೆಡ್ ಬೇಲೆ ಮಲ್ಲಿನ ನೆಂಪುಗಾದ್ ಆರೆಗ್ ಒಂಜಿ ವಿದಾಯ ಕೂಟ ಮಲ್ಲುನೆ ಪಂಡ್ ತೀರ್ಮಾನ ಆಂಡ್. ಈ ಕಾರ್ಯಕ್ರಮೊಡು 'ಭಕ್ತ ಮೀರಾ' ಪನ್ನಿನ ನಾಟಕೊನು ಜೋಕುಲು ಗೊಬ್ಬುದು ತೋಜಾವುನೆ ಪಂಡ್ದ್ರಾ ತೀರ್ಮಾನ ಆಂಡ್. ಪೊರುದ ಸ್ವರ ಬೊಕ್ಕ ಅಭಿನಯ ಮಲ್ಪುನ ತಾಕತ್ ಇತ್ತಿನ ಕಮಲಾದೇವಿಗ್ ಮೀರಾನ ಪಾರ್ಟ್ ಕೊರಿತ್ತೆರ್. ಬಾರಿ ಕುಸಿಟ್ ಕಮಲಾದೇವಿ ತಾನ್ ಮಲ್ಲೊಡಾಯಿನ ಮೀರಾ ಪಾತ್ರೆದ ಪದ್ಯ. ಅಭಿನಯೊಲೆನ್ ಅಭ್ಯಾಸ ಮತ್ತೊಂಡೆ, ನಾಟಕದ ನಾಯಕನ ಪಾರ್ಟ್ನ್ ಒರಿ ಆನಗ್ ಕೊರೈ, ಸಾಲೆದ ಈ ಒಂಜಿ ಕೆಲಸ ಕುಡ್ಲದ ಕೆಲವು ಜನೊಕ್ಲಗೆ ಬಾರಿ ಅಧಿಕ ಪ್ರಸಂಗೊದ ಲೆಕ ತೋಜಿದ್ ಬಸ್ತ್ಂಡ್. ಮಲ್ಲ ಮನೆತನದ ಒರ್ತಿ ಪೊಸ್ಟ್ ಮಗಳ್ ಒಂಜಿ ಆನನ ಒಟ್ಟುಡು ನಾಟಕ ಗೊಬ್ಬುನೆನ್ ಅಕುಲೆಡ್ಜ್ ತಡೆತ್ತೊನೈರೆ ಆಯಿಜಿ. ಅಕೈನ ಕಣ್ ಕೆಂಪಾಂಡ್. ಆನ್-ಪೊಣ್ಣುಲು ಸೇರ್ ನಾಟಕ ಗೊಬೈರೆ ಬಲ್ಲಿಂದ್ ಬಹಿಷ್ಕಾರ ಪಾಡೆರ್. ಒಂಜಿ ವೇಳೆ ನಾಟಕ ಗೊಬ್ಬುಂಡ ಪರಿಸ್ಥಿತಿಯೇ ಬೇತೆ ಆವು ಪಂಡ್ದ್ ಬೆದರಿಕೆಲೆನ್ ಪಾಡೈರ್, ಈ ಸುದ್ದಿ ಪೇಪರ್ ಲೆಡ್ ಬರೆರೆ ಸುರು ಆಂಡ್ ಜನೊಕುಲು ಪೋಡಿದ್ ಪೋಯೆರ್. ನಾಟಕೊನು ಉಂತಯೆರೆ ಒತ್ತಡ ಪಾಡೆರೆ ಸುರುಮಲ್ಲೆರ್, ಕಡೆಕ್ ನಾಟಕೊದ ಸಾರ್ವಜನಿಕ B ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 13
