ก ಕಲೆತ ಆರೆನ ಒಡನಾಟ ಅವೆನ್ ದೇಸ ಇಡೀಕ ಕಮಲಾದೇವಿ ಭಾರತೊದ ಕೋಡಿ ಕೋಡಿದ ಊರುಲೆನ್ ತಿ ಕರಕುಶಲ ಕೈಗಾರಿಕಾ ವಸ್ತುಲೆನ ಪಿರಾಕ್ದ ಸಾಂಪ್ರದಾಯಿಕ ಕರಕುಶಲ-ಕೈಗಾರಿಕಾ ಕಸುಬುದ ಬಗೆನ್ ತೆರಿಯೊಂಡೆರ್. ಕುಶಲ ಕರ್ಮಿಲೆಗಾದ್ ರಾಷ್ಟ್ರೀಯ ಇನಾಮುಲೆನ್ ಕಮಲಾದೇವಿ ಸುರುಮಲ್ಲೆರ್, ಅಖಿಲ ಭಾರತ ಕರಕುಶಲ ಮಂಡಳಿಗೆ ಕಮಲಾದೇವಿ ಸುರೂತ ಗುರ್ಕಾರ್ತಿಯಾದ್ ಆಯ್ಕೆಯಾದ್ ಗುಡಿ ಕೈಗಾರಿಕೆ, ಎಂಪೋರಿಯಾ ಕಲೆನ್ ಬೊಲ್ವುಗು ಕನಪುನ ಕಾರ್ಯೊನು ಸುರುಮಲ್ಲೆರ್, ಕೈಮಗ್ಗ ಬೊಕ್ಕ ಕೈಕುಶಲ ಕೈಗಾರಿಕೆಲೆಗಾದ್ ಪೊಸತಾದ್ ಆಡಳಿತ ವ್ಯವಸ್ಥೆಡೆ ಅಭಿವೃದ್ಧಿ ಅಧಿಕಾರಿಲೆನ ಹುದ್ದೆನ್ ಉಂಡು ಮಲ್ಪೆದ್ ಅಯಿಕ್ ಅಧಿಕಾರಿಲೆನ್ ನೇಮಕ ಮಲ್ಲೆರ್, ಕೈಗಾರಿಕೆಲೆಡ್ ತಯಾರಾಯಿನ ಕೈಕುಶಲ ವಸ್ತುಲೆನ್ ಮಾರಾಟ ಮಲ್ಲುನ ವ್ಯವಸ್ಥೆನ್ಲಾ ಕಮಲಾದೇವಿ ಮಲ್ಲೆರ್. 'ಭಾರತೀಯ ಕಸೂತಿ ಕಲೆ ಪನ್ನಿನ ಬೂಕುನು ಬರೆಯೆರೆಗ್ ಬೋಡಾದ್ ಕಮಲಾದೇವಿ ಒಂಜೊಂಜಿ ರಾಜ್ಯೋಗು ಪ್ರವಾಸ ಪೋದು ಅಲ್ಪದ ಕಸೂತಿ ಕಲೆಕ್ಲಿನ್ ಸಾಂಪ್ರದಾಯಿಕ ಪೊಲ್ಲುದ ಗುಟ್ಟುಲೆನ್ ಕಲ್ಲೊಂಡೆ, ತಂತಿ ಜರಿ ಕಸೂತಿ, ಚಿಕನ್ ಕೆಲಸ, ಪ್ರಾಣಿಲೆನ ಕಸೂತಿಗೆ ಪುದರ್ ಪೋಯಿನ ಅಂಗಮಿ ನಾಗಾ ಶಾಲ್, ಕಚಿ ರಬಡಿ, ಹಿಮಾಚಲ ಪ್ರದೇಶ ರಾಜ್ಯೋದ ರಾಸಲೀಲಾ, ಚೋಸ್ಟ್ ಬೊಕ್ಕ ದುರಿ, ಬಂಗಾಳದ ಕಾಂತಾ ಕಸೂತಿ ರಾಜಾಸ್ಥಾನದ ಪಿಚ್ವೇಸ್ ಇಂಚಿತ್ತಿ ಅಂಶೋಲನ ಚರಿತ್ರೆ, ಅವೆಟ್ ಬಳಕೆ ಮಲ್ಲುನ ಬಣ್ಣ, ಅವನ ಕೆಲಸ ಉಂದೆನ್ ಮಾತ ಸಂಶೋಧನೆ ಮಲ್ತ ಆ ಬೂಕುನು ಬರೆಯೆರ್. ಉಂದು ಆರೆನ ಬದ್ಧತೆಗೆ ಸಾಕ್ಷಿ. ಅವ್ವತ್ತಂದೆ ಬೇತೆ ಬೇತೆ ದೇವಸ್ಥಾನೊಲೆಗ್ ಪೋದು ಅಲ್ಲದ ದೀಪ, ಗಂಟೆಲು, ಪರಕದ ರೂಪೊಡು ಬರಿನ ವಸ್ತುಲೆನ ಕೈಪೊಗ್ಗುದ ಕೆಲಸ, ಅವನ ಉಪಯೋಗ, ಮಲ್ಲುನ ರೀತಿ, ರಿವಾಜು ಉಂದೆನ ಬಗೆಟ್ಾ ಸಂಶೋಧನೆ ಮಲ್ಲೆರ್. ದೇಸೊದ ಪಿರಾಕ್ದ ಕೆಲಸೊಲಾಯಿನ ಕರ ಮಲ್ಲುನ, ಕುಂಟು ನೆಯ್ದುನ, ಚಿತ್ರ ಬುಡ್ಡಾವನ, ಬಣ್ಣ ಪಾಡುನ, ಇಂಚಿತ್ತಿ ಕರಕುಶಲ ಕಾರ್ಯೊಲೆನ ಎಡ್ಡೆ ಬುಳೆಚ್ಚಿಲ್ಗಾದ್ ಸರ್ಕಾರೊಡ್ಡ ಆದೇಶ ಪತ್ರೋಲು ಬರುಲೆಕ ಮಲ್ಲೆರ್. ವರ್ಲ್ಡ್ ಕ್ರಾಫ್ಟ್ ಕೌನ್ಸಿಲ್ದ ಒಟ್ಟಿಗೆ ಸೇರೊಂದು ಕ್ರಾಫ್ಟ್ ಕೌನ್ಸಿಲ್ ಒತ್ತು ಗುರ್ಕಾರ್ಮೆನ್ಲಾ ವಹಿಸೊನ್ನ ಅವಕಾಶ ಕಮಲಾದೇವಿಗ್ ತಿನವು ಆರೆನ ಹಿರಿಮೆಗ್ ಸಾಕ್ಷಿ, ಬೊಂಬಾಯಿಡ್ ಶಿಲ್ಪಿ ಕೇಂದ್ರನ್ ಸುರುಮ ಕೈಕುಶಲ ವಸ್ತುಲೆನ ಮಾರಾಟೊಗು ಇಂಬು ಕೊರೈ, ಈ ಕುರಿತಾದ್ ಕಮಲಾದೇವಿಗ್ ಇತ್ತಿನ ಉಮೇದ್ ಗುರ್ತಿಸಾಯಿನ ಶ್ರೀಲಂಕಾ ದೇಸೊದ ಸರ್ಕಾರ ಅಲ್ಲದ ಸಾಂಪ್ರದಾಯಿಕ ಕೈ ಕುಶಲ ಕಲೆನ್ ಒರಿಪಾದ್ ಬುಳೆಪಾಯೆರೆ ಬೋಡಾದ್ ತಂಪ್ಯೂಲೆನ್ ನಾಡ್ ಪತ್ಯೆರೆ ಆರೆನ್ ತನ್ನ ದೇಸೊಗು ಲೆಪುಡಾಂಡ್, ಸೆನೆಗಲ್ ಸರ್ಕಾರ ಕಮಲಾದೇವಿನ್ ತನ್ನಡೆಗ್ ಲೆಪುಡಾದ್ ಮಾನಾದಿಗೆ ಮಲ್ತ್ಂಡ್. ಇಂಚ ಕೈಕುಶಲ ಕ್ಷೇತ್ರಗು ಕಮಲಾದೇವಿ ಕೊರ ಕಾಣಿಕೆ ಅಯಿನ ಎಡ್ಡೆ ಬುಳೆಚ್ಚಿಲ್ಗ್ ಮಸ್ತ್ ಬೆರಿಸಾಯಾದ್ ಉಂತ್ಯ. ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 12
