ಸ್ವಾತಂತ್ರ್ಯಗು ಬೋಡಾದ್ ಜಗತ್ತದ ದೇಸೋಲು ಆಂಗ್ಲರನ ಮಿತ್ತೆ ಒತ್ತಡ ಪಾಡುನಂಚ ಮಲ್ಲುನಲ್ಪ ಕಮಲಾದೇವಿ ಮಸ್ತ್ ಪುಣೆಯೆರ್. ಇಂಚ ಕಮಲಾದೇವಿಯೆರೆನ ಭಾರತ ಸ್ವಾತಂತ್ರ್ಯ ಹೋರಾಟೊದ ಪೊ೦ಬಾಟೊಡು ಆರೆನ್ ಒರ್ತಿ ಮಲ್ಲ ಸ್ವಾತಂತ್ರ್ಯ ಹೋರಾಟಗಾರ್ತಿಂದೇ ನಮ ಲೆಪ್ಪೋಲಿ, ಸ್ವಾತಂತ್ರೋಗಾದ್ ಆರೆನ ದಿನನಿಚ್ಚೆದ ಹೋರಾಟ ಆರೆನ್ ಒರ್ತಿ ಮಲ್ಲ ಹೋರಾಟಗಾರ್ತಿಯಾದೆ ರೂಪಿಸಾಂಡ್. ನಿಲೆದಾಂತಿನಕ್ಷೆಗ್ ನಿರೆಳಾಯಿನಾ ಕಮಲಾದೇವಿ B ದೇಸೊಗು ಸ್ವಾತಂತ್ರ್ಯನು ಕೊರ ಒಟ್ಟಿಗೆನೇ ಆಂಗ್ಲರ್ ನಮ್ಮ ಬೆರಿಕ್ ಬಿಸತ್ತಿ ಪಾಡುನ ಕೆಲಸೊನ್ಲಾ ಮಲ್ಲೆರ್, ಅಖಂಡ ಭಾರತದ ನೆಲೊನು ರಸ್ಟ್ ಭಾಗ ಮಲ್ತ ಭಾರತ-ಪಾಕಿಸ್ತಾನ ಪಂಡ್ದ್ ಬೇತೆ ಬೇತೆ ಮಲ್ಪೆ ಪಾಡೈರ್, ಈ ಕುರ್ತೆಲ್ ಕೆಲಸ ಅವೇತೋ ಲಕ್ಷ ಜನೊಕ್ಲನ ಜೀವನೊದ ಸಾದಿನೇ ತಪ್ಪಾದ್ ಬುಡ್ಂಡ್. ಜಾತಿ-ಮತ ಪಂಡ್ದ್ ರಡ್ ದೇಸೊಲೆಡ್ಲಾ ದೊಂಬಿ ಸುರುವಾಂಡ್. ಏತೋ ಸಾರ ಜನೊಕುಲು ನಿಲೆದಾಂತೆ ಪಾಕಿಸ್ತಾನೊಡ್ಡು ಭಾರತೊಗು ಪಾರ್ ಬತ್ತೆರ್. ಇಂಚಿತ್ತಿ ಜನೊಕ್ಲಗ್ ಉಂತೆರೆ ಒಂಜಿ ಗಟ್ಟಿ ನಿಲೆ ಒದಗಿಸಾವುನವು ಭಾರತೊದ ಕೆಲಸ ಆದಿತ್ತಂಡ್, ಈ ಕಾರ್ಯೊಡು ಕಮಲಾದೇವಿಲಾ ಪಾಲ್ ಪಡೆಯೆ, ಜನೊಕ್ಲಗ್ ಪುನರ್ವಸತಿ ಕೊರಿನ ಕಚ್ಚೆಗಾದ್ ಭಾರತೀಯ ಸಹಕಾರ ಸಂಘೋನು ಕಟ್ಸ್ ಇಲ್ಲ-ಬಿತ್ತಿಲ್ ಕಳೆವೊನ್ನ ಜನೊಕ್ಲಗ್ ಬಡಾವಣೆಲೆನ್ ಕಟ್ಟಿದ್ ಕೊರುನ ಯೋಜನೆಲೆನ್ ಮಲ್ಲೆರ್. ಕಮಲಾದೇವಿ ತಾನ್ ಪಾಡಿನ ಈ ಯೋಜನೆನ್ ಗಾಂಧಿಯೆರೆಗ್ ತೆರಿಪಾನಗ ಆರ್ ಒಂಜಿ ಷರತ್ ಪಾಡಿಯೆರ್. ವಾ ಕಾರಣಗುಲಾ ರಾಜ್ಯ ಸರ್ಕಾರದ ಬೆರಿಸಾಯೊನು ಈ ಯೋಜನೆಗೆ ದೆತೊನ್ಯರೆ ಬಲ್ಲಿಂದ್ ಪಂಡೆರ್. ಈ ಷರತ್ತೆಗ್ ಒತ್ತೋನ್ನ ಕಮಲಾದೇವಿ ಬಾರಿ ಬಂಜಿ ಬತ್ತ್ದ್ ದಿಲ್ಲಿದ್ದ ಪಿದಾಯಿ ಪುಡೆಟ್ ಫರಿದಾಬಾದ್ ಪನ ಉಪನಗರೊನು ಕಟ್ಟಿ ಪಾಕಿಸ್ತಾನೊಡ್ಡ ಭಾರತೊಗು ನಿಲೆ ನಾಡ್ಜ್ ಬತ್ತಿನ ಸುಮಾರ್ 50,000 ನಿರಾಶ್ರಿತೆರೆಗ್ ನಿಲೆ ಕಲ್ಪಿಸಾದ್ ಕೊರೆರ್. ಬಚ್ಚೆಲ್ ಆರಪೆರೆ ಅವಕಾಶ ಕೊರಂದಿಲೆಕ ಬಂದ್ನ ಕಮಲಾದೇವಿ ಆ ನಿರಾಶ್ರಿತೆ ಇಲ್ಲಿ ಕಟ್ಟುನಲಡ್ ಸುರುವಾದ್. ಅಯಿಕ್ ಬೋಡಾಪಿನ ಕೌಶಲ್ಯನ್ ಅಕ್ಲ್ ಪಡೆವೊನ್ಯರೆ, ಅಲ್ಲಿನ ಬದ್ಕ್ ಬೆರಿಸಾಯ ಆಪಿಲೆಕ ಒಂಜಿ ಕೆಲಸ ಮಲ್ಲುನಡೆ ಮುಟ್ಟ ಅಕ್ಸೆಗ್ ಎಡ್ಡೆ ಆರೋಗ್ಯ ವ್ಯವಸ್ಥೆಲೆನ್ ಮಲ್ತ್ ಕೊರಿನಡೆ ಮುಟ್ಟ ರಾತ್ರೆ-ಪಗೆಲ್ ಎನ್ಯಂದೆ ಕೆಲಸ ಮಲ್ಲೆರ್. 3 ಇಡೆಗ್ ಕಮಲಾದೇವಿ ಚಟ್ಟೋಪಾಧ್ಯಾಯೆರೆನ ಬದ್ಕ್ ಸಾಧನೆದ ರಡ್ಡನೇ ಅಧ್ಯಾಯೊದ ಪುಟೊಕುಲು ಸುರು ಆಪ ಸ್ವಾತಂತ್ರ್ಯ ಹೋರಾಟ ಬೊಕ್ಕ ಹರೀಂದ್ರನಾಥ ಚಟ್ಟೋಪಾಧ್ಯಾಯೆರೆನ ಸಂಸರ್ಗೊಡು ಮಲ್ಲಿನ ನಾಟಕ-ನೃತ್ಯ ಪ್ರದರ್ಶನೊದ ಸಾಧನೆಲೆನ ಒಟ್ಟಿಗೆ ಭಾರತೊದ ಪಿರಾಕ್ದ ಕುಶಲ ಕೆಲಸಗಾರಿಕೆದ ಇತಿಹಾಸೊನು ನನೊರ ದೆರ್ತ್ ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 10
