ಬರಿಟ್ ಇಲ್ಲಿನ ಹೈಕೋರ್ಟ್ದ ಉಲಯಿ ಪೊಗ್ಗುನ ಕಮಲಾದೇವಿ ಅಲ್ಪ ಇತ್ತಿನ ಮ್ಯಾಜಿಸ್ಟ್ರೇಟ್ನ ಕೈತಡೆ ಪೋದು ನಡತೊಂದಿಪ್ಪುನ ಉಪ್ಪುದ ಸತ್ಯಾಗ್ರಹೊಗು ಕೈಜೋಡಿಸಾಯರೆ ಕೇನೊಂಡೆರ್. ಅವ್ವತ್ತಂದೆ ಸತ್ಯಾಗ್ರಹಿಲು ತಯಾರ್ ಮಲ್ಲಿನ 'ಸ್ವಾತಂತ್ರ್ಯದ ಉಪ್ಪುನು ದೆತೊನೆಕ ಆರೆನ ಮನಸ್ಸನ್ ಬದಲ್ ಮಲ್ಲೆರ್. 1930 ಜನವರಿ 26ನಾನಿ ನಡತಿನ ಒಂಜಿ ಘಟನೆದ್ದಾವರ ಕಮಲಾದೇವಿ ಇಡೀ ದೇಸೊದ ಮಾತಾ ಜನೊಕ್ಲನ ದಿಟ್ಟಿಗ್ ಬೂರು ಒರ್ತಿ ಮಾಮಲ್ಲ ದೇಶ ನಾಯಕಿಯಾದ್ ಗೋಚರ ಆಯೆರ್. ಆನಿ ನಡತಿನ ಒಂಜಿ ಗಲಾಟೆಡ್ ಕಮಲಾದೇವಿ ನಮ್ಮ ದೇಸೊದ ತ್ರಿವರ್ಣ ಧ್ವಜೊನು ರಕ್ಷಣೆ ಮಲ್ಪೆರೆ ಬೋಡಾದ್ ಅಯಿನ್ ಅರಾದ್ ಪತ್ತೊಂದಿನ ದೃಶ್ಯ ದೇಸ ಇಡೀ ಪ್ರಸಾರ ಆಂಡ್. ಜೈಲ್ಗ್ ಸೇರ್ನ ಸುರೂತ ಪೊಂಜೊವು ಆಂಗ್ಲರನ ವಿರುದ್ಧದ ಹೋರಾಟೊಡು ಅವೇತೋ ಜನ ಭಾರತೀಯ ಜೈಲ್ ಪಾಲಾವೊಂದಿತ್ತೆರ್. 1930 ಮುಟ್ಟ ಇಡೀ ಭಾರತ ದೇಸೊನು ಬ್ರಿಟಿಸೆರೆನ ಕೈಡ್ ಬುಡ್ಡಾವೊಡು ಪನ್ನಿನ ಉದ್ದೇಶೆಡು ನಡತಿನ ಸ್ವಾತಂತ್ರ್ಯ ಹೋರಾಟೊಡು ಎಲ್ಲಾ ಪೊಂಜನಕುಲು ಜೈಲ್ ಸೇರ್ ದಿಜ್ಜಂಡ್, ಆಂಡ 1930ನೇ ಇಸವಿಡ್ ದೇಸೊದ ಸ್ವಾತಂತ್ರ್ಯಗು ಬೋಡಾದ್ ಜೈಲ್ಗ್ ಸೇರ ಸುರೂತ ಪೊಂಜೊವು ಪಂಡ ಕಮಲಾದೇವಿ ಪನ್ನಿನ ಪುದರ್ನ್ ಆರ್ ಪಡೆಯೆರ್, ಬೊಂಬಾಯಿದ ಸ್ಟಾಕ್ ಎಕ್ಸ್ಚೇಂಜ್ ಆಫಿಸ್ ಉಲಯಿ ಪೊಗ್ಗುದು ಉಪ್ಪುದ ಕಟ್ಸ್ಲೆನ್ ಮಾರಾಟ ಮಲ್ಪೆರೆ ತೂನಗ ಆಂಗ್ಲರ್ ಆರೆನ್ ಅರೆಸ್ಟ್ ಮಲ್ತ್ದ್ ಜೈಲ್ಗ್ ಪಾಡೈರ್, ಇಡೀ ಒಂಜಿ ವರ್ಸೊ ಜೈಲ್ಡೇ ಕಾಲ ಕಳೆಯಿನಾ ಕಮಲಾದೇವಿ 1936ನೇ ಇಸವಿಡ್ ಕಾಂಗ್ರೆಸ್ ಸೋಷಿಯಲಿಸ್ಟ್ ಪಕ್ಷದ ಗುರ್ಕಾರ್ತಿಯಾದ್ ಕೆಲಸ ಮಲ್ಲೆರ್, ಮಲ್ಲ ನಾಯಕರಾದಿತ್ತಿನ ಜಯಪ್ರಕಾಶ್ ನಾರಾಯಣ, ರಾಮ್ ಮನೋಹರ್ ಲೋಹಿಯಾ, ಮೀನೂ ಮಸಾನಿ ಇಂಚಿತ್ತಿನನ ಪ್ರಭಾವ ಕಮಲಾದೇವಿಯೆರೆನ ಮಿತ್ ಬೂರ್ಂಡ್, ಪೊಂಜನನ ನ್ಯಾಯವಾಯಿನ ಹಕ್ಕಿ ಅವಕಾಶೆಲೆಗ್ ಒವ್ವ ರೀತಿದ ಅಡೆತಡೆ ಬಂಡಲಾ ಕಮಲಾದೇವಿ ಮುಲಾಜಿ ಇಜ್ಜಂದ ಅಯಿನ ಬಗೆಟ್ ಪಾತೆರೊಂದಿತ್ತೆರ್, ದಂಡಿ ಸತ್ಯಾಗ್ರಹೊಡು ಪೊಂಜನಕುಲು ಪಾಲ್ ಪಡೆವುನ ಬೊಡ್ಡಿಂದ್ ಗಾಂಧಿಯೆರ್ ಪನ್ನಗ ಅವೆನ್ ವಿರೋಧ ಮಲ್ಲಿನಾರ್ ಆರ್. ಅವು 1940ನೇ ಸಮಯ ಗಡ್ಡನೇ ಪ್ರಪಂಚ ಯುದ್ಧ ನಡತೊಂದಿತ್ತ್ಂಡ್. ಜೊತೆ ಜೊತೆಟೇ ಭಾರತ ದೇಸೊದ ಸ್ವಾತಂತ್ರ್ಯ ಹೋರಾಟೊದ ಪಜೊಲು ಬಾರಿ ಬೀಸಬೀಸಡೆ ದುಂಬು ಪೋವೊಂದಿತ್ತ್ಂಡ್. ಆ ಪೊರ್ತುಡು ಲಂಡನ್ಡ್ ಇತ್ತಿನ ಕಮಲಾದೇವಿ ಅಲ್ಪಡ್ ಪಿದಾಡ್ದ್ ಬೇತೆ ಬೇತೆ ದೇಸೊಲೆನ್ ಸುತ್ತ ಭಾರತ ದೇಸೊದ ಕಸೊದ ಪರಿಸ್ಥಿತಿನ್, ಆಂಗ್ಲರನ ಮೋಸ ಕಂಡು ಬೇಲೆಲೆನ್ ಜಗತ್ತದೆದು ಸಾದ್ ಪಂಡೆರ್. ದೇಸೊದ ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 9
