ಕಮಲಾದೇವಿ ತನಕ್ ಇತ್ತಿನ ಸ್ವಾತಂತ್ರ್ಯ ಹೋರಾಟೊದ ಉಮೇದ್ ಪಂಡ್ ದಿತ್ತೆರ್. ಆನಿ ಆ ಪೊಣ್ಣು ಮಗಳೆನ ತರೆಪೂಜಿದ್ ಗಾಂಧಿಯೆರ್ ಎಡ್ಡೆ ಪಾತೆರ ಪಂಡ್ ದಿತ್ತೆರ್. 1923ಡ್ ಕಮಲಾದೇವಿ ಲಂಡನ್ಡ್ ಉಪ್ಪುನಗ ಆರೆಗ್ ಗಾಂಧಿಯೆರ್ ಲೆಪ್ಪು ಕೊರ ಅಸಹಕಾರ ಚಳುವಳಿದ ಬಗೆಟ್ ಉಮೇದ್ ಪುಟ್ಕಂಡ್, ಆ ಕ್ಷಣೋಟೇ ಲಂಡನ್ ಬುಡ್ ಭಾರತೊಗು ಕಮಲಾದೇವಿ ಬತ್ತೆರ್, ಗಾಂಧಿಯೆರೆನ ಅಸಹಕಾರ ಚಳುವಳಿಡ್ ಪೂರ್ತಿಯಾದ್ ಪಾಲ್ ಪಡೆಯೆರ್. ಸೇವಾದಲ ಬೊಕ್ಕ ಕಮಲಾದೇವಿ ದೇಶಸೇವೆದ ಮಾಮಲ್ಲ ಕಜ್ಜೆದ ಗುರಿನ್ ದೀವೊಂದು ನಾ.ಸು. ಹರ್ಡೀಕರ್ ಕಟ್ಟಿನ ಸೇವಾದಲ ಆ ಕಾಲೊಡು ಪ್ರತಿಯೊಂಜಿ ಭಾರತೀಯರೆನ ಸ್ವಾಭಿಮಾನೊದ ಅಂಗವಾದಿತ್ತಂಡ್, ದೇಸೊದ ಸ್ವಾತಂತ್ರ್ಯಗು ಬೋಡಾದ್ ಹೋರಾಟ ಮಲ್ಪಿನಂಚಿನ ಜನೊಕ್ಲಗ್ ಉಮೇದ್ ಪುಟ್ಟಾವುನ, ಶಿಸ್ತು, ತಾಳ್ಮೆನ್ ಕಲ್ಪಾವುನ, ಕಷ್ಟ-ನಸ್ಟೋಲೆನ್ ತಡೆತೊನ್ನ ಶಕ್ತಿನ್, ಆತ್ಮಸ್ಥೆರ್ಯೊನು ಉಂಡು ಮಲ್ಲುನ ಒಂಜಿ ಗಟ್ಟಿ ಸಂಸ್ಥೆಯಾದಿತ್ತಂಡ್ ಸೇವಾದಲ. ಗಾಂಧಿಯರನ ಆದರ್ಶದ ಜೀವನಕ್ರಮೊಕುಲು ಸೇವಾದಲದ ಮೂಲ ಅಂಸೊಲಾದಿತ್ತ. ಇಂಚಿತ್ತಿ ಸೇವಾದಲೊನು ಸೇರೊನ್ನ ಕಮಲಾದೇವಿ ಕೆಲ ಸಮಯೊಡೇ ಸೇವಾದಲೊತ ಪೊಂಜನಕ್ಷೆನ ಕೂಟೊದ ಜಬದಾರಿಕೆನ್ ದೆತೊಂಡೆರ್. ಈ ಬಗೆಟ್ ಕೆಲಸ ಸುರುಮಲ್ಲಿನ ಕಮಲಾದೇವಿ ದೇಸೊದ ಮಾತಾ ಕಡೆಕ್ ತಿರಾಟ ಮಲ್ತ ಪೊಣ್ಣು ಜೋಕ್ಲಿನ್, ಪೊಂಜನಕ್ಲನ್ ಸೇವಾದಲೊಕು ಸೇರಾವುನ ಕೆಲಸ ಮಲ್ಲೆರ್. ಅಕ್ಸೆಗ್ ತರಬೇತಿ ಬೊಕ್ಕ ದೇಸೊ ಸೇವೆದ ಉಮೇದ್ ಪುಟ್ಟಾವುನ ಕಜ್ಜ ಮಲ್ಲೆರ್, ಅವತ್ತಂದೆ ಸೇವಾದಲೊಟೇ ಪೊಂಜನಕ್ಷೆನ ಒಂಜಿ ಪ್ರತ್ಯೇಕವಾಯಿನ ಕೂಟೊನು ಕಟ್ಟೋದ್ ಅಯಿಕ್ 'ಸೇವಿಕಾ' ಪಂಡ್ದ್ ಪುದರ್ ದೀದ್ ಸುರು ಮಲ್ಲೆರ್. ಶಾಸನ ಸಭೆಕ್ ಓಟುಗು ಉಂತೆರ್ 1926ನೇ ಇಸವಿಡ್ ಕಮಲಾದೇವಿಗೆ ಮಾರ್ಗರೆಟ್-ಇ-ಕಸಿನ್ನ ಪರಿಚಯ ಆಂಡ್. ಮಾರ್ಗರೇಟ್ ಕಸಿನ್ ಆಫ್ ಪೊರ್ತುಗೇ ಇಡೀ ಭಾರತೊದ ಪೊಂಜನನ ಒಂಜಿ ಎಚ್ಚರ ಪುಟ್ಟಾವುನ ಸ್ವರ ಆದ್ ಪುದರ್ ಪಡೆದಿತ್ತೆರ್. ಪೊಂಜನಕ್ಲನ ಸ್ಥಿತಿಗತಿ ಸುಧಾರಣೆಗೆ ಬೋಡಾದ್ ಅಖಿಲ ಭಾರತ ಮಹಿಳಾ ಸಂಘೋನು ಕಟ್ಟೋದ್ ನಡಪಾವೊಂದಿತ್ತೆರ್. ಕಮಲಾದೇವಿಯೆಂಡ ಇತ್ತಿನ ದೇಶಪ್ರೇಮ, ಬುದ್ದಿವಂತಿಕೆದ ಗುಣೋನು ಮೆಚ್ಚೆನ್ನ ಮಾರ್ಗರೇಟ್ ಕಸಿನ್ ಆರೆನ್ ಮದ್ರಾಸ್ ಪ್ರಾಂತ್ಯದ ಶಾಸನ ಸಭೆಕ್ ಆಯ್ಕೆ ಆವರೆ ಓಟುಗು ಉಂತೆರೆ ಪಂಡೆರ್. ಕಮಲಾದೇವಿ ಸುರುಕ್ ಓಟುಗು ಉಂತೆರೆ ಅಂಜಿಯೆರ್. ಆಂಡ ಮಾರ್ಗರೇಟ್ ಕಸಿನ್ನ ಒತ್ತಾಯೊಗು ಓಟುಗು ಉಂತಿನ ಕಮಲಾದೇವಿ ಶಾಸನ ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 7
