ಬೆರಿಸಾಯ ಕೊರೊಂದಿತ್ತೆರ್, ದಾಯೆ ಪಂಡ ಆರ್ಲಾ ಒರಿ ಮಾಮಲ್ಲ ಕಲಾಪ್ರೇಮಿಯಾದಿತ್ತೆರ್, ರಂಗಭೂಮಿದ ಬಗೆಟ್ ಆತ್ ಪೊರ್ತುಗೇ ಮಸ್ತ್ ಸಾಧನೆಲೆನ್ ಮಲ್ತದಿತ್ತೆರ್. ಇಂಚ ರಡ್ಡನೇ ಮದಿಮೆ ಆಯಿನ ಕಮಲಾದೇವಿ, ಹರೀಂದ್ರನಾಥೆರೆನೊಟ್ಟಿಗೆದ ಸಂಸಾರೊದ ಫಲವಾದ 'ರಾಮಕೃಷ್ಣ ಪನ್ನಿನ ಪುದರ್ದ ಆನ್ ಮಗನ್ ಪಡೆಯೆರ್. ಕಮಲಾದೇವಿ ಬೊಕ್ಕ ಹರೀಂದ್ರನಾಥ ಚಟ್ಟೋಪಾಧ್ಯಾಯೆರ್ ಮೊಕ್ಲಗ್ ರಡ್ ಜನೊಕ್ಲಗ್ಲಾ ಬಾರಿ ಪೊರುದ ಕಂಠಸಿರಿ ಇತ್ತ್ಂಡ್, ಆತ್ ಪೊರ್ತುಗನೇ ಹರೀಂದ್ರನಾಥೆರ್ ಮಸ್ ಒಪೆರಾ-ನಾಟೊಕೊಲೆನ್ ಬರೆದಿತ್ತೆರ್. ಅವೆನ್ ಬಾರಿ ಪೊರುಡು ಬೇತೆ ಬೇತೆ ಜಾಗೆಲೆಡ್ ತೂಪರಿಕೆ ಮಲ್ಲೊಂದಿತ್ತೆರ್. ಆರೆನ ನಾಟಕೊಲು ಹೆಚ್ಚಾದ್ ಮಹಾರಾಷ್ಟ್ರದ ಸಂತೆರೆನ ಕುರಿತಾದೇ ಇಟ್ಕಂಡ್, ಸಂತ ತುಕಾರಾಮ, ಜಯದೇವ, ಸಕ್ಕೂಬಾಯಿ, ಏಕನಾಥ, ಪುಂಡಲೀಕ ಇಂಚಿತ್ತಿ ಮಲ್ಲ ಚೇತನೊಲೆನ ಬಗೆಟ್ ನಾಟಕ ಬರೆದಿತ್ತೆರ್. ಈ ಪಾಲು ಪೂರಾ ಕಮಲಾದೇವಿನ ಅಪ್ಪೆ ಗಿರಿಜಾಬಾಯಿಗ್ ಆದರ್ಶ ಪುರುಷರಾದಿತ್ತಿನಕ್ಲೆನವೇ ಆದಿತ್ತಂಡ್. ಸಂತ ತುಕಾರಾಮ ನಾಟಕ ಭಾರತ ದೇಸೊದ ಇಡೀ ಜಾಗೆಲೆಡ್ ಪ್ರದರ್ಶನ ಆದಿತ್ತ್ಂಡ್. ಅವತ್ತಂದೆ ಕೆಲವು ಸಾಮಾಜಿಕ ನಾಟಕೊಲೆನ್ಲಾ ಹರೀಂದ್ರನಾಥೆ ಬರೆದಿತ್ತೆರ್. ಒರ ಬೊಂಬಾಯಿಡ್ ಮೊಕ್ತನ ನಾಟಕ ಪ್ರದರ್ಶನ ಆನಗ ಇಡೀ ಥಿಯೇಟರ್ ಪ್ರೇಕ್ಷರೆಡ್ ದಿಂಜಿದ್ ಪೋದು ಅವೇತೋ ಜನೊಕ್ಸೆನ್ ಜಾಗೆ ಇಜ್ಜಂದೆ ವಾಪಾಸ್ ಕಡಪುಡ್ನ ಪ್ರಸಂಗಲಾ ಬದಿತ್ತಂಡ್. ಇಂಚಿನ ಅವೇತೋ ಎಡ್ಡೆ ಪ್ರದರ್ಶನೊಲೆನ್ ಹರೀಂದ್ರನಾಥ್ ಬೊಕ್ಕ ಕಮಲಾದೇವಿಯೆರ್ ಕೊರೆರ್, ಹರೀಂದ್ರನಾಥೆರ್ ಬರೆಯಿನ ಪದ್ಯೋಲೆನ್ ಕಮಲಾದೇವಿ ತನ್ನ ಪೊರುದ ಸ್ವರೊಟು ಪಂಡೆಂದಾಂಡ ಪ್ರೇಕ್ಷಕ ಜನೊಕುಲು ಬಾರಿ ತನ್ಮಯತೆಡ್ ಕೇನೊಂದಿತ್ತೆರ್. ಇಂಚ ಹರೀಂದ್ರನಾಥೆರೆನ ಒಟ್ಟಿಗೆದ ಸಂಸರ್ಗ ಕಮಲಾದೇವಿಯೆರೆನ್ ನನಲಾತ್ ಗಟ್ಟಿ ಮಲ್ಲುನಲ್ಪ ಮಸ್ತ್ ಸಾಯ್ ಆಂಡ್. ಸ್ವಾತಂತ್ರ್ಯ ಹೋರಾಟೊದ ಸಾದಿಡ್ ಕಮಲಾದೇವಿ ಕಮಲಾದೇವಿ ಒಂಜಿ ಸಾಂಸ್ಕೃತಿಕವಾಯಿನ ಪ್ರಜ್ಞೆಂದ್ ನಮ ಗುರ್ತಿಸಾವುನ ಲೆಕ್ಕೊನೇ ಆರೆನ್ ಒರ್ತಿ ಮಾಮಲ್ಲ ಸ್ವಾತಂತ್ರ್ಯ ಹೋರಾಟಗಾರ್ತಿಂದ್ಲಾ ಪನೊಲಿ. ಆರೆನ ಒಟ್ಟು ಜೀವಮಾನೊನು ರಡ್ಡ ಭಾಗವಾದ್ ತೂಪುನೆಂದಾಂಡ ಅವು ಸ್ವಾತಂತ್ರ್ಯದ ಹೋರಾಟಗಾರ್ತಿಯಾದ್ ಬೊಕ್ಕ ಸಂಸ್ಕೃತಿದ ಹರಿಕಾರ್ತಿಯಾದ್ಂದ್ ಪನೊಲಿ. 1923ನೇ ಇಸವಿಡೇ ಆರೆನ ಸ್ವಾತಂತ್ರ್ಯ ಚಳುವಳಿದ ಪೊಂಬಾಟ ಸುರುವಾದಿತ್ತಂಡ್. ಗಾಂಧಿಯೆರೆನ ತೈನಾತಿಯಾದ್ ಕಮಲಾದೇವಿ 1917ನೇ ಇಸವಿಡ್ ಕುಡ್ಲಗ್ ಬತ್ತಿನ ಗಾಂಧಿಯೆರೆಡ 14 ವರ್ಸೊ ಪ್ರಾಯದ ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 6
