ಇಂಚಿತ್ತಿ ಜನಕುಲು ಕುಡ್ಲಗ್ ಬತ್ತೆಂದಾಂಡ ವಿಶ್ರಾಂತಿ ಪಡೆಯೆರೆ ಈ ಇಲ್ಲಡೆಗೇ ಬರೊಂದಿತ್ತೆರ್. ಇಂಚಿತ್ತಿ ಮಲ್ಲ ಮಾನಾದಿಗೆದ ಸುಬ್ಬರಾವ್ ಒಂಜಿ ದಿನ ಕಮಲಾದೇವಿನ್ ಕೈತಡೆ ಲೆತ್ತ್ ಈತ್ ಎಲ್ಯ ಪ್ರಾಯೊಡೇ ಸಂಸಾರೊದ ಸುಖನು ಕಳೆವೊನ್ನ ನಿನ್ನ ಪರಿಸ್ಥಿತಿ ಇಂಚನೇ ಉಪ್ಪುನ ಬೊಡ್ಡಿ ನಿಕ್ ಇಷ್ಟ ಬತ್ತಿನ ಒಂಜಿ ಆನನ್ ನಾಡ್ದ್ ಕುಡವೊಂಜಿ ಮದಿಮೆ ಆಲ ಎಂದ್ದ್ ಪಂಡೆರ್. ಆಂಡ ಕಮಲಾದೇವಿ ಆ ಪೊರ್ತುಗು ಈ ಪಾತೆರೊನು ಒತ್ತೊಂಡ್ಜೆರ್. ಆರೆನ ಅಪ್ಪೆ ಗಿರಿಜಾಬಾಯಿನೊಟ್ಟಿಗೆ ತನ್ನ ಕಾಲೇಜ್ ವಿದ್ಯಾಭ್ಯಾಸೊಗಾದ್ ಮದ್ರಾಸ್ಗ್ ರಡನೇ ಮದಿಮೆದ ಬದ್ಕ್ ಡ್ ಕಮಲಾದೇವಿ ಮದ್ರಾಸ್ ಕ್ವಿನ್ ಮೇರಿ ಕಾಲೇಜ್ಗ್ ಸೇರಿನ ಕಮಲಾದೇವಿಗ್ ಅಲ್ಪ ಸರೋಜಿನಿ ನಾಯ್ತು ಕುಟುಂಬದ ಪರಿಚಯ ಆಂಡ್. ಸರೋಜಿನಿ ನಾಯ್ಡು ಬೊಕ್ಕ ಸುಹಾಸಿನಿ ಚಟ್ಟೋಪಾಧ್ಯಾಯೆರೆನ ಒಡನಾಟೊಡು ಕಮಲಾದೇವಿಗ್ ಅಲ್ಲಿನ ಮೆಗ್ಗೆ ಹರೀಂದ್ರನಾಥ ಚಟ್ಟೋಪಾಧ್ಯಾಯೆರೆನ ಪೊಲಬಾಂಡ್, ಹರೀಂದ್ರನಾಥೆರ್ ಅಪಗನೇ ನಾಟಕ, ಸಂಗೀತ ಕಲೆಟ್ ಮಸ್ತ್ ಬಿರ್ಸೆಂದ್, ಎಡ್ಡೆ ಪ್ರತಿಭಾವಂತೆಂದ್ ಪುದರ್ ಪಡೆದಿತ್ತೆರ್. ಕಮಲಾದೇವಿಯೆರೆಗ್ ಇತ್ತಿನ ಕಲಾ ಪ್ರೀತಿ, ಹರೀಂದ್ರನಾಥೆರೆಗ್ ಇತ್ತಿನ ಪ್ರತಿಭೆ ಅಕ್ಸೆನ್ ರಡ್ಡ ಜನೊನ್ಲಾ ಕೈತಡೆ ಸೇರಿಸಾಯೆರೆ ಕಾರಣಾಂಡ್, 1919ನೇ ಇಸವಿಡ್ ಹರೀಂದ್ರನಾಥ ಚಟ್ಟೋಪಾಧ್ಯಾಯೆರೆನ ಜೊತೆಟ್ ಕಮಲಾದೇವಿಯೆರೆನ ಮದಿಮೆ ಆಂಡ್. ಆಂಡ ಆ ಕಾಲೊದ ಸಂಪ್ರದಾಯಬದ್ದವಾಯಿನ ಸಮಾಜೊಡು ಈ ಕೆಲಸ ಬಾರಿ ಯಾರಂದಿ ಕೃತ್ಯವಾದ್ ತೋಜಿಂಡ್. ಕಂಡನಿಯನ್ ಕಳೆವೊನ್ನ ಪೊಂಜನಕುಲು ಕುಡವೊಂಜಿ ಮದಿಮೆ ಆಪುನವು ಆ ಕಾಲೊಡು ಜನೊಕುಲು ಒಪ್ಪಂದಿನ ಕೆಲಸ ಆದಿತ್ತ್ಂಡ್. ಆಂಡ ಕಮಲಾದೇವಿ ಚಟ್ಟೋಪಾಧ್ಯಾಯರ್ ಅವೆನ್ ಮೀರ್ದ್ ಉಂತೆ. ಮದಿಮೆ ಆಯಿನ ಕೆಲವು ದಿನೊಡ್ ಬೊಕ್ಕ ಹರೀಂದ್ರನಾಥೆರ್ ಲಂಡನ್ಗ್ ಪೋಯೆರ್. ಆರ್ ಪೋಯಿನ ಕೆಲವು ತಿಂಗೊಳುಡ್ ಬೊಕ್ಕ ಕಮಲಾದೇವಿಲಾ ಲಂಡನ್ಗ್ ಪೋಯೆರ್. ಅಲ್ಪದ ಬೆಡ್ ಫೋರ್ಡ್ ಕಾಲೇಜ್ಡ್ ಆರೆನ ವಿದ್ಯಾಭ್ಯಾಸನ್ ಕುಡ ಸುರುಮಲ್ಲೆರ್, ಲಂಡನ್ ವಿಶ್ವವಿದ್ಯಾನಿಲಯಡ್ ಸಮಾಜಶಾಸ್ಕೊದ ಡಿಪ್ಲೊಮಾ ಪದವಿ ಪಡೆಯೆರ್. ಅವತ್ತಂದೆ ಕಮಲಾದೇವಿ ತನಗೆ ತೆರಿದಿತ್ತಿನ ಪಿಯಾನೋ ನುಡಿಸಾವುನ ಕಲೆನ್ ನನಲಾ ಸರಿಯಾದ್ ನುಡಿಸಾಯೆರೆ ಲಂಡನ್ಡ್ ಕಲ್ಲೊಂಡೆ. ಎಲ್ಯ ಪ್ರಾಯೊಡು ರಂಗಭೂಮಿದ ಕುರಿತಾದ್ ಆರೆಗ್ ಇತ್ತಿನ ಉಮೇದ್ ಅರ್ದೊಡೇ ಉಂತಾಯೆರೆ ಕಾರಣವಾಯಿನ ಕುಡ್ಲದ ಮಣ್ಡ್ ತಾನ್ ಒಂಜಿ ರಂಗ ತಂಡೊನು ಕಳ್ಕೊಡು ಪನ್ದಿಂಚಿ ಕನೂನು ಕಮಲಾದೇವಿ ಲಂಡನ್ ಡೇ ಕಳ್ಕೊಂಡೆ, ಆರೆನ ಎಂಚಿತ್ತಿ ಕನೊಕ್ಲಾ ಕಂಡನಿ ಹರೀಂದ್ರನಾಥೆ ಬಾರಿ ಪೊರ್ಲುದ ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 5
