ಚಟ್ಟೋಪಾಧ್ಯಾಯೆರೆನ ಪರಿಚಯ ಆಂಡ್. ಈ ಪರಿಚಯ ದುಂಬುಗು ಕಮಲಾ ದೇವಿಯೆರೆನ ಬದ್ಕ್ನ್ ರೂಪಿಸಾವುನ ಒಂಜಿ ಮಲ್ಲ ಅಂಶವಾದ್ ಮೂಡ್ಂಡ್. ಮದಿಮೆ ಆಯಿಬೊಕ್ಕ ಲಂಡನ್ ಪೋಯಿನ ಕಮಲಾದೇವಿ ಅಲ್ಲದ ಪುದರ್ ಪೋಯಿನ ಕಾಲೇಜ್ ಬೆಡ್ಪೊರ್ಡ್ಡ್ ಓದು ಬರವುನ್ ಕೈಕೊಂಡ. ಸಮಾಜಶಾಸೊಡು ಡಿಪ್ಲೋಮಾ ಪದವಿ ಪಡೆಯ. ಇಂಚ ತನ್ನ ಓದುಬರವುದ ಒಟ್ಟು ಸಂದರ್ಭೋಡು ಕಮಲಾದೇವಿ ಮಸ್ತ್ ತಿರುಗಾಟ ಮಲ್ತ್ದ್ ಬೇತೆ ಬೇತೆ ಸಾಲೆ-ಕಾಲೇಜ್ ವಿದ್ಯಾಭ್ಯಾಸೊನು ಪಡೆವೊಂಡೆರ್. ಸಾಲೆದ ಪೊಣ್ಣನ ಕೆಕ್ಕಿಲ್ಗ್ ಕರಿಮಣಿ ಕಟ್ಸ್ನಗ.... 3 ಸ್ವಾತಂತ್ರ್ಯ ಪೂರ್ವೊದ ಭಾರತೊಡು ಇತ್ತಿನ ಎಲ್ಯ ಪ್ರಾಯೊದ ಜೋಕ್ಸ್ನ ಮದಿಮೆ (ಬಾಲ್ಯ ವಿವಾಹ) ಪನ ದುಷ್ಟ ಪದ್ಧತಿಗೆ ಬಲಿಯಾಯಿನಾರ್ ಕಮಲಾದೇವಿ. ಎಲ್ಯ ಪ್ರಾಯೊಡು ಉಪ್ಪುನಗನೇ ಆರ್ ಮಸ್ತ್ ಮೋಕೆ ಮತ್ತೊಂದಿತ್ತಿನ ಆರೆನ ಅಕ್ಕ ಸಗುಣ ತೀರ್ ಪೋಯೆರ್. ಆರೆಗ್ ಏಲ್ವರ್ಸ ಪ್ರಾಯ ದಿಂಜಿನಗ ಆರೆನ ಅಮ್ಮೆರ್ಲಾ ಪರಲೋಕ ಸಂದ್ಯ, ಇಂಚಿತ್ತಿ ಕಷ್ಟೆದ ಕಾಲೊಡೇ ಅಕ್ಸೆಗ್ ಇತ್ತಿನ ಆಸ್ತಿ-ಬದ್ಕ್ಾ ಅಕೈನ ಕೈತತ್ ಬೇತೆ ಸಂಸಾರೊದ ಪಾಲಾಂಡ್. ಈ ಬಂಬದ ಪರಿಸ್ಥಿತಿಡೇ ಕಮಲಾದೇವಿಗೆ 14 ವರ್ಸೊದ ಪ್ರಾಯೊಡು ಅರೆನ ಕೈತಲ್ ಇಲ್ಲದ ನಯಂಪಲ್ಲಿ ಮನೆತನೊದ ಕೃಷ್ಣರಾವ್ ಪನ್ನಿನ ಪುದರ್ದ, ಸಾಲೆಗ್ ಪೋವೊಂದಿತ್ತಿನ ಆನನ ಒಟ್ಟಿಗೆ ಮದಿಮೆ ಆಂಡ್. ಮದಿಮೆ ಸಂಸಾರ-ಬದ್ಕ್ ಪಂಡ ದಾಯ್ತಂದೇ ತೆರಿಯಂದಿನ ಕಾಲೊಡು ಮದಿಮೆ ಆದ್ ಕಮಲಾದೇವಿ ಕುಡ್ಲದ ಬಾರಿ ಐಸ್ದ ನಯಂಪಲ್ಲಿ ಮನೆತನೊದ ಇನ್ಸ್ಸೇರೆರ್. ಆಂಡ ವಿಧಿ ಆರೆನ ಬದ್ ಕ್ ತನ್ನ ಗೊಬ್ಬುನು ಅಪಗನೇ ಸುರು ಮಲ್ಪೆದಿತ್ತಂಡ್. ಕಾಲೇಜ್ ಓದೈರೆಂಗ್ ಮದ್ರಾಸ್ಗ್ ಪೋದಿತ್ತಿನ ಕೃಷ್ಣರಾವ್ಗೆ ಜ್ವರ ಸುರುವಾಂಡ್, ಏತ್ ಮರ್ದ್ ಆರೈಕೆ ಮಲ್ತ್ಂಡಲಾ ಕೃಷ್ಣರಾವ್ಗ್ ಬತ್ತಿನ ಜ್ವರ ಬುಡ್ಡು ಪೋಯಿನನೇ ಇಜ್ಜಿ ಕಡೆಕ್ ಪ್ರಾಣೋನೇ ಜ್ವರಕ್ ಬಲಿಯಾಂಡ್. ಕಾಲೇಜ್ ಓದ್ಯೆರೆ ಪೋಯಿನ ಕೃಷ್ಣರಾವ್ ಜೀವಂತವಾದ್ ಕುಡ್ಲಗ್ ಬರೆರೆನೇ ಸಾಧ್ಯ ಆಯಿಜಿ. ಇಂಚ ಮದಿಮೆ ಆದ್ ರಡೇ ವರ್ಸೊಡು, ಎಲ್ಯ ಪ್ರಾಯೊಡೇ ಕಂಡನಿಯನ್ ಕಳೆವೊನ್ನ ಕಮಲಾದೇವಿ ಸಮಾಜದ ಕಡುಕಷ್ಟದ ಸಂಪ್ರದಾಯ, ಸಂಕೊಲೆಗ್ ಬೂರುಲೆಕ ಆಯೆ, ಕುಡ್ಲದ ಎತ್ತರದ ಒಂಜಿ ಗುಡ್ಡೆದ ಮಿತ್ತ್ ಇತ್ತಿನ ಐಸ್ರದ ಕೋಣೆ, ಕಾರಂಜಿ, ಪೊರುದ ಪಡಿಬಾಕಿಲ್ ಲೆಡ್ ಒರ್ಮೈತ್ದ್ ಇತ್ತಿನ ಆ ಬಂಗ್ಲೆಡ್ ಕಮಲಾದೇವಿ ವಿಧವೆ ಜೀವನ ನಡಪಾವೊಡಾಂಡ್. ಆಂಡ ಕೃಷ್ಣರಾವ್ನ ಅಮ್ಮೆರ್ ಸುಬ್ಬರಾವ್ ಆ ಕಾಲೊಡಿತ್ತಿನ ಮಡಿವಂತಿಗೆ, ಮೂಢನಂಬಿಕೆಲೆನ್ ಮೀದ್ ಉಂತಿನಾರಾದಿತ್ತೆರ್. ಬೊಕ್ಕ ಸಮಾಜೊಡು ಎಡ್ಡೆ ಮಾನಾದಿಗೆ ಪಡೆದಿತ್ತಿನ ಮಲ್ಲ ನರಮಾನಿ ಆದಿತ್ತೆರ್. ರಾಷ್ಟ್ರ ನಾಯಕರಾಯಿನ ಜವಾಹರಲಾಲ್ ನೆಹರೂ, ರಾಜಾಜಿ, ರವೀಂದ್ರನಾಥ ಟಾಗೋರ್ ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 4
