ಆರ್ ಬಜೀ ತುಳು ಬಾಸೆದ ಮಾತ್ರ ಆದ್ರೆ ಒಟ್ಟು ಸಮಾಜೊದ ಉದ್ಧಾರಗಾದ್ ಹೋರಾಟ ಮಲ್ಲಿನಾ. ಅಪಗದ ಪೊರ್ತುಡು ಕೆಲವು ಜಾತಿದ ಜವ್ವನೆಡ ಬದಿತ ಕೊದಿ ಬಾರಿ ಎಚ್ ದಿತ್ತಂಡ್. ಬದಿ ದೆತ್ತೊಂದ್ ಮದಿಮೆ ಆಪಿನವು ಕಾನೂನು ಪ್ರಕಾರ ತಪ್ಪಾಂಡಲಾ ಗುಟ್ಟುಡು ಬದಿತ ವೈವಾಟ್ ನಡೆಸವೊಂದಿತ್ತೆ. ಕಮ್ಮಿ ಬದಿ ಕೊಯ್ದು ಪೊಣ್ಣನ್ ಮದಿಮೆ ಮಲ್ತ್ ಕೊರ್ಪಿನ ತುನ ಗಗ್ ಕುಂದುಂದು ಕೆಲವು ಅಪ್ಪ ಅಮ್ಮೆಲ ಎನ್ನೊಂದಿತ್ತೆರ್, ಬದಿತ ಎದುರುಂತುದು ಹೋರಾಟ ಮಲ್ಲಿನಾರ್ ಹೆಗ್ಡೆರ್. ಬದಿ ಕೇನುನಕ್ಲನ್ ಕೋರ್ಟುಗ್ ಒಯ್ದದ್ ಮೂಜಿ ಪೊಣ್ಣುಲೆನ್ ಬದಿ ದಾಂತೆನೇ ಮದಿಮೆ ಮಲ್ತ್ ಕೊರಯಿನಾರ್ ಹೆಗ್ಡೆರ್. ಅಂಚ ಸಮಾಜದ ಸರ್ವಾಂಗೀಣ ಎಡ್ಡೆಪ್ಪುಗಾದ್ ಸೈಪುನಾಡ ಮುಟ್ಟಲಾ ಬೇಲೆ ಬೆಂದಿನಾರ್, C شب ಆರೆನ ಇಚ್ಚೆ ಪ್ರಕಾರ 1994ಡು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಉಟರೆ ಆಂಡ್. ಆರ್ ಅಕಾಡೆಮಿಡ್ ಸದಸ್ಯರ ಆದಿತ್ತೆರ್, ಪ್ರೊ. ಬಿ.ಎ. ವಿವೇಕ ರೈಕ್ಷು ಸುರುತ ಗುರಿಕಾರರಾದಿತ್ತೆರ್. 1996ಡು ಆರ್ ತೀರ್ ಪೋಯೆರ್. ಅಪಗ ಯಾನ್ ಅಕಾಡೆಮಿದ ರಿಜಿಸ್ಟ್ರಾರ್ ಆದಿತ್ತೆ. ಆರ್ ತೀರ್ ಪೋಯಿನ ಸುದ್ದಿ ಕೇಂಡ್ದ್ ಎಂಕುರಡ್ ಜನಲಾ ಆರೆ ಇಲ್ಲಡೆ ಪೋದು ಕಡೆತ ಸೊಲೆ ಸಂದಾಯ ಮಲ್ತ್ದ್ ಬತ್ತದಿದ್ದ. ಆರ್ ತೀರ್ ಪೋಯಿ ಬೊಕ್ಕ ತುಳುಕೂಟದ ಕಜ್ಜಕಾರ್ಯೋಲು ಒಂತೆ ಪಿರ ಜಾರೊಂದಿತ್ತಿಲೆಕ ತೋಜುಂಡು. ಅಂಚ ಆಯೆರೆ ಬಲ್ಲಿತ್ತ್ಂಡ್, ಅರೆನ ಮಿತ್ತದ ಮೋಕೆಗಾಂಡಲಾ, ಸೊ ಸಂದಾಯಗಾಂಡಲಾ ತುಳುಕೂಟೊಲು ಪಿರ ಲಕ್ಕದುತೊಡು, ಅಕಾಡೆಮಿದೊಟ್ಟುಗೆ ಸೇರೊಂದು ಆರೆನ ಇಚ್ಚೆನ್ ಕೋಡಿ ಎತ್ತವೊಡು ಪನ್ನಿನವು ಎನ್ನ ಬಯಕೆ. 23 J ಎಸ್.ಆರ್. ಹೆಗ್ಡೆರೆನ ಬಗೆಟ್ ಬೂಕು ಬರೆವೊಡಂಡ ಅರೆನೊಟ್ಟಿಗೆ ತುಳುತ್ತ ಬುಳೆಚ್ಚಿಲ್ಗಾದ್ ರಾತ್ರೆ ಪಗೆಲ್ ಬೆಂದಿನ ರತ್ನಕುಮಾರೆರ್ ಮಾತ್ರ ಯೋಗ್ಯ ಪಂಡ್ ಎಷ್ಟೊಂದು ಆರಡ ಈ ಬೂಕು ಬರೆದ್ ಕೊರೆರೆ ಕೇನೊಂಡೆ. ರತ್ನಕುಮಾರರ್ ತುಳುತ್ತ ಮಲ್ಲ ಅಭಿಮಾನಿ ತುಳುಕೂಟಡ್ ಕಾರ್ಯಂತೆಯಾದ್ ಬೇಲೆ ಬೆಂದೊಂದಿಪ್ಪಿನಾರ್. ಆರ್ ಕಸುಬುಡು ಪತ್ರಕರ್ತೆ ಬೇತೆ ಬೇತೆ ಪತ್ರಿಕೆಲೆಡ್ ಕೆಲಸ ಮಲ್ದೆರ್. ಇತ್ತೆಲಾ ಮಲ್ಲೊಂದುಲ್ಲೆರ್. ಇತ್ತೆ ಆರ್ ಅಖಿಲ ಭಾರತ ತುಳು ಒಕ್ಕೂಟೊದ ಕಾರಂತೆರಾದುಲ್ಲೆರ್. ತುಳುಟ್ಟು ಕೆಲವು ಬೂಕುಲೆನ್ ಬರೆತೆರ್. ಆರ್ ಕವಿಯಾದ್ ರಕುಮನ ಪದೊಕುಲು, ರತ್ನನ ಕರ್ಮ ಇಂಚಿನ ಕವಿತೆದ ಕೋಪನ್ ಬೊಲ್ಪುಗು ಕನತ್ರ್, ಮಟ್ಟಾರು ವಿಠಲ ಹೆಗ್ಡೆರನ ಬಗೆಟ್ ಬೂಕು ಬರತ. ಕೇಂಡಿ ಸಾತ್ಗ್ ಎಸ್.ಆರ್. ಹೆಗ್ಡೆರೆನ ಮತ್ತೆ ಅಭಿಮಾನ ದೀದ್ ಬೂಕು ಬರೆದ್ ಕೊರ ಆರೆಗ್ ಸೊಲು. ಅಂಚನೆ ಬೂಕುನು ಬೊಲ್ಲುಗು ಕನತಿನ ಅಕಾಡೆಮಿದ ರಿಜಿಸ್ಟಾರ್ ಶ್ರೀ ಬಿ. ಚಂದ್ರಹಾಸ ರೈ ಬೊಕ್ಕ ಸರ್ವ ಸದಸ್ಯೆರೆಗ್ಲಾ, ಬೂಕುನು ಪೊರ್ಲು ಪೊಲಿಗೆಡ್ ಆಚ್ಚಿಮಲ್ ಕೊರ ಆಕೃತಿ ಪ್ರಿಂಟ್ಸ್ದ ಶ್ರೀ ಕಲ್ಲೂರು ನಾಗೇಶ್ ಬೊಕ್ಕ ಕೂಟೊದಕುಲೆಗ್ಲಾ ಸೊಲು. ಕುಡಲ ೨೦೧೧ ಬೇಸ್ಯ ೧೭. ಡಾ. ಪಾಲ್ತಾಡಿ ರಾಮಕೃಷ್ಣ ಆಚಾ V
