2 ಮಾನಾದಿಗೆ ಉಂಡು ಪಂಡ್ದ್ ತೋಜದ್ ಕೊರ್ತಿನಾರ್ ಹೆಗ್ಡೆರ್. ಹೆಗ್ಡೆರ್ ವೃತ್ತಿಡಾವಡ್ ಪ್ರವೃತ್ತಿಡಾವಡ್ ಪ್ರಾಮಾಣಿಕ ನರಮಾನಿ, ಧೈರ್ಯವಂತೆ, ತನ್ನ ಕೆಲಸೊಡು ಒರೊಕು ಸೋಲು ಬಂಡಲಾ ಸೋಲು-ಗೇಲ್ ಸಾಸ್ವತ ಅ ಸೋಲೇ ಗೆಲ್ದ ಮೊಟ್ಟಿಕಲ್ಸ್ ಪಂಡ್ದ್ ತೆರಿಯೊಂಡಿನಾರ್, ತನ್ನ ಅಪ್ಪ ಬಾಸೆ ಅವು ಕೀಳು ಮಾತ್ರ ಬಾಸೆದ ಲೆಕ್ಕೊನೇ ಒಂಜಿ ಪೊರುದ ಬಾಸೆ, ಪಿರಾಕ್ದ ಬಾಸೆ ಪನ್ನಿ ಭಾವನೆನ್ ಉಡಲ್ ನಿ ದಿಂಜವೊನ್ನಾ. 1970ಡ್ ಕುಡಲಡ್ ಆರ್ ತುಳುಕೂಟದ ಕೂಡುಕಟ್ಸ್ ಕಟ್ಟುನ ಪೊರ್ತುಗು ಆರೆಗ್ ದಿಂಜ ಬಂಜಿ ಆದುಪ್ಪು ದಾಯೆ ಪಂಡ ನೆಕ್ ರಡ್ಜ್ ಕಾರಣ. ತುಳು ಪಂಡ ಅವೊಂಜಿ ಚೆಲ್ ಬಾಸೆ, ಐಕ್ ಲಿಪಿ ಇಜ್ಜಿ ಓದು ಬರವು ತೆರಿಯಂದಿ ಬಡ ಜನೊಕುಲು ಪಾತೆರುವ ಬಾಸೆ ಪಂಡ್ದ್ ಒಂಜಿ ಅಭಿಪ್ರಾಯ, ಕುಡೊಂಜಿ ಕಡೆಟ್ ಇಂಗ್ಲೀಷ್ ಕಲ್ಪನ ಮಲ್ಲ ಜನೊಕ್ಕು ಇಂಗ್ಲೀಷ್ ಮಲ್ಲ ಬಾಸೆ, ಅಯಿನ್ ಬುಡ್ಂಡ ಕನ್ನಡ ರಡ್ಡನೇ ಬಾಸೆ, ಮೂಜನೇ ಬಾಸೆ ತುಳುಂದು ಕಲ್ಲಿನಕುಲೆನ ವಾದ. ತುಳುನು ಕಲ್ಲಿನಂಚಿನ ವಿದ್ವಾಂಸೆ, ಅಧಿಕಾರಿಲು ತುಳು ಪಾತೆರುನ ತಪ್ಪುಂದು ಪನ್ನಿನ ಏತೋ ಜನೊಕುಲಿತ್ತೆರ್. ಈ ಅತ್ತಂದ ತುಳುನಾಡ್ ಜನೊಕ್ಲಗೆ ತನ್ನುಲೆನ ಅಪ್ಪೆ ಬಾಸೆದ ಮತ್ತೆ ಅಬಿಮಾನ ಇಜ್ಜಂದಿನ ಕುಡೊಂಜಿ ಮಲ್ಲ ಕಾರಣ ಇಂಚ ತುಳು ನಿಲೆದಾಂತಿ ಪೊರಕೊಲಿ ಬಾಸೆ ಆದಿ ಪೊರ್ತುಗು ಐತ ಬುಳೆಚಿಲ್ ಗಾದ್ ಮುಟ್ಟ ಬರುನ ಜನಕುಲೇ ಇಜ್ಜಾಂಡ್. ಆ ಪೊರ್ತುಗು ಜಾತಿ ಪದ್ಧತಿಡ್ ಮುಟ್ಟರಾವಂದ್ ಪನ್ನಿನೆಲೆಟ್ ಜನಕುಲೆನ್ ಮಿತ್ತ ವರ್ಗದಕುಲು ಎಂಚ ದೂರ ದೀವೊಂದಿತ್ತೆರಾ ಅಂಚನೇ ತುಳುನುಲ ದೂರ ದೀವೊಂದಿತ್ತೆರ್. ತುಳುನಾಡ್ದ ದಿಂಜ ಜಾತಿದಕುಲು, ಇಂಗ್ಲಿಷ್ ತೆರಿಯಂದಿನಕುಲು ಕನ್ನಡೊಡು ಪಾತೆರೆರೆಗ್ ಸುರು ಮಲ್ಲೆರ್, ಸಾಲೆಲೆಡ್ ಜೋಕು ತೆರಿಯಿಂದ ತುಳು ಪಾತೆರಿಯಂಡ ಮಾಸ್ಟುನಕುಲು ಜೋಕ್ಸ್ನ ನಾಲಯಿ ಕತ್ತೆರಿಯೆರೆಲಾ ತಯಾರಾದಿತ್ತೆರ್. ಇಂಚಿನ ಸಂಕಟದ ಕಾಲೊಡು ತುಳುನು ದೆರ್ತ್ ಪತ್ತಿನಾರ್ ಹೆಗ್ಡೆರ್. J ತುಳು ಕುಡಲಡ್ ಮಾತ್ರ ಅತ್ತೆ ಇಡೀ ಜಗತ್ತಿಗೇ ಪಸರೊಡು ಪನ್ನಿನ ಮಲ್ಲ ಆಸೆ ಆರೆನವು, ಕುಡಲಡ್ ತುಳುಕೂಟ ಉಟರ್ನೆ ಮಲ್ಲಿ ಬೊಕ್ಕ ಆರ್ ಬೇತೆ ಬೇತೆ ಕೋಡಿಡ್ ಓಲೋಲು ತುಳುವೆರ್ ಎಚ್ಚ ಸಂಖ್ಯೆಡುಲ್ಲೆರಾ ಅಲ್ಪ ಪೂರ ತುಳುಕೂಟ ಉಟರ್ನೆ ಮಲ್ಲೆ. ಪುತ್ತೂರು, ಮಡಿಕೇರಿ, ಕಾಸರಗೋಡು, ಮುಂಬೈ, ದೆಹಲಿ, ಹೈದರಾಬಾದ್, ಬರೋಡಾ ಇಂಚ ಬೇತೆ ಬೇತೆ ಕೋಡಿಗ್ ಪೋದು ತುಳುವೆರೆನ್ ಒಟ್ಟು ಸೇರಾಯೆರ್. ಮಾತ್ರ ಅತ್ತೆ ಕಡಲ ಪಿದಾಯಿ ದುಬೈಗ್ ಪೋದು ಅಲ್ಪಲಾ ಮೂಜಿ ನಾಲ್ ಕಡೆಟ್ ತುಳುಕೂಟ ಕಟೈರ್. ಅರೆನ ಅಹಂಕಾರ ದಾಂತಿನ ಮನಸ್, ವಾದೊಡ್ಡ ಮನವರಿಕೆ ಮಲ್ಕಪ್ ಗೆಲ್ಲುನ ಶಕ್ತಿ, ತೆಲಿಕೆದ ಮೋನೆ, ದೃಢನಿರ್ಧಾರ ಈ ಎಡ್ಡೆ ಗುಣಕುಲು ಅರೆಡ ಇತ್ತೆನೆಡ್ಡಾವರ ಈ ಸಂಘಟನೆ ಮಲ್ಪೆರೆ ಆರೆಗ್ ಸಾಧ್ಯ ಆಂಡ್. ತುಳುಕೂಟಲೆನ ಉಟರ ಮಾತ್ರ ಆಫ್ ಕೆಲವು ತುಳು ಸಮ್ಮೇಳನೊಲೆನ್ ಕೂಡ ಆರ್ ನಡಪಾಯೆರ್. ತುಳು ಪತ್ರಿಕೆಲ್ ಬೊಲ್ಲುಗು ಬರಿಯರ ಉಮೇದ್ ಕೊರಿಯರ್, ಸಂವಿಧಾನದ 8ನೇ ಪರಿಚ್ಚೇದೊಡು ತುಳುನು ಸೇರಾವೊಡು ಪಂಡ್ದ್ ಪುಣೆಯೆರ್, ಕರ್ನಾಟಕ ತುಳು ಸಾಹಿತ್ಯ ಆಕಾಡೆಮಿ ಉಂಡಾಯೆರೆಗೆ ಆರೆನ ಉತ್ತೇಜನನೇ ಕಾರಡೊಂದು ಪನೊಲಿ. iv
