ಒವ್ವಾಂಡಲಾ ಒಂಜಿ ಮರ್ಗಿಲ್ಡ್ ತುಳುಬಾಸೆ ಸಂಸ್ಕೃತಿ, ತುಳು ಸಂಪೊತ್ತುದ ಬುಳೆಚಿಲ್ ಗಾದ್ ಅಕುಲೆ ಸೇವೆ ಸಂದ್ ದಿಂಡ ಅಂಚಿನ ಪುಣ್ಯಾತ್ಮರನ ಬದ್, ಸಾಧನೆಲೆನ್ ನೆಂಪುಡು ಒರಿತೊನುನವು ನಮ್ಮ ಧರ್ಮೊ, ಈ ನಿಲೆಟ್ ಕರಿದ್ ಪೋಯಿನಕುಲೆನ ಪುದರ್ಡ್ ಅಕಾಡೆಮಿ ಬೂಕುಲೆನ್ ಬರೆಪಾದ್ 'ಮದಪ್ಪೆರಾವಂದಿ ತುಳುವೆರ್' ಪನ್ನಿ ಗ್ರಂತಮಾಲೆಡ್ ಬೊಳುಗು ಕನವೊಂದುಂಡು. ಎಸ್.ಆರ್. ಹೆಗ್ಡೆ ಪಂಡ್ದ್ ಪುದರ್ ಪಡೆಯಿನ ಶೆಟ್ಟಿಬೆಟ್ಟು ರಮಾನಂದ ಹೆಗ್ಡೆ ಕುಡಲದ ತುಳುಕೂಟದ ಸುರುತ ಗುರಿಕಾರೆ, ಆ ಪೊರ್ತುಗು ತುಳು ಬಾಸೆ, ಸಂಸ್ಕೃತಿಗ್ ಕರ್ಜಿಮೆ ಕಬಿದಿತ್ತಂಡ್. ಕರ್ಜಿಮೆನ್ ತೆಲಪದ್ ಬೊಲ್ಲು ತೋಜವುನ ಕದ್ದೂ ಕೈಕೊನ್ಯರೆಗಾದ್ ದುಂಬು ಬತ್ತಿನ ನೆಸರ್ ಪಂಡ ಎಸ್.ಆರ್. ಹೆಗ್ಡೆ. 3 ಆರ್ ಬಜೀ ತುಳು ಬಾಸೆದ ಮಾತ್ರ ಅತ್ತ್ ಒಟ್ಟು ಸಮಾಜೊದ ಉದ್ಧಾರಗಾದ್ ಹೋರಾಟ ಮಲ್ಲಿನಾರ್, ಅಪಗದ ಪೊರ್ತುಡು ಕೆಲವು ಜಾತಿದ ಜವ್ವನೆರೆಡ ಬದಿತ ಕೊದಿ ಬಾರಿ ಎಚ್ ದಿತ್ತ್ಂಡ್. ಬದಿ ದೆತ್ತೊಂದ್ ಮದಿಮೆ ಆಪಿನವು ಕಾನೂನು ಪ್ರಕಾರ ತಪ್ಪಾಂಡಲಾ ಗುಟ್ಟುಡು ಬದಿತ ವೈವಾಟ್ ನಡಪವೊಂದಿತ್ತೆ, ಕಮ್ಮಿ ಬದಿ ಕೊರು ಪೊಣ್ಣನ್ ಮದಿಮೆ ಮಲ್ತ್ ಕೊರ್ಪಿನ ತನ್ನುಲೆನ ಗತ್ತಿಗೆ ಕುಂದುಂದು ಕೆಲವು ಅಪ್ಪ, ಅಮ್ಮೆಲ ಎನ್ನೊಂದಿತ್ತೆರ್. ಬದಿತ ಎದುರುಂತುದು ಹೋರಾಟ ಮಲ್ಲಿನಾರ್ ಹೆಗ್ಡೆರ್. ಎಸ್.ಆರ್. ಹೆಗ್ಡೆರೆನ ಬಗೆಟ್ ಬೂಕು ಬರೆವೊಡಂಡ ಅರೆನೊಟ್ಟಿಗೆ ತುಳುತ್ತ ಬುಳೆಚ್ಚಿಲ್ಗಾದ್ ರಾತ್ರೆ ಪಗೆಲ್ ಬೆಂದಿನ ರತ್ನಕುಮಾರ ಮಾತ್ರ ಯೋಗೈ ಪಂಡ್ದ್ ಎಷ್ಟೊಂದು ಆರೆಡ ಈ ಬೂಕು ಬರೆದ್ ಕೊರೆರೆ ಕೇನೊ೦ಡೆ. ತುಳುಕೂಟಡ್ ಕಾರ್ಯಂತೆಯಾದ್ ಬೇಲೆ ಬೆಂದೊಂದಿಪ್ಪಿನಾರ್. ಆ ಕಸುಬುಡು ಪತ್ರಕರ್ತೆ. ಬೇತೆ ಬೇತೆ ಪತ್ರಿಕೆಲೆಡ್ ಕೆಲಸ ಮಲ್ತದೆ, ಇತ್ತೆಲಾ ಮಲ್ಲೊಂದುಲ್ಲೆರ್. ಇತ್ತೆ ಆ ಅಖಿಲ ಭಾರತ ತುಳು ಒಕ್ಕೂಟೊದ ಕಾರಂತೆರಾದುಲ್ಲೆರ್. ತುಳುಟ್ಟು ಕೆಲವು ಬೂಕುಲೆನ್ ಬರೆತೆರ್. ಆರ್ ಕವಿಯಾದ್ ರಕುಮನ ಪದೊಕುಲು, ರತ್ನನ ಕರ್ಮ ಇಂಚಿನ ಕಬಿತೆದ ಕೋಪಲೆನ್ ಬೊಲುಗು ಕನತ್, ಮಟ್ಟಾರು ವಿಠಲ ಹೆಗ್ಡೆರೆನ ಬಗೆಟ್ ಬೂಕು ಬರತೆ. ಡಾ. ಪಾಲ್ತಾಡಿ ರಾಮಕೃಷ್ಣ ಆಚಾ (ಗುರ್ಕಾರೆ ಪಾತೆರೊದ ತಿರ್ಲ್)
