1989ಟ್ ಮೂಲ್ಕಿಡಾತಿನ ಅಖಿಲ ಭಾರತ ತುಳು ಸಮ್ಮೇಳನದ ಬೊಕ್ಕ ಎಂಕ್ ಅರೆನ ಸ್ನೇಹ ಹೆಚ್ಚಾಂಡ್. ಅರೆನ ಸಂಘಟನಾ ಚಾತುರ್ಮೆ ನಯವಿನಯ, ಸೌಮ್ಯ ಪಾತೆರೊಗು ಮೆಚ್ಚಿದೆ. ತುಳುಭಾಷೆ, ಸಂಸ್ಕೃತಿತ ಮಿತ್ತೆ ಅರೆಗಿತ್ತಿ ಮೋಕೆ ಏನಿಗಾ ಮದಪ್ಪರಾವಂದಿನವು, ಅಡ್ಯಾರ್ ಮಹಾಬಲ ಶೆಟ್ಟಿ (ಅ.ಭಾ. ತುಳು ಒಕ್ಕೂಟದ ಮಾಜಿ ಗುರ್ಕಾರ್) ಎಸ್.ಆರ್. ಹೆಗ್ಡೆರ್ 1969-96 ನಡುತ 27 ವರ್ಸೊಡು ಮತ್ತೆ ಬೇಳೆದ್ದಾದೇ ತುಳುಕ್ಕು ಇನಿ ಗೌರವೊದ ಸ್ಥಾನಮಾನ ತಿಕ್ಕದ್ಂಡ್ ಒಡಿಪುದ ಪಣಿಯಾಡಿದಾರೆ ಗುರ್ಕಾರೆಡ್ ನಡತಿನ ತುಳು ಚಳವಳಿಸ್ಟ್ ಬೊಕ್ಕ ಮೂಲೆ ಮರತ್ ಪೋತಿನ ತುಳುತಂಚಿ ಸರ್ಕಾರದಲಾ ಗೇನ ಒಯಿಪುಂಚಿ ಕೆಲಸ ಮಲ್ತಿನಾರ್, ವಿಶ್ವ ತುಳು ಸಮ್ಮೇಳನ ಉದಿಪನ ಮಲ್ಲಿನ ಕರ್ನಾಟಕದ ಮುಖ್ಯಮಂತ್ರಿ ತುಳುವೆ ಶ್ರೀ ಎಂ. ವೀರಪ್ಪ ಮೈಲಿಯರ್ 1994 ಎಪ್ರಿಲ್ 22ತ್ತಾನಿ ವೇದಿಕೆಡೇ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿತ್ತ ಘೋಷಣೆ ಮಲ್ಲೆರ್, ನೆತ್ತ ಮೂಲ ಕಾರಣಕರ್ತೆ ಮಾಮಲ್ಲ ಸಂಘಟಕಲಾ ವಿಶ್ವ ತುಳು ಸಮ್ಮೇಳನ ನಡಪಾಯಿನಾರ್ಳಾ ಆಯಿನ ಹೆಗ್ಡೆ, ಅರೆನಂಚಿತ್ತಿ ಸಾತ್ವಿಕೆ, ಸಜ್ಜನನ್ ಯಾನ್ ತೂತಿದೆ. ಹೆಗ್ಡೆರ್ ಮಾಮಲ್ಲ ತುಳು ಪ್ರೇಮಿ, ಅರಡ ಎಂಕ್ ದಿಂಜ ಪ್ರೀತಿ, ಗೌರವ ಬಿ.ಎನ್. ಹರೀಶ್ ಬೋಳೂರು (ಅ.ಭಾ. ತುಳು ಒಕ್ಕೂಟದ ಮಾಜಿ ಖಜಾಂಚಿ) ತನ್ನ ಭಾಷಣೂಡು ಏಪಲಾ ತುಳುವೆರ್ ತುಲುವ ಪೆಲಕಾಯಿದಂಚಂದ್, ಮಸ್ತ್ ಮಿದುಂದು ಪನೊಂದಿತ್ತಿನ ಎಸ್.ಆರ್. ಹೆಗ್ಡೆರ್ ತುಳು ಬಾಸೆ, ಸಾಹಿತ್ಯ, ಸಂಸ್ಕೃತಿತ ಮಾಮಲ್ಲ ಅಭಿಮಾನಿ ಹೆಗ್ಡೆರ್ ಮಾಮಲ್ಲ ಸಂಘಟಕ ಆದಿತ್ತೆರ್. ಕುಡ್ಡ ತುಳುಕೂಟ ಸ್ಥಾಪಕೆರಾಯಿನ ಅರೆ ತುಳುನಾಡ್ ಡ್ ತುಳುವೆರೆನನೇ ಇನ್ಯಾರೊಗು ಕಾರಣ ಆದಿತ್ತಿ ತುಳು ಬಾಸೆಗ್ ಪೊಸ ಪುಟ್ಟು ಪೊಸ ಚೈತನ್ಯ, ಪೊಸ ಒರು ತಿಳ್ಕೊಂಡ್. ಹೆಗ್ಡೆರ್ ತುಳುನಾಡ್ಡ ರಡ್ಡನೇ ಪಣಿಯಾಡಿಂದ್ ಪಂಡಲಾ ತಪ್ಪು. ಹೆಗ್ಡೆರ್ ನಿಜವಾದ್ಯಾ ಪುಲ್ಯಾನಗ ನೆನೆಪೊಡಾಯಿನ ಮಾಮಲ್ಲ ವ್ಯಕ್ತಿ. ಬಿ. ದಾಮೋದರ ನಿಸರ್ಗ (ಕುಡ ತುಳುಕೂಟದ ಗುರ್ಕಾರ್) ತುಳು ಬಾಸೆ, ಸಂಸ್ಕೃತಿ ತೆಗಿಲ್ಡ್ ತಿರ್ಲ್ ಪೊರ್ಲು ದಿಂಜಿದ್, ಅಯಿಕ್ ಇನಿತ ಅಬ್ಬರೊದ ಒರು ತಿಕ್ಕೆರೆ ಎಸ್.ಆರ್. ಹೆಗ್ಡೆರೇ ಕಾರಣ, ಕುಡ ತುಳುಕೂಟ ಕಟ್ಸ್, ತುಳುಕು ಪೊಸ ಚೈತನ್ಯ ಕೊರಿನಾರೇ ಹೆಗ್ಡೆರ್, ತನ್ನ ಸಂಪಾದನೆದ ಒಂಜಿ ಭಾನು ತುಳುತ್ತ ಬೇಲೆಲೆಗ್ ಖರ್ಚಿ ಮಲ್ಲೊಂದು ತನ್ನ ಆವುಸೊನ್ಹಾ ಕಾಯಶಕ್ತಿನ್ಹಾ ತುಳುವಪ್ಪನ ಊಳಿಗೊಗು ಅರ್ಪಣೆ ಮಲ್ಲಿನಾರ್, ಅಂಚಿತ್ತಿ ಮಾಮಲ್ಲ ತೇಜಸ್ವಿ ಎಸ್.ಆರ್. ಹೆಗ್ಡೆರ್. ಎಸ್.ಆರ್. ಹೆಗ್ಡೆ / 17
