ಸಂಸ್ಕೃತಿದ ಏಳಿಗೆಗಾದ್ 27 ವರ್ಸೊಡು ಆರ್ ಮಲ್ಲಿ ಪ್ರಯತ್ನ ಗೆನಿಪಂದೆ ಪೋಪಿನವು ಅತ್ತೆ, ದೇಶ ಪರದೇಶೂಲೆಡ್ ಇತ್ತಿನ ತುಳುವೆರೆಗ್ ತುಳುಬಾಸೆ ಸಂಸ್ಕೃತಿನ್ ಕಾತೊನೆರೆ ಹೆಗ್ಡೆರ್ ಸ್ಫೂರ್ತಿ ಆದಿತ್ತೆರ್, ಬೇತೆ ಬಾಸೆದಲ್ಲಿನ ಗುಮಾನೊಗ್ಗಾ ತುಳುನು ತೋಜಾದ್ ಕೊರ್ತಿನಾರ್, ತುಳುಕು ಗೌರವದ ಸ್ಥಾನಮಾನ ತಿಕ್ಕುನಂಚ ಪೊಣೆತಿನಾರ್, ತುಳುಕ್ಕಾದ್ ತನನ್ ಅರ್ಪಣೆ ಮಲ್ತ ಬೆನ್ನಿನಾರ್, ಇಂಚಿತ್ತಿ ಪುಣ್ಯಾತ್ಮನ ದಿವ್ಯಾತ್ತೊಗು ಶಾಂತಿ ತಿಕ್ಕಡ್ಂದ್ 'ಪೊಸಕುರಲ್' ಪ್ರಾರ್ಥನೆ ಮಲ್ಪುಂಡು. 3. ತುಳುಬೊಳ್ಳಿ (ಸಂಪಾದಕೆರ್ : ಪಿ.ಎಸ್. ರಾವ್) ಕುಡ್ಲ ತುಳುಕೂಟದ ಸ್ಥಾಪಕ ಎಸ್.ಆರ್. ಹೆಗ್ಡೆರ್ ಮಾಮಲ್ಲ ಚೇತನ ಆದಿತ್ತ್ದ್ 27 ವರ್ಸೊಡು ತುಳುನು ರಾಜ ಮರ್ಯಾದಿದ ಗದ್ದುಗೆಗ್ ವಿರಾಯಿನಾರ್, ತುಳು ಭಾಷೆದ ಬುಳೆಚಿಲ್ ಗಾದ್ ಬಿರುಗಾಳಿದಂಚ ದುಂಬರಿದ್ ಪೊಣೆತಿನ ಹೆಗ್ಡೆರ್ ಕಡಲ್ದಾಯೆರೆಡ್ ಇತ್ತಿನ ತುಳುವೆರೆಗ್ಲಾ ತುಳುಕ್ಕಾತ್ರ ಬೆನೆರೆ ಸ್ಫೂರ್ತಿ ಆದಿತ್ತೆರ್. ತನ್ನ ರಚನಾತ್ಮಕ ಕಸ್ಟೋಲೆಡ್ಡಾದ್ ತುಳುತ್ತ ಪೊರ್ಲು ತಿರ್ಲ್ ನೆಗರ್ ತೋಜುನಂಚ ಮಲ್ಲಿನಾ. ಅರೆನ ಆತೊಗು ಶಾಂತಿ ತಿಕ್ಕಡ್ಂದ್ 'ತುಳುಬೆಳ್ಳಿ' ಪ್ರಾರ್ಥನೆ ಮಲ್ಪುಂಡು. 4. ತುಳುವೆರೆ ತುಡರ್ (ಸಂಪಾದಕೆರ್ : ಎಂ. ವಿಠಲ, ಪುತ್ತೂರು) ಸುರೂತ ವಿಶ್ವ ತುಳು ಸಮ್ಮೇಳನದ ಸಂಘಟಕರಾದ್ ದೇಸೊದ ಕೊಡೀಕಡೆ ಇತ್ತಿನ ತುಳುವೆರೆಗ್ ತುಳುಭಾಷೆದ ಮಿತ್ತ್ ಮೋಕೆ ಪುಟ್ಟುನಂಚ ಮಲ್ಲಿನ ಎಸ್.ಆರ್. ಹೆಗ್ಡೆರ್ ತುಳುಕೂಟ ಕಟ್ಟಿದ್ ದಿಂಜ ಉಮೇದ್ ಕೊರಿನಾರ್, ತುಳುಕ್ಕು ದ್ರಾವಿಡ ಬಾಸೆದ ಗತ್ತನ್ ದೆಪ್ಪಾದ್ ಕೊರ್ತಿನ ಹೆಗ್ಡೆರ್ 1972ಟ್ ಯಾನ್ ಪುತ್ತೂರುಡು ತುಳುಕೂಟದ ಎಗ್ಗೆನ್ ನಡೆನಪಗ ಶಿರ್ತಾಡಿ ಧರ್ಮರಾಜ್, ಅಗ್ರಾಳ ಪುರಂದರ ರೈ, ಅಮೃತ ಸೋಮೇಶ್ವರ, ಕುಷ್ಕಾಡಿ ವಿಶ್ವನಾಥ ರೈ, ಬಾಬು ಶೆಟ್ಟಿ ಇಂಚ ದುಂಬು ಬಯ್ದಿನ ಎಂಕೆಗ್ ಬಲ್ಬನ ದಿಂಜಾಯೆರ್. ಅತ್ತಂದೆ ತುಳುಕ್ಕಾದ್ ಬೆನೆರೆ ಹೆಗ್ಡೆರ್ ಎಂಕ್ಲರ್ ಬೂಲ್ಯ ಕೊರಿಯೆರ್, ಅರೆನ ಮುಗ್ಧ ತೆಲಿಕೆ, ಜೋಕ್ಲ ಮನಸ್, ಆರ್ ಮಲ್ಪುನ ವಾ ಕೆಲಸ ಕಾರ್ಯೊಗ್ಲಾ ಎಂಕುಲಾ ಕೈಕೊರ್ದು ಜಯ್ದೆರೆ ಏರೆಗ್ಲಾ ದೂಜಿಕಲ್ಲಲೆಕ್ಕ ಒಂಡು, ಲಚ್ಚನಚ್ಚತೊಡು ಒರಿ ಚಂದ್ರನಂಚ ಎಂಕೆಗ್ ತುಳು ಬೆನ್ನಿದ ಬೇಲೆಗ್ ತಂಪು ಕೊಂರ್ಡು. ಅಂಚಿತ್ತಿ ಹೆಗ್ಡೆರೆನ ಸ್ವರ್ಗೀಯ ಆತ್ಮಗು ಶಾಂತಿ ತಿಕ್ಕಡ್ಂದ್ ತುಳುವೆರೆ ತುಡರ್” ಪ್ರಾರ್ಥನೆ ಮಂಡು, 5. ತೂಟೆ (ಸಂಪಾದಕೆ : ಪೇರೂರು ಜಾರು) ತುಳು ಬಾಸೆದ ಕಾಪು, ಎಡ್ಡೆಪ್ಪು ಮದಿಪುಗಾದ್ ಪೊಂರ್ಬುದಿನ ಎಸ್.ಆರ್. ಹೆಗ್ಡೆ ಕರಿನ 27 ವರ್ಸೊಲೆಡ್ ಮಲ್ಲಿ ಬೇಲೆಲು ಏನಿಗಾ ಮದತ್ತ ಪೋವಂದ್. ಕೂಟ ಎಸ್.ಆರ್. ಹೆಗ್ಡೆ / 13
