ಸಮ್ಮೇಳನೊ ನಡಪಾಯಿನ ಎಸ್.ಆರ್. ಹೆಗ್ಡೆರ್ ಸ್ವಯಂ ಪ್ರೇರಣೆಡ್ ತುಳುಕೂಟದ ಗುರ್ಕಾನ್ ಬುಡ್ಡು ಕೊರಿಯೆರ್. ಒಟ್ಟು 15 ವರ್ಸ (1969-1984) ಆರ್ ಗುರ್ಕಾರೆ ಆದಿತ್ತೆರ್. 'ಬಿಸು ಪರ್ಬ' ಆಚರಣೆ ಸುರುವಾಂಡ್ ಎಸ್.ಆರ್. ಹೆಗ್ಡೆರ್ ಬುಡ್ಡು ಕೊರಿ ಬೊಕ್ಕ ಕುಡ್ಡ ತುಳುಕೂಟ ಗುರ್ಕಾರೆ ಆದ್ ಎ.ಸಿ. ಭಂಡಾರಿ ರಡ್ ವರ್ಸ (1984-86), ಅಡ್ಯಾರ್ ಮಹಾಬಲ ಶೆಟ್ಟಿ ಮೂಜಿ ವರ್ಸ (1986-89), ಎಸ್.ಕೆ. ಅಮೀನ್ ಮೂಜಿ ವರ್ಸ (1989-92), ದಾಮೋದರ ಸುವರ್ಣೆರ್ ಒಂಜಿ ವರ್ಸ (1992-93), ಕೆ.ಎಂ. ಆಳ್ವ ಒಂಜಿ ವರ್ಸ (1993-(94) ಬಾರೀ ಪೊರ್ಲುಡು ತುಳು ಕಾರ್ಯಕ್ರಮ ಪಾಡೊಂದು ತುಳುತ್ತ ಬೇಲೆಲೆನ್ ಎಡ್ಡೆ ರೀತಿಡ್ ಮಲ್ಲೆರ್, 1994ಡಿಂಚ ಇತ್ತೆಲಾ ದಾಮೋದರ ನಿಸರ್ಗ ಮೇರ್ ತುಳುಕೂಟದ ಗುರ್ಕಾರ ಆದ್ ತುಳು ಚಳವಳಿಕ್ ಪೊಸ ಒರು ಬೊಕ್ಕ ಪೊಸ ರೂಪ ಕೊರೊಂದುಲ್ಲೆರ್. 1987ಟ್ ತುಳುಕೂಟ ಬಿಸು ಪರ್ಬ ಆಚರಣೆ ಸುರು ಮಲ್ತಂಡ್. ಈ ಬಗ್ಗೆ ದಾಮೋದರ ಸುವರ್ಣೆರ್ ದಿಂಜ ಉಮೇದ್ ತೋಜಿಪಾಯೆರ್. ಎಸ್.ಆರ್. ಹೆಗ್ಡೆರನ ಮಾರ್ಗದರ್ಶನ ಬಿಸುಪರ್ಬಗ್ ಮಲ್ಲಶಕ್ತಿ ಆದ್ ಒದಗ್ಂಡ್. ಬಿಸು ಪರ್ಬನ್ ನನಲಾತ್ ಗೆಲ್ಕಾಯಿನಾರ್ ದಾಮೋದರ ನಿಸರ್ಗೆ, ಅರೆನ ಗುರ್ಕಾರೆಡ್ ತುಳುಕೂಟದ ಬಿಸು ಪರ್ಬೊಗು ಪೊಸ ರೂಪ ತಿಳ್ಕೊಂಡ್, 1997 ದೇಸೊದ ಸ್ವಾತಂತ್ರೋತ್ಸವದ ಬಂಗಾರ ಪರ್ಬ ನೆಸ್ಟ್ ಬೊಕ್ಕ ತುಳು ಅಪ್ಪೆ ಬಾಸೆದ ಎಸ್.ಎಸ್.ಎಲ್.ಸಿ. ಬೊಕ್ಕ ಪಿಯುಸಿಡ್ ಜಾಸ್ತಿ ಮಾರ್ಕ್ ಪಡೆತ್ತಿನ ರಸ್ಟ್ ಪ್ರತಿಭೆಲೆಗ್ ನಗರ್ ಪುರಸ್ಕಾರ ಕೊರ್ದು ಮಾನಾದಿಗೆ ಮತ್ತೊಂದುಂಡು ಕುಡ್ಲ ತುಳುಕೂಟ. ಅಖಿಲ ಭಾರತ ತುಳು ಒಕ್ಕೂಟ ಸ್ಥಾಪನೆ (1989) 1989ತ್ತ ಮೂಲ್ಕಿದ ತುಳು ಸಮ್ಮೇಳನಡ್ ಅಖಿಲ ಭಾರತ ತುಳು ಒಕ್ಕೂಟ ಪುಟ್ಟುಂಡು. ಒಕ್ಕೂಟದ ಸ್ಥಾಪಕ ಗುರ್ಕಾರ್ ಆದ್ ಎಸ್.ಆರ್. ಹೆಗ್ಡೆ ಸರ್ವಾನುಮತಿ ದೆತೊಂದು ನೇಮಕ ಆಯರ್, 1996ಟ್ ಹೆಗ್ಡೆರ್ ತೀರ್ ಪೋಪುನೆಲ್ಲಾ ತುಳು ಒಕ್ಕೂಟದ ಗುರ್ಕಾರೆ ಆದಿತ್ತೆರ್, ಮುಂಬೈ, ಮೀರಜ್-ಸಾಂಗ್ಲಿ ನಾಸಿಕ, ಬರೋಡ, ದಿಲ್ಲಿ ಬೆಂಗಳೂರು, ಹೈದರಾಬಾದ್, ಚೆನ್ನೈ, ಕುಡ್ಡ ಒಡಿಪು, ಪುತ್ತೂರು, ಕಾಸರಗೋಡುಲೆಡ್ ಇಪ್ಪುನ ತುಳು ಸಂಘಟನೆಲೆನ ಒಕ್ಕೂಟ ಉಂದು. ಎಸ್.ಆರ್. ಹೆಗ್ಡೆರೆನ ಮರಣ (16 ಮೇ 1996) 1996ತ್ತ ಮೇ 16ನೇ ದಿನಾನಿ ಎಸ್.ಆರ್. ಹೆಗ್ಡೆರ್ ಕಾಯಬುಡ್ಡು ಕೈಲಾಸ ಸೇರಿಯೆರ್. ಇಂಚಿತ್ತಿ ಪುಣ್ಯಾತ್ಮನ ಸ್ವರ್ಗಸ್ಥ ಆತ್ಮಗು ಶಾಂತಿ ಬೊಕ್ಕ ಆರೆನ ಕುಟುಂಬದಲ್ಲಿಗ್ ಎಸ್.ಆರ್. ಹೆಗ್ಡೆ / 11
