ಬಾಸೆದಕ್ಕೆಲ್ಲಾ ಮೆಚ್ಚಿಗೆ ಆದ್ ಮಾದರಿ ಆಂಡ್. ಆರ್ ಪಾಡೊಂದಿನ ಕಾರ್ಯಕ್ರಮತ ಅಚ್ಚುಕಟ್ಸ್ ಮಲ್ಲಿ ಬೇಲೆದ ಒಪ್ಪ ಓರಣ, ಮಾತೆರೆನ್ಲಾ ಜತೆಟ್ ಲೆತ್ತೊನ್ನ ರೀತಿ, ಒಟ್ಟಾದ್ ಕೆಲಸ ಮಲ್ಲುವ ಪ್ರೀತಿ, ಉಂದು ಪೂರ ಬಾರೀ ಕೊಂಡಾಟದವಾದಿತ್ತಂಡ್, ಒಸ ನೀರ್ಡ್ ಇಪ್ಪುನ ಪರಿಶುದ್ಧತೆನ್ ಒರಿತೊನೊಡು ಪೊಣೆಪಾಟ ಅರೆನವು. ಈ ದೃಷ್ಟಿಡ್ ಆರ್ ತುಳು ಕಜೊಲೆಗ್ ದುಂಬಾಯೆರ್. ಪರೋಪಕಾರಾರ್ಥ ಮಿದಂ ಶರೀರಂ ಈ ಪಾತೆರೊನು ಎಡೇನ ಹಿಂದಿನ ಎಸ್.ಆರ್. ಹೆಗ್ಡೆರ್ ವಕೀಲೆರಾಲಾ ಸಂಘಟಕರಾದ್ರಾ ತುಳುಪ್ರೇಮಿ ಆನ್ಲ್ಯಾ, ಸರ್ವಜನಾನುರಾಗಿಯಾದ್ರಾ ಬದಿಕಿನ ಮಾಮಲ್ಲ ವ್ಯಕ್ತಿ. ಅಂಡ ಇತ್ತಿನ ಮನುಷತ್ವ, ಕರುಣೆ, ಮೆದುಗುಣ, ಮೆದು ಪಾತೆರ ಆರ್ ನಿಜವಾಯಿನ ಸಜ್ಜನೆ ಇಂದ್ ಸಾರ್ದ್ಂಡ್. 35 ವರ್ಷ ವಕಾಲತ್ 1961-1996 ಮುಟ್ಟ ಎಸ್.ಆರ್. ಹೆಗ್ಡೆರ್ ಉಸುಲು ಇಪ್ಪುನೇಟ ವಕಾಲತ್ ಮಲ್ಲೆರ್, ವಕೀಲೆರಾದ್ ಎಡ್ಡೆ ಪುದರ್ ಪಡೆವೊಂದ ಸಜ್ಜನೆ ಬೊಕ್ಕ ಧೈರ್ಯದಾ, ಕೀರ್ತಿ ಪ್ರಚಾರೊಗು ದುಂಬು ಬರಾಂದ ಪಾಪದಕ್ಕೆಗ್ ನ್ಯಾಯ ತಿಕ್ಕುನೆಕ್ಕಾದ ಛಲೊಟ್ಟು ವ್ಯಾಜ್ಯನು ಗಂದಾದ್ ಕೊರ್ತೆರ್. ತಾಳ್ಮೆ ದಿಂಜಿದಿ ತುಪ್ಪೆ ಎಸ್.ಆರ್. ಹೆಗ್ಡೆರ್ ತಾಳ್ಮೆ ದಿಂಜಿದಿ ತುಪ್ಪೆ ಸಂಯಮ, ಮೆದು ಪಾತೆರ ಅರಡ ಇತ್ತಿ ಆಸ್ತಿ. ತುಳುತ ಕೆಲಸೊಗು ಕೈ ಪಾಡಿಯೆರ್ಡ ಎಂಚಿ ಅಡ್ಡಿ ವಿಡರೊನ್ಹಾ ಲೆಕ್ಕಂದೆ, ಏರೆನ್ಹಾ ಗೌನಿಪಂದೆ ಪತ್ತದಿ ಕೆಲಸೊಗು ಗೆಲ್ಪಾದ್ ಕೋಡಿ ಎತ್ತಾವರ್ ಪನ್ನಿನೆಕ್ ದಾಲಾ ಸಂಶಯನೇ ಇಜ್ಜಿ 'ಪರೋಪಕಾರ ಪುಣ್ಯಾಯ, ಪಾಪಾಯ ಪರಪೀಡನಂ' ಪತ್ನಿ ಎಡ್ಡೆ ಪಾತರದಂಚ ಹೆಗ್ಡೆರ್ ಬದ್ಕ್ ದಿತ್ತೆರ್. ಸಂಘಟನಾ ಚತುರೆ ಎಸ್.ಆರ್. ಹೆಗ್ಡೆರ್ ಸಂಘಟನಾ ಚತುರೆ. ಅಂಚೆ ತಂತಿ ಇಲಾಖೆದ ದರ್ಜೆ ಮೂಜಿ ಬೊಕ್ಕ ನಾಲ್ ಉದ್ಯೋಗಿಲೆನ ಸಂಘದ ಅಧ್ಯಕ್ಷೆರಾದ್, ಉಳ್ಳಾಲ ಬಿ.ಇ.ಎಂ. ಶಾಲೆದ ಸಿ.ಸಿ.ಎಫ್, ಅಧ್ಯಕ್ಷೆರಾದ್, ಜಿಲ್ಲಾ ಟ್ಯಾಕ್ಸಿಮೆನ್ ಸಂಘದ ಅಧ್ಯಕ್ಷರಾದ್, ಜಿಲ್ಲಾ ವರದಕ್ಷಿಣೆ ವಿರೋಧಿ ಸಂಘದ ಅಧ್ಯಕ್ಷೆರಾದ್, ಕುಡ್ಲ ತುಳುಕೂಟದ ಅಧ್ಯಕ್ಷೆರಾದ್, ಅಖಿಲ ಭಾರತ ತುಳು ಒಕ್ಕೂಟದ ಅಧ್ಯಕ್ಷೆರಾದ್, ಕುಡ್ಲ ವಕೀಲೆರೆ ಸಂಘದ ಅಧ್ಯಕ್ಷೆರಾದ್, ದ.ಕ. ಜಿಲ್ಲೆದ ಎಸ್.ಆರ್. ಹೆಗ್ಡೆ / 6
