ಮಾಮಲ್ಲ ಪತ್ರಕರ್ತೆ ಎಂ.ವಿ. ಹೆಗ್ಡೆರ್ ಸಮ್ಮೇಳನಾಧ್ಯಕ್ಷೆ, ಕರ್ನಾಟಕ ಸರಕಾರ ತುಳುಕು ಅಕಾಡೆಮಿನಾಂಡಲಾ ಮಲ್ಪೆ ತುಳುತ್ತ ಬುಳೆಚಿಲ್ಗ್ ಪೊಣೆವಡ್ಂದ್ ಎಂ.ವಿ. ಹೆಗ್ಡೆ ಈ ಪೊರ್ತುಡು ಪಂಡೆರ್. 27 ವರ್ಸದ ಪೊಣೆಪಾಟ 1989 ಎ. 15-16ತ್ತಾನಿ ರಡ್ ದಿನತ್ತ ಅ.ಭಾ. ತುಳು ಸಮ್ಮೇಳನ ತುಳುಕೂಟದ ನಿಲೆಟ್ ಮೂಲ್ಕಿಡ್ ನಡತ್ಂಡ್. ಎಸ್.ಆರ್. ಹೆಗ್ಡೆರ್ ನೆತ್ತ ಕಾರ್ಯಾಧ್ಯಕ್ಷೆ, ಪ್ರೊ.ಅಮೃತ ಸೋಮೇಶ್ವರ್ ಸಮ್ಮೇಳನ ಅಧ್ಯಕ್ಷೆ, ದಿಲ್ಲಿ ಬರೋಡ, ಮಿರಜ್, ಸಾಂಗ್ಲಿ ಮುಂಬೈ, ಬೆಂಗಳೂರು, ಹೈದರಾಬಾದ್, ಚೆನ್ನೈ, ಉಡುಪಿ, ಕಾಸರಗೋಡು - ಮುಲ್ಪ ಇತ್ತಿನ ತುಳು ಸಂಘ ಸಂಸ್ಥೆದ ಗುರ್ಕಾರರ್ ಮುಲ್ಪ ಸೇರ್ ಅಖಿಲ ಭಾರತ ತುಳು ಒಕ್ಕೂಟ ಸ್ಥಾಪನೆ ಮಲ್ಲೆರ್, ಎಸ್.ಆರ್. ಹೆಗ್ಡೆ ಒಕ್ಕೂಟದ ಗುರ್ಕಾರೆ ಆದ್ ಸರ್ವಾನುಮತ ಪ್ರಕಾರ ಆಯ್ಕೆ ಆಯೆರ್. ಇಂಚ ಹೆಗ್ಡೆರ್ ಕುಡ್ಲ ತುಳುಕೂಟದ ಗುರ್ಕಾರೆ ಆದ್, ಅಖಿಲ ಭಾರತ ತುಳು ಒಕ್ಕೂಟದ ಗುರ್ಕಾರೆ ಆದ್ 1969-1996 ಮುಟ್ಟ27 ವರ್ಸ ತುಳುಭಾಷೆ, ಸಂಸ್ಕೃತಿಲೆನ್ ಕಾತೊಂದು ಒರಿತೊನ್ನ ಬೇಲೆಲೆಗ್ ಮಾರ್ಗದರ್ಶಕೆ ಆದ್ ಬೆನ್ತೇರ್. 3 ಎಸ್.ಆರ್. ಹೆಗ್ಡೆರೆಗ್ ತುಳುಬಾಸೆ-ಪೆರ್ಮೆ-ಗೆದನೇ ಗೇನ ರಾತ್ರೆ-ಪಗೆಲ್. ಅರೆನ ಗುರ್ಕಾರೆಡ್ ನಡತಿನ ತುಳುತ್ತ ಚಳವಳಿ ದೇಶದ ಕೊಡಿಕಡೆ ಮಾತ್ರತ್ತಂದೆ ಪರದೇಶೂಲೆಡ್ ಇತ್ತಿನ ತುಳುವೆರೆಗ್ಲಾ ಬಾಸೆದ ಮಿತ್ ಮೋಕೆ ಪುಟ್ಟುದು ಅಪ್ಪೆಬಾಸೆದ ಗೆಲ್ಲೆ ಪೆರ್ಮೆಗ್ ಬೆನೊಡು ಪನ್ನಿ ಉಮೇದ್ವಾದ್ ಸಂಘಟನೆಗ್ ದುಂಬಾಯೆರ್. ತುಳು ಸಂಘ ತುಳುಕೂಟ ಕಟ್ಟಿಯೆರ್. ಇಂಚ ತುಳು ಬಾಸೆಗ್ ಪೊಸ ಚೈತನ್ಯ ಬತ್ತ್ಂಡ್. ದುಬೈನ್ ಹೆಗ್ಡೆ 1990ಟ್ ಎಸ್.ಆರ್. ಹೆಗ್ಡೆರ್ ಬೊಡೆದಿ ಸುವಾಸಿನಿ ಜತೆಟ್ ಕೊಲ್ಲಿ ದೇಶದ ಪ್ರವಾಸ ಕೈಕೊನಿಯೆ, ದುಬೈ ಅಬುದಾಬಿಗ್ ಪೋಯಿನಪಗ ಅಲ್ಪ ಇತ್ತಿನ ತುಳುವೆರ ಬೆರಿ ಬೊಟ್ಟುದು ಕೂಟ ಕಟೈರೆ ಉಮೇದ್ ಕೊರಿಯೆರ್, ತನ್ಕ್ಕೆ ಜೋಕೆಗ್ಲಾ ತುಳು ಬಾಸೆ-ಸಂಸ್ಕೃತಿಕ ಪೊಲಬು ತಿಕ್ಕೊಡು ಇರಾದೆಡ್ ಸಂಘಟನೆಗ್ ದುಂಬಾಯೆರ್. ಯುಎಇ ತುಳುಕೂಟ ಸ್ಥಾಪನೆ ಮಲ್ಲೆರ್. ಇಂಚ ಅಂಡ ತುಳುಮೋಕೆ ಬಲತ್ ತುಳುಕ್ಕಾತ್ರ ಬೇಲೆ ಮಲ್ಲೊಡು ಆಸೆ ತೆಗ್ ಲ್ಂಡ್. ಅನ್ಯ ಬಾಸೆದಕ್ಕೆ ಹೆಗ್ಡೆರ್ ಮಾದರಿ ತುಳು ಬಾಸೆ-ಸಂಸ್ಕೃತಿತ ಬುಳೆಚಿಲ್ ಗ್ ಎಸ್.ಆರ್. ಹೆಗ್ಡೆರ್ ತುಳು ಚಳವಳಿ ಮೂಲಕ ಆನಿ ಪಾಡೊಂದಿ ಕಾರ್ಯಕ್ರಮೊಲು ತುಳು ಅಭಿಮಾನಿಲೆಗ್ ಮಾತ್ತತ್ತಂದೆ ಬೇತೆ ಎಸ್.ಆರ್. ಹೆಗ್ಡೆ / 5
