ತುಳುಕೂಟ ಗುರ್ಕಾರೆ ಆದ್ 15 ವರ್ಸ (1969-84) Co ಎಸ್.ಆರ್. ಹೆಗ್ಡೆರ್ ತುಳುಕೂಟ ಗುರ್ಕಾರೆ ಆದ್ 15 ವರ್ಸ ಬೆನ್ನೆರ್, ಅರೆನ ಗುರ್ಕಾರ್ಮೆದ ಕಾರ್ಬಾಲ್ಡ್ ಒಂಜಿ ದಿನ ಮೂಜಿ ತುಳು ಸಮಾವೇಶ (1973, 1974, 1975) ಪ್ರೊ. ಎಂ. ಮರಿಯಪ್ಪ ಭಟ್, ಪ್ರೊ. ಕು.ಶಿ. ಹರಿದಾಸ ಭಟ್, ನಾಡೋಜ ಕಯ್ಯಾರ ಕಿಞಣ್ಣರೈ ಮೊಕನ ಗುರ್ಕಾರೆಡ್ ನಡತ್ಂಡ್. ತುಳುನಾಟಕ ಪ್ರದರ್ಶನ ಸಪ್ತಾಹ - ಮೂಜಿ (1975, 1976, 1977) ಬೊಕ್ಕ ತುಳುಕೂಟ-ನವಭಾರತ ಜತೆಯಾದ್ ತುಳು ಸಿನೇಮ ಪ್ರಶಸ್ತಿ ಪಟ್ಟುನ ಲೇಸ್ (1974, 1975, 1976) ಮೂಜಿ ನಡತ್ಂಡ್. ಧರ್ಮಸ್ಥಳ ರತ್ನವರ್ಮ ಹೆಗ್ಗಡೆ ತುಳುನಾಟಕ ಕೃತಿ ಪ್ರಶಸ್ತಿ (1976) ಶ್ರೀಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಶ್ರೀ ಡಿ. ವೀರೇಂದ್ರ ಹೆಗ್ಗಡೆ ಅರೆನ ಅಪ್ಪಾಜಿ ರತ್ನವರ್ಮ ಹೆಗ್ಗಡೆ ಪುದರ್ ತುಳುಸಾಹಿತ್ಯ ಸೃಷ್ಟಿಗಾತ್ರ ಎಡ್ಡೆ ತುಳುನಾಟಕ ಕೃತಿಕ್ ತುಳುಕೂಟದ ಮೂಲಕ 1976ಡಿಂಚ ಪ್ರತಿ ವರ್ಸೊಲಾ (ಪ್ರಥಮ, ದ್ವಿತೀಯ, ತೃತೀಯ 3 ಪುರಸ್ಕಾರ ಕೊರೊಂದುಲ್ಲೆರ್. ಈ ರೀತಿಡ್ ಡಾ. ಡಿ. ವೀರೇಂದ್ರ ಹೆಗ್ಗಡೆರ್ ಎಸ್.ಆರ್. ಹೆಗ್ಡೆರ ತುಳು ಚಳವಳಿ, ಬೆರಿಬೊಟ್ಟುದು ಉತ್ತೇಜನ ಕೊರ್ತೆರ್. ರೂ. 5,000, ರೂ. 3,000, ರೂ. 2,000 ನಗದ ಇನಾಮು ರತ್ನವರ್ಮ ಹೆಗ್ಗಡೆ ಪ್ರಶಸ್ತಿದ 3 ಪುರಸ್ಕಾರ ಪಣವು ಆದ್ ಪ್ರತಿವರ್ಸಲಾ ತುಳುಕೂಟ ಬಿಸು ಪರ್ಬದಾನಿ ಸಂದೊಂದುಂಡು. ಕೊಪ್ಪ ಕಾಸರಗೋಡು, ಉಡುಪಿ ಸಂಘಟನೆ ಪ್ರಸ್ತಾಪ ತುಳುವೆರೆನ ಸಂಘಟನೆ, ತುಳು ವ್ಯವಹಾರ ಬುಳೆಚಿಲ್, ತುಳುಸಾಹಿತ್ಯ ನಿರ್ಮಾಣ, ತುಳು ಕಲಿಕೆದ ಅಬ್ಬೆಸೊ - ಈ ನಾಲ್ ಉದ್ದೇಶ ದೀವೊಂದು ತುಳುಕೂಟ ಸ್ಥಾಪನೆ ಆತ್ಂಡ್, ಹೆಗ್ಡೆರ್ ತುಳುವೆರ ಸಂಘಟನೆಗಾದ್ ದಿಂಜ ಮಹತ್ವ ಕೊರೊಂದಿತ್ತೆರ್. ಅಂಚಾದ್ ಕೊಪ್ಪ (ಚಿಕ್ಕ ಮಗಳೂರು ಜಿಲ್ಲೆ), ಕಾಸರಗೋಡು, ಉಡುಪಿಡ್ ತುಳುಕೂಟ ಆರಂಭ ಆವೊಡಿನ್ನಿ ಉಮೇದ್ ಹೆಗ್ಡೆರೆಗ್ ಇತ್ತಂಡ್. ಐಕಾತ್ರ ಪ್ರಸ್ತಾಪಲಾ ಮಲ್ಲಿತ್ತೆರ್. ಆಂಡ ಅರೆನ ಗುರ್ಕಾರದ ಕಾಲೊಡು ಅಲ್ಪ ಕೂಡುಕಟ್ಸ್ ಬಲ ಮುಂಚಿತ್ತಿ ಸಕಾಯ ತಿಕ್ಕಿಗೆ ಅ.ಭಾ. ತುಳು ಸಮ್ಮೇಳನ (1984) ಎಸ್.ಆರ್. ಹೆಗ್ಡೆರೆನ ಗುರ್ಕಾರೆಡ್ 1984 ಫೆ. 11-12 ರಡ್ಜ್ ದಿನ, ಅಖಿಲ ಭಾರತ ತುಳು ಸಮ್ಮೇಳನ ಮಲ್ಲಿನ ತುಳುಕೂಟ ಜಿಲ್ಲೆಗೆ ತುಳುನಾಡ್ ಜಿಲ್ಲೆ ತುಳುಕ್ಕು ರಾಷ್ಟ್ರ ಮಾನ್ಯತೆ, ಕುಡ್ಲದ ಆಕಾಶವಾಣಿಡ್ ಹೆಚ್ಚೆಚ್ಚ ತುಳು ಕಾರ್ಯಕ್ರಮ ಪ್ರಸಾರ, ಕುಡ್ಲದ ಇಡೆಪುಡೆಟ್ ಲಕ್ಕದುಂತುನ ಉದ್ದಿಮೆಲೆಡ್ ತುಳುವೆರೆಗ್ ಹೆಚ್ಚ ಉದ್ಯೋಗಾವಕಾಶ ತಿಕ್ಕೊಡುಂದು ಒತ್ತಾಯ ಮಲ್ಪೆಂಡ್, ಒಡಿಪುದ ತುಳು ಚಳವಳಿಟ್ ತಾಕತ್ ಮೀರ್ ಬೆನ್ನಿನ ಎಸ್.ಆರ್. ಹೆಗ್ಡೆ / 4
