ಉಡಲ್ದ ಪಾತೆರೊ
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಮದಪ್ಪೆರಾವಂದಿ ತುಳುವೆರ್ ಮಾಲಿಕೆಡ್ ತುಳುನಾಡ್ ಸಾದನೆ ಮಲ್ತಿನ ತುಳುವೆರೆನ ಬಗೆಟ್ ಗುರ್ಕಾರ್್ರರಾಯಿನ ಶ್ರೀ ದಯಾನಂದ ಜಿ. ಕತ್ತಲ್ಸಾರ್ ಬರೆಯೆರೆ ಪನ್ನಗ ಎಂಕ್ ಬಾರಿ ಕೊಸಿಯಾಂಡ್, ಯಾನ್ ಏರೆನ ಇಸೊಯ ಬರೆವೊಡೂಂದು ಅಲಚನೆ ಮಲ್ಪುನಗ ಎಂಕ್ ರಂಗಭೂಮಿದ ಮಾಮಲ್ಲ ಸಾದಕೆರಾಯಿನ ಎಂ.ಕೆ. ಸೀತಾರಾಮ ಕುಲಾಲೆರ್ ಕಣ್ಣೆದುರು ಬತ್ತೆರ್.
ತುಳು ರಂಗಭೂಮಿ ನಮ್ಮ ಮಣ್ಣ ಆಚಾರ ವಿಚಾರ, ಸಂಸ್ಕೃತಿನ್, ಚರಿತ್ರೆನ್, ಜನಮಾನಿಲೆಗ್ ಮುಟ್ಟಾವುನ ಮಾಮಲ್ಲ ಬೇಲೆನ್ ಮಲ್ಲೊಂದುಂಡು. ತುಳು ಭಾಷೆದ ಪೊರ್ಲು ಪೊದಿಕೆನ್ ಒರಿಪಾದ್, ಬಾಸೆದ ಬುಲೆಚ್ಚಿಲ್ಗಾಲಾ ಎಡ್ಡೇನ ಪೊರ್ಂಬಾಟಿಕೆ ಮಲ್ತೊಂದುಂಡು, ಮಸ್ತ್ ಕಲಾವಿದೆರ್ ಅಯ್ಯಾದ್ ಬೆನೊಂದುಲ್ಲೆರ್. ಅಂಚಿತ್ತಿ ನಾಟಕೊ ಕಲಾವಿದೆರೆಡ್ ಸೀತಾರಾಮ್ ಕುಲಾಲೆರ್ ನೆಗೆತ್ ತೋಜುವೆರ್. ಆರ್ ನಿರ್ಮಾಪಕೆರಾದ್, ನಿರ್ದೇಶಕೆರಾದ್, ನಾಯಕ ನಟೆಯಾದ್, ಕಬಿಯಾದ್, ಸಂಘಟಕೆರಾದ್ ಬೆನ್ನಿ ಬೆಂದಿನಾರ್,
ಮಸ್ತ್ ಕಾಸ್ ಮಲ್ಪೊಡು, ಆಸ್ತಿ ಬದ್ಕ್ ಮನ್ಪೊಡು ಪನ್ನಿನ ಅಬುಲಾಸೆ ಅರೆಗಿಜ್ಜಾಂಡ್ಂದ್, 'ಕಡಲನಾಡ ಕಲಾವಿದೆರು' ಪನ್ಪಿನ ಸಂಸ್ಥೆನ್ ಸ್ಥಾಪನೆ ಮಲ್ತ್ ಅವೇತೋ ಕಲಾವಿದೆರೆಗ್ ರಂಗಭೂಮಿದ ಬೊಲ್ದು ತೋಜಾಯೆರ್. ಶಿಸ್ತದ ಕಲಾವಿದೆರಾಯಿನ ಕುಲಾಲೆರ್ ಆರ್ ಬರೆತಿನ ಒವ್ವೇ ನಾಟಕೊಲೆಗ್, ಪದೊಕುಲೆಗ್ ಪಣವು ದೆತೊನೊಂದಿಜ್ಜಾಂಡ್ಂದ್, ಕುಲಾಲೆರ್ ಒಂಜಿ ಕಡಲ್, ಆ ಕಡಲ್ದ ನೀರ್ನ್ ಕೊಡಪಾನೊಡು ದೈದೆ, ಮುತ್ತು ರತ್ನೊಲು ಮಾತ ಅವುಲೇ ಒರಿದ್ಂಡ್, ಕುಲಾಲೆರ್ನ ಕೈಬರವುದ ಬೂಕುಲು ಕುಂಬು ಆದ್ ಉದಲ್ದ ಪಾಲಾಯೆರೆ ದುಂಬು ಅವತ ದಾಖಲೀಕರಣ ಅಗತ್ಯವಾದ್ ಆವೊಡು, ಅರೆನ ಬದ್ಕ್ ಬೊಕ್ಕ ಕೊರುಗೆದ ಬಗೆಟ್ ಎಂ.ಫಿಲ್, ಬೊಕ್ಕ ಪಿಎಚ್.ಡಿ. ಮಲ್ಪುಲೆಕ್ಕಾವೊಡು, ಯಾನ್ 2017ಟ್ ಎ.ಸಿ. ಭಂಡಾರಿಲೆನ ತಂಡೊಡು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆಯಾದುಪ್ಪುನಗ ಅಕಾಡೆಮಿದ ಹೆಚ್ಚಿನ ಲೇಸ್ಲೆಗ್ ಸೀತಾರಾಮ್ ಕುಲಾಲೆರ್ ಬಯ್ದೆರ್ ಪನ್ನಿನವು ಕೊಸಿತ ಸಂಗತಿ. ಲೇಸ್ ಮುಗಿತಲಾಯೆರೆ ದುಂಬು ಆರ್ ನಡುಟು ಲಕ್ಕದ್ ಪೋತಿನಾರತ್ತ್. ಅಕೇರಿ ಮುಟ್ಟ ಕುಲ್ಲುದು ಬಾಯಿ ನಿಲ್ಕೆ ತೆಲ್ತ್ದ್ ಎಡ್ಡೆಪ್ಪುದ ಪಾತೆರೊಲೆನ್ ಪಂಡ್ದ್ ಪೋವೊಂದಿತ್ತೆರ್. ಯಾನೊರಿ ಮಲ್ಲ ಕಲಾವಿದೆ ಪನ್ಪಿನ
6
