ಈ ಪುಟೊನು ಪ್ರಕಟಿಸದ್ ಆಂಡ್
ಪಾತೆರೊಕತೆ ಮನವು ಏಪೊಲಾ ಮದಪುನತ್ತೆ, ಅಂಚಿತ್ತಿನ ಸೀತಾರಾಮ ಕುಲಾಲೆರೆನ ನೆಂಪುದ ಬಗೆಟ್ ಪೊರ್ಲ ಅಚ್ಚರೊದ ಮಾಲೆನ್ ಮೊಡೆದ್ ತುಳುವಪ್ಪೆನ ಪಾದೊಗು ಸಂದೈತ ಮಲ್ಪುನ ಕಜ್ಜೊನು ಸುಧಾ ನಾಗೇಶೆರ್ ಮಲ್ತ್ದೆರ್ , ಈ ಮುಖೇನ ತುಳು ಭಾಷಾ ಸಂಸ್ಕೃತಿಗೆ ಕೊಡುಗೆ ಕೊರ್ಪಿನ ಶಾಶ್ವತ ದಾಖಲೆಯಾದ್ ಅಕಾಡೆಮಿದ ಬರವುದ ಬಂಡಸಾಲೆಡ್ ಸೇರುನಂಚಿತ್ತಿನ ಈ ಪೊರ್ಲುಡ್ ಹದ ಪುಸ್ತಕೊನು ಪ್ರಕಟ ಮಲ್ಪುನಂಚಿನ ಕೆಲಸೊ ಎನ್ನ ಅವಧಿಡ್ ಆಪನವು ಎಂಕ್ ಮಸ್ತ್ ಸಂತೊಸ ಕೊರ್ತುಂಡು, ಈ ಬಗೆಟ್ ಬರವು ಬರೆಯಿನ ಸಾಹಿತಿ ಸುಧಾ ನಾಗೇಶ್ ಮೆರೆಗ್ ಬೊಕ್ಕ ಪೊರ್ಲುಡು ಪ್ರಕಟ ಮಲ್ತಿನಂಚಿನ ದಿಗಂತ ಮುದ್ರಣಾಲಯೊಗು, ಪ್ರತ್ಯಕ್ಷವಾದ್ ಬೊಕ್ಕ ಪರೋಕ್ಷವಾದ ಸಕಾಯ ಕೊರ್ನ ಮಾತೆರೆಗ್ಲಾ ಸೊಲ್ಮೆ ಸಂದೈತ ಮಲ್ಲೊಂದು ಸೀತಾರಾಮ ಕುಲಾಲೆರೆನಂಚಿತ್ತಿನ ಅದ್ಭುತವಾಯಿನ ಪ್ರತಿಬೆಲು ತುಳುನಾಡ್ಡ್ ಪುಟುದು ಬರಡ್ಂದ್ ಪನ್ಪಿ ಪಾತೆರೊದೊಟ್ಟಿಗೆ ನನೊರ ಅರೆನ ದಿವ್ಯ ಚೇತೊನೊಗು ತರೆ ತಗ್ಗಾವೆ. ಸೊಲ್ಮೆಲು.
17-9-2022
ದಯಾನಂದ ಜಿ. ಕತ್ತಲ್ಸಾರ್
ಗುರ್ಕಾರ್ಲು
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ
