ಪುಟ:ಎಂ. ಕೆ. ಸೀತಾರಾಮ ಕುಲಾಲೆರ್.pdf/೫೩

ಸೀತೆ: ಪೊಣ್ಣ ಜನ್ಮೊಗ್ ಬತ್ತಿ ಪೆರ್ಮೆಡ್
ಬ್ರಹ್ಮ ದೇವೆರೆ ಯಾನ್ ಸುಗಿಪೊಡು
ಕೀರ್ತಿ ಕಲಶೋ ಭಾರ ಆಪುಂಡು
ಈರ್ ತುಂಬುದೆ ಪುದರ್ ಪಡೆಯೊಡು
ರಾಮೆ: ಉಡಲ್ ಎನ್ನೊನೆ ಬೇನೆ ಆಪುಂಡು
ನಿನ್ನ ಕಷ್ಟೊನು ತೂದು ಮರ್ಕುಂಡು
ಕಾಡ ಕಂಡೆನ್ ತಿಂದ್ ಬದುಕೊಡು
ಕಲ್ಲ, ಮುಲ್ಲದ ಸಾದಿ ನಡಪೊಡು

*** ಕರ್ಲ್‌ದ ಉರ್ಲು

    ನೀತಿ ದೈವೋ ಪೆದ್ದಿನ ಮಗೆನಾ?
    ಭರತ ಕಂಡೊದ ಕರ್ಮ ವೀರೆನಾ?
    ದಿಕ್ಕೆಲ್ ಪೊತ್ತುಂಡ ತೆಕ್ಕಾವೊಲಿಯತ್ತಾ
    ಒಕ್ಕಲ್ ಪೊತ್ತುಂಡ ತೆಕ್ಕಾವೊಲಿಯಾ?

    ಪಣೆನೆ ನೀರ್ ಪರ್ನಗಾ
    ಬೇಲಿ ಕೆಯಿನ್ ಮೇನಗಾ
    ಪೊನ್ನು ಅಲೆ ಇಲ್ಲಡೇ ಕಂಡ್ನಗಾ
    ಅಪ್ಪೆ ಪೇ‌ರ್ ನಂಜೀಡ್ ಕೆರ್ನಗಾ
    ಏರೆರೆನ್ ದೂರುವ ನಂಬುಲ
    ತರವು ಗಣಪತಿ ದೈವೋ

***

ಇಬ್ರಾಹಿಂ

    ದಾನ ಕೊರ್ಪುನ ಕೈಕ್ ಸುರಿಯ ಪಾಡಿಯೆರಪ್ಪಾ
    ಸಾನದುಲಾಯಿ ಒಯ್ತ್ ಮಾನ ಕಲೆಯರಪ್ಪಾ
    ಒರಿತ್ ಕಾಪುನ ದೈವೂ ಈ ಕಣ್ಣ್ ಮುಚ್ಚಿದ್ ದಾಯೆ?
    ತೊರಿತ್ ಗೊಬ್ಬುನ ಪಗೆಲ್ ಮಲೆನ್ ತೂಯಿಜ ದಾಯೆ?

ಎಂ.ಕೆ. ಸೀತಾರಾಮ ಕುಲಾಲೆರ್ / 52