ಮಿಸ್ ಲತಾ
ಬಾನಡುಪ್ಪಿ ಸೂರ್ಯೆ ಚಂದ್ರೆ ಇಪ್ಪಿ ಮುಟ್ಟೊಗ್
ಜನ್ಮ ಜನ್ಮ ಶಾಶ್ವತಾದ್ ಸೇರ್ದ್ ಉಪ್ಪುಗಾ
ಎನ್ನ ಭಾಗ್ಯ ದೇವೆರಾದ್ ಬತ್ತೆರ್
ಎನ್ನ ಹಣೆತ ಕುಂಕುಮಾದ ಉಪ್ಪರ್
ನಿನ್ನ ಭಾಗ್ಯೋಗಾದ್ ಪಾರ್ ಬತ್ತೆನೆ
ನಿನ್ನ ಹಣೆತ ಭವಿಷ್ಯಗಾದ್ ಉಪ್ಪೆನೆ
ಬಾಳ ಬೊಲ್ವುಗೀರ್ ಎಣ್ಣೆ ಮೈತರ್
ಆರೆನ ಪ್ರೀತಿಗಾದ್ ದಾನ್ ಕೇನ್ವರ್
ಎನ್ನ ನಿನ್ನ ಬಾಳ್ ಬೇತೆ ಅತ್ತಯ
ನಿನ್ನ ಪ್ರೀತಿಗಾದ್ ದಾದ ಬೋಡುಯ
*** ಮಣ್ಣ್ದ ಮಗಲ್ ಅಬ್ಬಕ್ಕ
ಕಲ್ಲಾದ್ ಕುಲ್ಲಿಯನೆ ದಿಯೆ ಭಗವಂತಾ?
ಕಲ್ಲಾದ್ ಕುತ್ತುನೆನ್ ತಾಂಗ್ದ್ಲಾ ವಾ ಪಂತ?
ತೆರಿಗೆ ನಲಿಕೆಡ್ ಮೆರೆಯಿನ ತುಳುನಾಡ್
ಪರದೇಶಿ ಪಾಪಿಲೆನ ಪಗೆಕಿನಿ ಬಲಿಯಾಂಡ್
ಕಾಪುನ ಜನಮಾನಿ ಉರಿ ಪಾಡ್ದ್ ಪೊತ್ತಾಂಡ್
ಸೊರ್ಕ್ಡು ಸಿರ್ಕ್ಡ್ ಮಣ್ಣ್ಡ್ ಬೊನ್ಯಾಂಡ್
ಬಗೆಬಗೆತ ಆಸೆಲೆಡ್ ಬರ್ಪೆರೋ ಏತೋ
ದಗೆ ಮಲ್ತ್ ಪೋಪುನಂಚಿ ಜನಮಾನಿ ತೂತ
ಯಾನಿತ್ತೆ ನಟ್ಟೋನುವೆ ತುಳುನಾಡ್ ಮಾತ
ಒರಿತ್ ಮಟ್ಟೆಲೆಗ್ ಪಾಡ್ ಸೋಮನಾಥ
***49 / ಎಂ.ಕೆ. ಸೀತಾರಾಮ ಕುಲಾಲೆ
