ಪದೊ ಮೋಕೆದ ಸಿಂಗಾರಿ ಉಂತುದೆ ವೈಯಾರಿ. ಈ ಪದೊ ಸೀತಾರಾಮ ಕುಲಾಲೆ ಬರೆಯಿನವು. ಸೀತಾರಾಮ ಕುಲಾಲೆ ನಮನ್ ಬುರ್ದು ತುಳುವಪ್ಪೆನ ಪಾದ ಸೇರ್ಯರಾಂಡಲಾ ಮೆರ್ನ ಪದೊಕುಲೆನ ಮುಖೇನ ಮೇರ್ ಇನಿಕ್ಲಾ ಸಜೀವವಾದ್ ತುಳುನಾಡ್ದ ಕಲಾ ಸರಸ್ವತಿನ ಮಟ್ಟೆಲ್ಡ್ ನೆಗೆತ್ ತೋಜುವೆರ್. ತುಳುನಾಡ್ದ ಬಗೆಟ್ ವರ್ಣನೆ ಮಲ್ಪುನ ಪರಶುರಾಮನ ಕುಡರಿಗ್ ಮುಟ್ಟಿನ ತುಳುನಾಡ್ ಪನ್ಪಿನ ಪದೊ, ಅಂಚನೆ ಇಡೀ ಸಂಸಾರೊದ ಬಗೆಟ್, ಕಂಡನಿ ಬೊಡೆದಿ ಬಾಲೆದ ಕುಟುಮ್ಮೊ ಸಂಸಾರೊದ ಬಗೆಟ್ ಬರೆಯಿನ ಪಕ್ಕಿಲು ಮೂಜಿ ಒಂಜೇ ಗೂಡುಡು ಬದುಕೊಂದುಂಡುಗೆ, ಇಂಚ ಮೇರ್ ಕೊರ್ನ ಸಾಹಿತ್ಯ ಒಂಜಾ, ರಡ್ಡಾ.. ಮಸ್ತ್ ಸಾಹಿತ್ಯೊಲೆನ್ ಕೊರ್ತೆರ್.
ಕಡಲನಾಡ ಕಲಾವಿದೆರ್ ಪನ್ನಿನಂಚಿನ ಕೂಟ ಕಟ್ಟದ್ ಅವ್ವೇತೋ ಕಲಾವಿದೆರೆನ್ ಈ ನೆಲಟ್ ಪುಟ್ಟು ಪಾಡಿಯೆರ್, ಪೊಸ ಪೊಸ ಕಲಾವಿದೆರೆಗ್ ಅವಕಾಶ ಕೊರ್ಯೆರ್. ಕನ್ನಡೊಡು ಸಾಮಾಜಿಕ ನಾಟಕೊ, ಚಾರಿತ್ರಿಕ ನಾಟಕೊ, ತುಳುರ್ದ್ ಕನ್ನಡೊಗು ಅನುವಾದೊ, ರೇಡಿಯೋ ನಾಟಕೊ, ಜಾನಪದ ನಾಟಕೊ, ರೂಪಕ, ಗೀತಾ ನಾಟಕೊ, ಇಂಚ ಸಾದಾರ್ಣ ಐವೊರ್ದು ಮಿತ್ತ ಸಾಹಿತ್ಯಲೆನ್ ಕೊರ್ತೆರ್, ಅಂಚೆನ ತುಳು ಚಾರಿತ್ರಿಕ, ಸಾಮಾಜಿಕ, ಪೌರಾಣಿಕೊಡು ಸಾದಾರ್ಣ 19 ಕತೆಕ್ಲೆನ್, ನಾಟಕೊಲೆನ್ ಕೊರ್ಯೆರ್. ಅಂಚನೆ ಉಡಲ್ದ ತುಡರ್ ಪನ್ನುನಂಚಿನ ತುಳು ಸಿನೆಮೊನು ಕೊರ್ಯೆರ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರೆರಾದ್ಲ ಬಾರಿ ಎಡ್ಡೆ ಬೇಲೆ ಮಲ್ತೆರ್. ದಾಖಲೀಕರಣ ಯೋಜನೆ ಆದುಪ್ಪು, ಬೇತೆ ಬೇತೆ ಯೂನಿವರ್ಸಿಟಿಟ್ ಡಿಪ್ಲೊಮ ಕೋರ್ಸ್ ನಡಪಯೆರೆಗಾದುಪ್ಪು, 8ನೇ ಪರಿಚ್ಛೇದೊಗು ತುಳು ಬಾಸೆನ್ ಸೇರಾಯೆರೆ ಪ್ರಧಾನಮಂತ್ರಿಲೆಗೆ ಮನವಿ ಕೊರ್ಪುನ ಬೇಲೆ ಆದುಪ್ಪು, ಅಂಚನೆ ನಿಲೆ ದಾಂತಿನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಗ್ ಒಂಜಿ ನಿಲೆ ಉಂಡು ಮಲ್ಪೆರೆ 50 ಸೆಂಟ್ಸ್ ಜಾಗೆ ತುಳು ಭವನೊಗು ತಿಕ್ಕಿನಿ ಮೆರ್ನ ಕಾಲೊಡುಂದು ಪನಿಯೆರೆ ಪೆರ್ಮೆ ಆಪುಂಡು, ಮೆರ್ನ ಬಡ್ ಶುಭ ಮೇರ್ ಬೊಲ್ಪಾದ್ ಬತ್ತೆರ್, ಶುಭ ಬೊಕ್ಕ ಸೀತಾರಾಮ ಕುಲಾಲೆರ್ ಕಲಾವಿದರೆನೇ ತನ್ಕುಲೆನ ಜೋಕುಲ್ಂದ್ ಪ್ರೀತಿ ಮಲ್ಲೊಂದಿತ್ತೆರ್.
ನಿರಂಹಕಾರಿ ಗೌರವಾನ್ವಿತ ಸೀತಾರಾಮ ಕುಲಾಲೆರೆನ ಪ್ಯಾಂಟ್, ಬೊಲ್ದುದ ಅಂಗಿ, ಕಿಸೆಟ್ ಒಂಜಿ ಗುಲಾಬಿದ ಚಿತ್ರ ಇತ್ತೆಲಾ ಎನ್ನ ಕಣ್ಣಿಗೆ ತೋಜೊಂದುಂಡು. ಬಾರಿ ಪೊರ್ಲಕಂಟ್ದ ಸದ್ರಡವಾಯಿನ ಸರೀರ ಅರೆನವು, ಅಧ್ಯೆಕ್ಷೆರಾದುಪ್ಪುನಗ ಒರ ಅಲಂಕಾರೊದ ಕೆಲಸೊನು ಅರೆನೊಟ್ಟಿಗೆ ಬೊಂಬಾಯಿಗ್ ಪೋಯೆ, ಆನಿ ಆರ್ ಜನಪದ ಕಲೆತ ಬಗೆಟ್ ಎಂಡ
44
