ಪುಟ:ಎಂ. ಕೆ. ಸೀತಾರಾಮ ಕುಲಾಲೆರ್.pdf/೪೭

ಜಾತಿ ನೀತಿಲ ಒಂಜೆ ಪರಿಚಯ ನೆತ್ತೆರ್ ಒಂಜೆ
ಪನ್ಪೆ ಪಾತೆರ ಪೊಸತ್ ಆಲೆ ನಡ್‌ದ್ ಸೊತ್ತು
ಬೊಲ್ಲಿ ತೋಟದ ಬೊಲ್ಲಿ ಕರಲ್‌ಡ್ ಮುಡವಡ್ ಮುಟ್ಟು

ಬೆಗರ್ ಕೆಸರ್‌ನ್ ಮಲ್ತಿ ಮಣ್ಣ್‌ಡೆ ಬೂರುಂಡು
ದಾಯೆ ಕಲ್ದ್ ತಿರುಗುವ ಬೇಲೆ ಮೂಲುಂಡು
ಭೂಮಿಯಪ್ಪೆನ್ ನಂಬು ಇಂಬುಲಾ ತಿಕ್ಕುಂಡು
ಮಾತಾ ಧರ್ಮದ ಸತ್ಯ ಈ ನಾಡ್‌ಡ್‌ ಉಂಡು

ಪುಣ್ಯ ತುದೆಕುಲು ಉದಿತಿ ಜಾಗೆಡ್ ದೈವೊಲು ಉಂಡು
ವೀರೆದೀರೆರ್ ಮದಿಪು ಪಡೆಯಿನ ಸತ್ಯೊಲು ಉಂಡು
ಕತ್ತ್ ಕತ್ತಲೆ ಕವಿತೆ ಮೆರೆಯಿನ ನಮ್ಮ ತುಳುನಾಡ್
ಕೈ ನೀಡಿನಡೆ ದಾನ ಕೊರ್ಪಿನ ಧರ್ಮದ ಬೂಡು ಉಂದು

ಕುಲಾಲೆ‌ರ್ ಬರೆತಿನ ರಂಗ ಪದೊಲಿದ ಪದೊಕುಲು

ಗಣಪತಿ ದರ್ಶನೊ

     ನಾರಾಯಣ ಹರಿ ಓಂ ನಾರಾಯಣ
     ನಾರಾಯಣ ಹರಿ ಓಂ ನಾರಾಯಣ

     ಪೇರ್ ಕಡಲ ಮಿತ್ತ್ ಏಳ್ ಜಿಡೆ ಶೇಷನ ತಿರ್ತ್
     ವೊಯಿಲ್ಗ್ ಮಾಲಂದೆ ಜೈದನೇ ಪರಮಾತ್ಮ
     ಓಲೊಲ್ ದಾನೆಂಡ್, ಬ್ರಹ್ಮಾಂಡ ಹಾಳಾಂಡ್
     ತೆರಿದ್ಲ ಈ ತೆಲಿಕೆ ದಾಯೆಗಪ್ಪ ಜೀವಾತ್ಮ

     ನಾರಾಯಣ ಹರಿ ಓಂ ನಾರಾಯಣ
     ನಾರಾಯಣ ಹರಿ ಓಂ ನಾರಾಯಣ

***ಎಂ.ಕೆ. ಸೀತಾರಾಮ್ ಕುಲಾಲೆ‌ / 46