ಪುಟ:ಎಂ. ಕೆ. ಸೀತಾರಾಮ ಕುಲಾಲೆರ್.pdf/೪೪

     ಓಲುಂಡು ಸತ್ಯದ ಆ ತುಡರ್
     ಎಣ್ಣೆನೆ ಕಣ್ಣನೀರ್‌ದ ಒಸ‌ರ್
     ಬಾನೊಡು ಇತ್ತ್ಂಡನೇ ಪುದರ್
     ತತ್ತ್ಂಡ ಬದ್‌ಕೇ ಕೆಸರ್

     ಬೊಲ್ದೆಂಕ್ ಪೂರಾ ಪೇರಾ
     ಪನೊಡ್ಚಿಂದ್ ಪಂಡಿನಿ ಏರಾ
     ಪಿರವುಡ್ದ್ ಕತೆನೇ ಸಾರಾ
     ಕಡೆಮುಟ್ಟ ಒರಿಪುನು ಏರಾ
     ಕತೆನಿತ್ತೆ ಮುಗಿಪೊಡು ಏರಾ

ಬಯ್ಯ ಮಲ್ಲಿಗೆ
     ಅಪ್ಪೆ ಮನಸ್ ಬಂಗಾರ
     ಅಮ್ಮ ತೆನಸ್ ಸಿಂಗಾರ
     ಅಣ್ಣನಾಸೆ ತೆರಿಯಾರ
     ಬದ್‌ಕ್ ನಿಲಿಕೆ ಪೂ ಪಿಂಗಾರ

     ಸಾರ ಬೊಲ್ಲಿಲು ಬಾನೊಡು
     ಸಾರ ಉಂತುದು ಕಾಪೊಡು
     ಪೂರಾ ಬೊಲ್ಲಿಲೇ ತೂವೊಡು
     ಪೂರಾ ಅವುಲೆ ತೆಲಿಪೊಡು
     ಎನ್ನ ಉಡಲ್‌ಡೆ ಮೂಜಿ ದೈವೊಲು
     ಅಯ್ಟ್ ಉಂಡುಗೆ ಪೊರ್ಲು ರೂಪೊಲು
     ಪೂಜೆ ದಾಂತಿನ ಸತ್ಯ ಮೂರ್ತಿಲು
     ಎಂಕ್ ತಿಕ್ಕಿನ ಮಲ್ಲ ಭಾಗ್ಯೊಲು

     ಬೇತೆ ಸ್ವರ್ಗ ಓಲುಂಡು
     ಪಾದೊ ನೀರೆಟ್ ಸೇರುಂಡು
     ಮಾತಾ ಎಂಕ್ಲೆ ಪಾಲಾಂಡ್
     ಭೂಮಿ ಪೂರಾ ಪುಗರ್ಂಡ್

***43 / ಎಂ.ಕೆ. ಸೀತಾರಾಮ ಕುಲಾಲೆ‌ರ್