ಪುಟ:ಎಂ. ಕೆ. ಸೀತಾರಾಮ ಕುಲಾಲೆರ್.pdf/೪೦

ಪುಗರ್ತೆ ಪಡೆಯಿನ ತುಳು ಸಿನೆಮಮೊದ ಪದೊಕುಲು

ಪಗೆತ ಪುಗೆ

ಮೋಕೆದ ಸಿಂಗಾರಿ ಉಂತುದೆ ವೈಯಾರಿ
ಯಾನ್ ಮೂಲೆ ಕಾತೊಂದುಲ್ಲೆ ಮದತೆ ಪೋತನ
ಓ... ಪೊಣ್ಣೆ ಎನ್ನ ಮೋನೆ ತೂದ್ ದಾಯೆ ಕೋಪನಾ

ಜಾಜಿ ಪೂ ತರೇಟ್ ದೀದ್ ಓಡೆ ಪೋಪದೆ
ಆಜಿ ಮೂಜಿ ಅಜ್ಜೆ ದೀಂಡ ದಾನೆ ಸೋಕುದೆ
ನಾಚಿಗೆಡ್ ಮೋನೆ ನಿನ್ನ ಕಂತ ದಾನೆದೆ
ಓಲು ತೂದ್ ಓಲು ಪೋಪ ಸ್ವರ್ಗ ಮೂಲೆದೆ

ನೀಲಿ ಕಣ್ಣ್ ತೂದ್ ನಿನ್ನ ಪೊರ್ಲು ಪನ್ಪೆರೆ
ಆಲ್ ಪೊಣ್ಣು ಏರ್ ಪಂಡ್ದ್ ಎನಡ ಕೇನ್ವರೆ
ಊರು ಪೂರ ಕೇನೊಂದುಂಡು ಕೈನ್ ಪತ್ತೆರೆ
ಭಾಗ್ಯ ವಂತೆ ಒರಿಯೆ ಯಾನ್ ಮದಿಮೆ ಆವೆರೆ.

***

ಪಗೆತ ಪುಗೆನಾ ಎಂಕ್ ವಿಧಿತ ಧಗೆನಾ ಎಂಕ್
ಕಥೆನೆ ಒಂಜಿ ಕೇನ್ಲೆ, ವ್ಯಥೆನೆ ಮೂಲು ಆಂಡೆ
ಸುದೆಟ್ ಯಾನ್ ಬೂರೊಡಾಂಡೆ

ಓಲುಂಡು ಸತ್ಯದ ಆ ತುಡರ್
ಎಣ್ಣೆನೆ ಕಣ್ಣನೀರ್ದ ಒಸರ್
ಬಾನೊಡು ಇತ್ತಂಡನೇ ಪುದರ್
ತತ್ತ್ಂಡ ಬದ್ಕೇ ಕೆಸರ್

ಬೊಲ್ದೆಂಕ್ ಪೂರಾ ಪೇರಾ
ಪನೊಡ್ಚಿಂದ್ ಪಂಡಿನಿ ಏರಾ
ಪಿರವುಡ್ದ್ ಕತೆನೇ ಸಾರಾ
ಕಡೆಮುಟ್ಟ ಒರಿಪುನು ಏರಾ

39 / ಎಂ.ಕೆ. ಸೀತಾರಾಮ ಕುಲಾಲೆ‌