ಅಧ್ಯಕ್ಷೆರೆನ ಪಾತೆರೊ
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಬೊಲ್ಲಿ ಪರ್ಬೊದ ಐಸಿರೊದ ದಿನೊಕುಲು ಕಡತ್ ದುಂಬತ್ತ, ದುಂಬತ್ತ ದಿನ 'ಪೋನಗ, ಈ ಬೊಲ್ಲಿ ಪರ್ಬೊದ ಐಸಿರೊದ ಬಗೆಟ್ 25 ಜನ ತುಳುನಾಡ್ದ ಕರಿದ್ ಪೋಯಿಂಚಿತ್ತಿನ ತುಳುವ ಬೊಲ್ಲಿಲೆನ್ ನೆಂಪು ಮಲ್ಲುನಂಚಿನ ಮದಪೆರಾವಂದಿ ತುಳುವೆರ್ ಮಾಲಿಕೆಡ್ ಒಂಜಾತ್ ಪುಸ್ತಕೊಲು ಬರೊಡು ಪನ್ಪಿನ ನಿಗಂಟ್ ಅಕಾಡೆಮಿದ ಸರ್ವ ಸದಸ್ಯೆರಿತ್ತ್ದ್ ಮಲ್ತೊಂಡ, ಅಯ್ಕಾದ್ ಪತ್ರಿಕಾ ಪ್ರಕಟಣೆ ಕೊರ್ದು, ಬೇತೆ ಬೇತೆ ಸಾಧನದ ಬಗೆಟ್ ಬರವು ಕೊರ್ಲೆಂದ್ ಕೇನ್ಡೊಂಡ . ಅಂಚನೆ ಕೆಲವು ಸಾದಕೆರೆನ ಪುದರ್ನ್ಲಾ ಕೊರಿಯ, ಅಂಚಾದ್ ಬರವುಗಾರೆರ್ ದುಂಬು ಬತ್ತೆರ್. ಈ ಬಗೆಟ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಕರಿನ ಸರ್ತಿದ ಸದಸ್ಯೆ ಅಂಚನೆ ಅದ್ಭುತ ತುಳು ಶಿಕ್ಷಕಿ ಶ್ರೀಮತಿ ಸುಧಾ ನಾಗೇಶ್ ಮೇರ್ ಬಾರಿ ಸಂತೊಸುಡು ಒತ್ತೊಂಡೆರ್, ಏರೆನ ಬಗೆಟ್ ಬರವು ಬರೆಪೆರೆಂದ್ದ್ ಪನ್ನಗ ಯಾನ್ ರಂಗಭೂಮಿದ ರತ್ನ ಸೀತಾರಾಮ ಕುಲಾಲೆರೆನ ಬಗೆಟ್ ಬರೆಪೇಂದ್ ಪಿದಡಿಯರ್, ಎಂಕ್ ಬಾರಿ ಸಂತೊಸು ಆಂಡ್.
ಸೀತಾರಾಮ ಕುಲಾಲೆರ್ ತುಳುನಾಡ್ದ ಮಾಮಲ್ಲ ರತ್ನ, ತುಳುವಪ್ಪೆನ ಮೋಕೆದ ಮಗೆ, ರಂಗಭೂಮಿಗ್ ಆರ್ ಕೊರ್ನ ಕೊರುಗೆ ಬಾರಿ ಮಲ್ಲವು. ತನ್ನ ಬಂಜಿದ ಗುಜ್ಜಾರ್ಮೆಗ್ ಯುನೈಟೆಡ್ ಇನ್ಸುರೆನ್ಸ್ ಕಂಪೆನಿಡ್ ಬೇಲೆ ಮಲ್ಲೊಂದು ಇತ್ತೆರಾಂಡಲಾ ಪ್ರವ್ರತ್ತಿ ಮೆರೆನ ರಂಗಬೂಮಿ, ಆರ್ ನಟೆಯಾದ್, ನಿರ್ಮಾಪಕೆರಾದ್, ನಿರ್ದೇಶಕೆರಾದ್ ಅಂಚನೆ ಕಬಿಯಾದ್ ಸಂಘಟಕರಾದ್, ತುಳುನಾಡ್ದ ಸಾಹಿತ್ಯ ಲೋಕೊಡು ಮಸ್ತ್ ಬೆನ್ನಿ ಬೆಂದಿನಾರ್, ಕಲೆನೇ ತನ್ನ ಉಸುಲಾದ್ ದೀಡೊಂಜಿನಂಚಿನ ಪುಣ್ಯಾತ್ಮೆ, ತುಳು ಬೊಕ್ಕ ಕನ್ನಡೊಡು ಅನ್ವೇತೋ ಸಾಹಿತ್ಯಲೆನ್, ನಾಟಕೊಲೆನ್ ತುಳು ರಂಗಭೂಮಿಗ್ ಕೊರ್ತೆರ್. ಚಲನಚಿತ್ತೊಡು ನಟನೆಲಾ ಮಲ್ತೆರ್, ಚಲನಚಿತ್ತೊಗುಲಾ ಕೊಡುಗೆ ಕೊರ್ಯೆರ್.
ಇತ್ತೆ ವಿಶ್ವೊಡೇ ಜನಕ್ಲೆನ ನಾಲಯಿದ ಕೊಡಿಟ್ ನಲಿಪುನಂಚಿನ ತುಳು
3
