ತುಳುವೆರೆನ ಉಡಲ್ದ್ ನೆನೆಪಾದ್ ಒರಿದ್ ದೇವೆರ್ನ ಪಾದ ಸೇರಿನ ಯಂ.ಕೆ. ಸೀತಾರಾಮ ಕುಲಾಲ್ ಇತ್ತೆ ನೆನೆಪು ಮಾತ್ರ
ಶ್ರೀ ಜಯಶೀಲ ಮರೋಳಿ (ಕಲಾವಿದೆರ್)
ಸೀತಾರಾಮ ಕುಲಾಲೆರ್ ಒರಿ ಧೀಮಂತ ಮನುಷ್ಯೆ.ಮಾತೆರ್ಡಲ ನಿರ್ಮಲ ಮನಸ್ಸಡ್ ಬೆರೆಯೊಂದಿತ್ತೆರ್. ಆಂಡ ಪಾತೆರ ಕಮ್ಮಿ ಬೇಲೆ ಜಾಸ್ತಿ. ಅರೆನ ಕಡಲನಾಡ ಕಲಾವಿದರು ನಾಟಕ ಸಂಸ್ಥೆಡ್ ಪ್ರತಿಷ್ಠಿತ ಉದ್ಯೋಗೊಡೇ ಇತ್ತಿನಕುಲು ಇತ್ತಿನಿ. ಶಾರದಾ ಬಾರ್ಕೂರು, ಜಗದೀಶ ವರ್ಮ ಅರೆನ ನಾಟಕೊಲೆಡ್ ಹಿನ್ನೆಲೆ ಗಾಯಕರಾದಿತ್ತೆರ್. ಶರವು ಮಹಾಗಣಪತಿ ದೇವೆರೆನ ಏಳ್ ದಿನತ ಜಾತ್ರಾ ಉತ್ಸವೊಡು ಸೇವೆದ ರೂಪೊಡು ಆರ್ ಕಾರ್ಯ ನಿರ್ವಹಣೆ ಮಲ್ತೊಂದಿತ್ತೆರ್. ಒಂಜಿ ದಿನ ಅರೆನ ಕನ್ನಡ ನಾಟಕ ಇತ್ತಂಡ್. ಆರ್ ಪೌರಾಣಿಕ, ಚಾರಿತ್ರಿಕ, ಜಾನಪದ ನಾಟಕೊಲೆನ್ ಬರೆದ್ ಗೊಬ್ಬಾವೊಂದಿತ್ತೆರ್. ರಕ್ತೇಶ್ವರಿ, ಮಣ್ಣಿನ ಮಗಳು ಅಬ್ಬಕ್ಕ, ಗುರು ದಕ್ಷಿಣೆ, ಆತ್ಮಲಿಂಗ, ಕಲ್ಲುರ್ಟಿ, ಶ್ರೀ ಕೃಷ್ಣ ದೇವರಾಯ ಅಂಚೆನೇ ಮಸ್ತ್ ನಾಟಕೊಲೆಗ್ ಬರೆತೆರ್.
ಕುಲಾಲೆರ್ ಆರೆನ ನಾಟಕೊಲು ಪೊಣ್ಣನ ಪಾತ್ರೊಗು ಪೊಣ್ಣುಲೆನೇ ಪಾಡೊಂದಿತ್ತೆರ್. ಜಯಶೀಲ, ರೋಹಿಣಿ ಜಗರಾಂ, ಕುಮುದಾ ಬಾರ್ಕೂರು, ಸರೋಜಿನಿ ಶೆಟ್ಟಿ, ವೀಣಾ ಅರೆನ ನಾಟಕದ ಕಲಾವಿದರ್. ಯೋಗೀಶ್ ಆಚಾರ್, ಸುಕುಮಾರ್ ಶೆಟ್ಟಿ, ಕಿಶೋರ್ ಡಿ ಶೆಟ್ಟಿ, ಶೋಭಾ ಶೆಟ್ಟಿ, ವಿಷ್ಣು ಭಟ್ ಅರೆನ ಸಂಸ್ಥೆಡಿತ್ತೆರ್. ಅರೆನ ನಾಟಕೊಲೆದ ಪ್ರಾಕ್ಟಿಸ್ ಶರವು ದೇವಸ್ಥಾನದ ಮಾಳಿಗೆಡ್ ನಡತೊಂದಿತ್ತ್ಂಡ್. ಅರೆನ ನಿರ್ದೇಶನ ಪಂಡ, ಆರ್ ಏತ್ ಬೊಬ್ಬೆ ಪಾಡ್ದ್ ಡೈಲಾಗ್ ಪನ್ಪೆರಾ, ಆತೇ ಗಟ್ಟಿಡ್ ಆತೇ ಗಟ್ಟಿಡ್ ಕಲಾವಿದೆರ್ ಡೈಲಾಗ್ ಪನೊಡು. ಆ ಸ್ವರ ಕೇಂಡ್ ತಿರ್ತ್ ಇತ್ತಿನ ಬಕ್ತೆರ್ ಪೋಡಿದ್ ದಾದಾಂಡಪ್ಪ...? ಪಂಡ್ದ್ ಮಿತ್ತ್ ತೂವೊಂದಿತ್ತೆರ್ಗೆ. ಅವು ಕುಲಾಲೆರೆನ ನಾಟಕ ಪ್ರಾಕ್ಟಿಸ್ ಪಂಡಿ ಕೂಡ್ಲೆ ಬಕ್ತೆರೆಗ್ ಸಮದಾನ.
ಕ್ರಮ ಶಿಸ್ತ್ ಕುಲಾಲೆರೆಡ ಕಲ್ಪೊಡು. ಆರ್ ಮಸ್ತ್ ಸಿನಿಮೊಲೆಗ್ ಪದ ಬರೆತೆರ್. ಯಾನ್ ರಕ್ತೇಶ್ವರಿ, ಮಣ್ಣಿನ ಮಗಳು ಅಬ್ಬಕ್ಕ, ಗುರುದಕ್ಷಿಣೆ, ಆತ್ಮಲಿಂಗ ನಾಟಕೊಲೆಡ್ ನಟನೆ ಮಲ್ತ್ ದೆ. ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರೆರಾದುಪ್ಪುನಗ ಕರ್ನಾಟಕದ ಮುಖ್ಯಮಂತ್ರಿ ಶ್ರೀ ಧರಂಸಿಂಗ್ ಮೆರೆನ ಕೈಟ್ ಎಂಕ್ ತುಳು ಸಾಹಿತ್ಯ ಅಕಾಡೆಮಿ ಪ್ರಶಸ್ತಿನ್ ಕೊರ್ಪಾಯರ್. ಅರೆನ ಅಭಿಮಾನೂನು ಯಾನ್ ವಾ ಜನ್ಮೊಡುಲಾ ಸಂದಾಯೆರೆ ಸಾದ್ಯ ಇಜ್ಜಿ.
ಆರ್ ಆಸ್ಪತ್ರೆಡ್ ಉಲ್ಲೆರ್ ಪನಿ ಸುದ್ದಿ ಕೇಂಡಿದ್ ಎಂಕ್ ಶಾಕ್ ಹಾಕಿ
ಎಂ.ಕೆ. ಸೀತಾರಾಮ ಕುಲಾಲೆರ್ /32
