ಅವ್ವೇ ಜಾಗೆಡ್ ಇನಿ ತುಳುಭವನ ನಿರ್ಮಾಣ ಆತ್ಂಡ್.
ಆರ್ ಪೊಂಜೊವೆಲೆಗ್ ಗೌರವ ಭಾವನೆಡ್ ತೂವೊಂದಿತ್ತೆರ್. ಎನನ್ ಏಪೊಲಾ ಬಂಗೇರ್ರೇ ಬಂಗೇರೆಂದೇ ಲೆತ್ತೊಂದಿತ್ತೆರ್.ಎಂಕುಲು ಊರೂರು ಕಾರ್ಯಕ್ರಮ ಕೊರ್ರೆ ಪೋನಗ 13 ಜನಲ ಪೋವೊಂದಿತ್ತ. ಎಂಕ್ ಕಾರ್ಡ್ ಪಿರವುಡು ಕುಲ್ಲುಂಡ ಆಪುಜಿ. ಆಂಡ ಅಧ್ಯಕ್ಷೆರ್ ಉಪ್ಪುನಗ ಅರೆನ್ ಪಿರ ಕುಲ್ಲಾದ್ ಯಾನ್ ಎದುರು ಕುಲ್ಲುಂಡ ಸರಿ ಆಪುಜತ್ತಾ ಪಂಡ್ದ್ ಮನಸ್ದುಲಯೇ ಎನ್ನನಗ, ಯಾನ್ ಪಿರ ಕುಲ್ಲುವೆ. ಎಂಕ್ ಎದುರು ಕುಲ್ಲುಂಡ ಎನ್ನ ಕಾರ್ ಕ್ಲಚ್ಗೇ ಪೋಯಿಲೆಕಾಪುಂಡು ಪಂಡ್ದ್ ಪಿರ ಕುಲೊಂದಿತ್ತೆರ್. ಎನ್ನ ಭಾಗ್ಯ ಎದುರುದ ಸೀಟ್ಡ್ ಕುಲೊಂದು ಆರಾಮೊಡು ಇಡೀ ರಾತ್ರೆ ಪಾತೆರೊಂದು ಪೋತಿನಲಾ ಉಂಡು.ಆ ಮೂಜಿ ವರ್ಷ ಮೂಜಿ ದಿನತ್ತಲೆಕ ಕರಿದ್ ಪೋಂಡು, ಎಂಕ್ಲ್ನ ತಂಡ ಒಂಜಿ ಕುಟುಮದಲೆಕ ಬಾರೀ ಒಗ್ಗಟ್ಟಿಡ್ ತುಳು ಸಾಹಿತ್ಯದ ಬೇಲೆ ಮಲ್ತ್ ದ..ನಾಲ್ ಪ್ರಶಸ್ತಿ ಪ್ರದಾನ ಸಮಾರಂಭ, ಪ್ರತೀ ತಿಂಗೊಲು ತುಳುಟ್ಟು ಎಡೇನ ಬೇಲೆ ಮಲ್ತಿನ ಸಾಧಕೆರೆಗ್ ಚಾವಡಿ ತಮ್ಮನ, ತುಳು ಕಲ್ಪುನ ಕ್ಲಾಸ್.ತುಳು ಪುಸ್ತಕ ಪ್ರಕಟಣೆ, ಸಂಶೋಧನೆ, ತುಳು ಭಾಷೆದ ಪಠ್ಯರಚನೆ ಇಂಚ ಬೇತೆ ಬೇತೆ ಕಜ್ಜೊಲೆನ್ ಕುಲಾಲ್ರ್ವ್ನ ಅವಧಿಡ್ ಮಲ್ಪದೆರ್.
ಯಾನ್ ಒವ್ವೇ ಲೇಸ್ಗ್ ಪೋಂಡಲಾ ಸಮಯೊಡ್ಡು ಅರ್ಧ ಗಂಟೆ ದುಂಬೇ ಪೋದು ಉಂತುವೆ. ಸಮಯಪಾಲನೆ ತಪ್ಪದೆ ಪಾಲನೆ ಮಲ್ಪುನ ಎನ್ನ ನಿಯಮ. ಎಂಕ್ ಅಪಗ ಕುಲಾಲ್ ಪನೊಂದು ಇತ್ತೆರ್, ಸಮಯಪಾಲನೆ ಮಲ್ಪುನೆಯ್ಟ್ ಬಂಗೇರೆಗೆ ಪ್ರಶಸ್ತಿ ಕೊರೊಡುಂದು. ಎಂಕುಲು ಸದಸ್ಯರಾದ್ ಅರೆನ ಪಿರಾವುಡು ಎಡ್ಡೆ ನಿಯತ್ತಡ್ ಕೆಲಸ ಮಲ್ತೊಂದಿತ್ತ. ಇಡೀ ತಂಡದ ಬಗ್ಗೆ ಅರೆಗ್ ಗೌರವ ಇತ್ತ್ಂಡ್.
ನಾಟಕ ನಿರ್ದೇಶಕರಾದ್, ನಾಟಕ ರಚನೆಕಾರೆರಾದ್, ಎಡ್ಡೆ ಸಾಹಿತಿಯಾದ್, ಕಲಾವಿದೆರಾದ್ ಇನಿಗ್ಲಾ ತುಳುನಾಡೊರ್ಮೆ ಪ್ರಚಾರ ಪಡೆದಿನ ಪದ್ಯೊಲೆನ ರಚನೆಗಾರೆರಾದ್ ಇಡೀ ತುಳುನಾಡೊರ್ಮೆ ಪುದರಾದ್ ಪ್ರಸಿದ್ದಿ ಪಡೆದಿನ ಶ್ರೀಯುತ ಸೀತಾರಾಮ ಕುಲಾಲ್ರೆಗೆ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷ ಪಟ್ಟ ತಿಕಿನವು ಆರೆನ ಮುಡಿಯೇರಿನ ಗೌರವದ ಕಿರೀಟ. ಅರೆಗ್ ಏತೋ ಪ್ರಶಸ್ತಿ, ಸನ್ಮಾನ, ಗೌರವೊಲು ಆರ್ನ ಸಾಧನೆಗೆ ಸಂದಿನವು ಎತೀಷ್ಟ. ಶ್ರೀಯುತ ಸೀತಾರಾಮ್ ಕುಲಾಲ್ ಮೇರ್ ಬದ್ಕ್ ದ ಉದ್ದೊಗುಲಾ ಪತ್ತೆಟಪ್ಪ ಪತ್ತೊಂಜಾವಂದೆ ತನ್ನತನೊಡೇ ದಿಟ್ಟತನೊಡೇ ಬಾಳ್ದ್ ಬದ್ಕಿನಾರ್. ಪುಟ್ಟು ಆಕಸ್ಮಿಕ, ಸಾವು ನಿಶ್ಚಿತ, ಬದ್ಕ್ ಅನಿವಾರ್ಯ. ಈ ಅನಿವಾರ್ಯದ ಬದ್ಕ್ ನ್ ಅಜರಾಮರವಾದ್ ಧ್ರುವನಕ್ಷತ್ರದಂಚ ತುಳುನಾಡೊರ್ಮೆ ಮಿನ್ಕುನ ನಕ್ಷತ್ರದಂಚ
31 / ಎಂ.ಕೆ. ಸೀತಾರಾಮ ಕುಲಾಲೆ
