ಬಾರಿ ಸ್ವಾಬಿಮಾನಿಯಾಯಿನ ಅರೆನ್ ಯಾನ್, ಬಂಗಾರ್ದ ಮನುಷ್ಯಂದೆ ಪನ್ಪೆ. ಅರೆನ್ ಕಳೆಯೊಂದಿನ ದುಕ್ಕ ಎಂಕ್ ಏಪೊಲಾ ಉಂಡು. ಆರ್ ಅಗತ್ದ್ ರಂಗಭೂಮಿಗ್ಲಾ ಮಾಮಲ್ಲ ನಷ್ಟ ಆತ್ಂಡ್.
ಶ್ರೀ ತೇಜೋಮಯ (ಕಡಲನಾಡ ಕಲಾವಿದರು ತಂಡದ ಸದಸ್ಯೆರ್)
1968-69ಟ್ಟ್ ಯೆಲ್ಲೂರು ಉಮೇಶ್ ರಾಯರೆನ ಅಂಗಡಿಡ್ ಎಂಕ್ ಸೀತಾರಾಮ ಕುಲಾಲೆರೆನ ಪೊಲಬು ಆಂಡ್. ಯಾನ್ಲಾ ಪ್ರಸಿದ್ದ ಕ್ರೀಡಾಪಟು ಲೋಕನಾಥ ಬೋಳಾಲ ಸ್ಟೇಡಿಯಂಗ್ ಪೋದು ಪ್ರಾಕ್ಟಿಸ್ ಮಲ್ತ್ ಬನ್ನಗ ಯೆಲ್ಲೂರು ಉಮೇಶ್ ರಾಯರೆನ ಅಂಗಡಿಡ್ ಪೋದು ಬರೊಂದಿತ್ತ. ಆರ್ ಮಾತೆರೆಗ್ಲಾ ಕಲಾ ಗುರು ಆದಿತ್ತೆರ್. ಆನಿ ಆರ್ ಎಂಕ್ಲೆಗ್ ಸೀತಾರಾಮ ಕುಲಾಲೆರೆನ್ ಪರಿಚಯ ಮಲ್ತ್ ಕೊರಿಯೆರ್. ಪೊರ್ಲುದ ಮೈ ಕಟ್ಟದ, ಎತ್ತರೊದ, ಬೊಲ್ಲೆಂತಿನ ಜವಾನೆ. ಸಿನಿಮೊಗು ಪಂತಿನ ಸುಂದರ ರೂಪದಾರ್. ಆನಿರ್ದ್ ಬೊಕ್ಕ ಯಾನ್ ಅರೆನ ದೋಸ್ತಿ ಆಯೆ. ಅರೆನ ಕುಟುಂಬದ ಸದಸ್ಯೆಲೆಕ ಇತ್ತೆ. ಕಡಲನಾಡ ಕಲಾವಿದರು ತಂಡದ ಸದಸ್ಯೆ ಆಯೆ.
ಯಾನ್ ಮೈಸೂರುಡು ಇಂಜಿನಿಯರಿಂಗ್ ಕಾಲೇಜಿಡ್ ಓದೊಂದುಪ್ಪುನಗ ಪ್ರೀಮಿಯರ್ ಸ್ಟುಡಿಯೊಡು ಉಡಲ್ದ ತುಡರ್ ಸಿನಿಮಾ ಶೂಟಿಂಗ್ ಆಂಡ್. ಕುಲಾಲೆರೆಗ್ ಎನನ್ ರಂಗೊಸ್ಥಳೊದ ಮಿತ್ತ್ ಕನವೊಡೂಂದು ಬಾರಿ ಹಠ ಇತ್ತ್ಂಡ್. ಆರ್ ಆ ಸಿನಿಮಾಡಾ ಎಂಕ್ ಒಂಜಿ ವಕೀಲನ ಪಾತ್ರ ಕೊರಿಯೆರ್. ಅಪಗ ಎನ್ನ ಅಮ್ಮೆರ್ ಪುದರ್ ಪೋಯಿನ ಮಲ್ಲ ಕ್ರಿಮಿನಲ್ ವಕೀಲೆರಾದಿತ್ತೆರ್. ಅರೆಗ್ ಪೋಡಿದ್ ಯಾನ್ ಎನ್ನ ಮೋನೆದ ಶೂಟಿಂಗ್ ಮಲ್ಪೆರೆ ಬಲ್ಲಿ ಪಂಡೆ. ಕುಲಾರೆರ್ ಎನ್ನ ಮೋನೆ ಎದುರು ತೋಜಾಂದಿಲೆಕ ಮಲ್ತೆರ್. ಅರೆನ ಹಠನೇ ಗೆಂದ್ಡ್. ಎನನ್ ಆಕ್ಟ್ ಮಲ್ಪಯೆರ್. ಆರ್ ಆಸ್ಪತ್ರೆಡ್ ಉಪ್ಪುನಗಲಾ ಯಾನ್ ಅರೆನ್ ತೂದು ಬರೊಂದಿತ್ತೆ. ಆರ್ ಎಂಕ್ಲೆ ನ ನಡುರ್ದು ಲಕ್ಕದ್ ಪೋಯಿಲೆಕೊ ಪೋಯೆರ್.
ಶ್ರೀ ಮೋಹನ್ ಕೊಪ್ಪಳ (ಕಲಾವಿದೆ)
ಸೀತಾರಾಮ್ ಸರ್ ಗ್ ಸರಿಸಾಟಿ ಆರೇ. ಅರೆನ ಶಿಷ್ಯಯೈದ್ ಯಾನ್ ಒದಗಿನ ಎನ್ನ ಜೀವನದ ಮಾಮಲ್ಲ ಪುಣ್ಯ, ಅರೆನ ನಾಟಕೊಲು ಏಪೊಲಾ ಪ್ರಸ್ತುತ, ಪಾತ್ರೋಲು ಜೀವಂತ, ಸಂಭಾಷಣೆ ಕಡಿಮೆ, ನಿರ್ದೇಶನ ಜೀವನ ಮಹತ್ವ, ನಟನೆ ಗಂಭೀರ, ಅವೆನ್ ಅರಿತ್ತ್ ದ್ ಅಭಿನಯ ಮಲ್ತ್ಂಡ ನೆಮ್ಮದಿ ಬೊಕ್ಕ ಜನಕ್ಲೆನ ಮುಟ್ಟ ಆಪುನ ನಟೆರಾಪರ್ ಕಲಾವಿದೆರ್. ಅರೆನ್ ಕಳೆವೊಂದು
29/ ಎಂ.ಕೆ. ಸೀತಾರಾಮಕುಲಾಲೆರ್
