ಆರ್ ಬರೆತಿನ ಅಭಿಜ್ಞಾನ ಶಾಕುಂತಲ ಪನ್ಪಿನ ಕನ್ನಡ ನಾಟಕೊಡು ಯಾನ್ ರಂಗ ಪ್ರವೇಶ ಮಲ್ತಿನಿ .
ಅಯಿರ್ದ್ ಬೊಕ್ಕ 2001 ಲ. ಕಿಶೋರ್ ಡಿ ಶೆಟ್ರ್ ಲೆತೊಂದು ಪೋದು ಕುಲಾಲೆರೆನ ಕಡಲನಾಡ ಕಲಾವಿದೆರು ತಂಡೊಡು ಸೇರಾಯೆರ್. ಕುಲಾಲೆರೆನ ಒಟ್ಟುಗುದ ಎನ್ನ ಸುರುತ ನಾಟಕೊ ಮಣ್ಣಿನ ಮಗಳು ಅಬ್ಬಕ್ಕ. ಅಯಿಟ್ ಎನ್ನವ ಮಸ್ಕರೇನ್ಹಸ್ ಪಾತ್ರ. ಅಬ್ಬಬ್ಬಾ!! ಆ ದಿನೊಕುಲೆನ್ ನೆಂಪು ಮಲ್ತೊನ್ನಗ ಇತ್ತೆಲಾ ಪೋಡಿಗೆಡ್ ಬೆಗರ್ ಜಪ್ಪುಂಡು. ಕುಲಾಲ್ ಮಾಸ್ಟ್ರ್ನ ನಿರ್ದೇಶನ ಪಂಡ ಅವು ಕರ್ಬೊದ ಕಡ್ಲೆ. ಏತ್ ಮಲ್ತ್ಂಡಲಾ ಅರೆಗ್ ಸಮಾಧಾನ ಆಯೆರೆ ಇಜ್ಜಿ ಆಂಡ ಆನಿ ಬತ್ತಿನ ಬಂಗ, ಕಲ್ತಿನ ನಾಟಕೊದ ಒಂಜೊಂಜಿ ಪತ್ತ್ಲ, ಇನಿ ಈತ್ ಮಲ್ಲ ಕಲಾವಿದೆ ಮಲ್ತ್ಂಡ್ಂಡ್ ಪನ್ಪಿನೆಟ್ಟ್ ರಡ್ಡ್ ಪಾತೆರ ಇಜ್ಜಿ.ಅಯಿಟ್ ಸದಾ ಸಂಭಾಷಣೆದ ಏರಿಳಿತೊಲೆಡ್ ಮಾಸ್ಟ್ರೆಗ್ ಮಾಸ್ಟ್ರೇ ಸಾಟಿ.ಅಂಚಿನ ಒಂಜಿ ವಿದ್ಯೆನ್ ಯಾನ್ ಬೇತೆ ಏರೆಡಲಾ ತೂತಿಜಿ.
ಅಂಚ ಸುರುವಾಯಿನ ಎಂಕ್ಲಿನ ಸಮಂದ ಬಾರಿ ಪೊರ್ಲುಡೇ ದುಂಬರಿಂಡ್. ಪ್ರತೀ ವರ್ಸೊಲಾ ಕಡಲನಾಡ ಕಲಾವಿದರೆನ ನಾಟಕೊಲೆಡ್ ಒಂಜೊಂಜೇ ಪಾತ್ರ ಮಲ್ತೊಂದು ಅಭಿನಯೊಡು ಸುಧಾರಿಯೆ. 2009ನೇ ಇಸವಿಡ್ ಧರ್ಮಸ್ಥಳೊಡು ನಡತಿನ ವಿಶ್ವ ತುಳು ಸಮ್ಮೇಳನದ ಸಾಂಸ್ಕೃತಿಕ ಸಮಿತಿದ ಗುರ್ಕಾರೆ ಆದ್ ಆರ್ ಬೆನ್ತಿನ ಬೆನ್ನಿ ಪೂಜ್ಯ ಖಾವಂದೆರೆಗ್ ಮಸ್ತ್ ಖುಷಿ ಕೊರ್ತ್ಂಡ್. ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರೆ ಆದಿಪ್ಪುನಗ ಅರೆನ ಪೊರ್ಂಬಾಟಿಕೆಡ್ ತಿಕ್ಕಿನ ಜಾಗೆಡ್ ಇನಿ ತುಳುಭವನ ನಿರ್ಮಾಣ ಆತ್ಂಡ್. ಅವ್ವೊಂಜಿ ಸಾಧನೆ ಅರೆನ ಬೊಳಿಯ ಕೀರ್ತಿದ ಕಿರೀಟೊಡು ಮೆರೆಯೊಂದುಪ್ಪುನ ಒಂಜಿ ಮಲ್ಲ ಮುತ್ತುದ ಪರೆಲ್ಂದೇ ಪನೊಲಿ.
ಗಣೇಶ ಮೈಮೆ, ಶ್ರೀ ಕೃಷ್ಣ ದೇವರಾಯ, ದಶರಥೆ ಭರತೆ, ಸತ್ಯ ಹರಿಶ್ಚಂದ್ರ ಈ ನಾಟಕೊಲೆಡ್ ಯಾನೇ ನಿರ್ದೇಶನ ಮಲ್ಪೊಡು ಪಂದ್ ದಿಂಜಿ ಉಡಲ್ಡ್ ಆಶೀರ್ವಾದ ಮಲ್ತ್ದೆರ್ ಎನ್ನ ಮಾಸ್ಟ್ರ್. ತುಳು ರಂಗಭೂಮಿದ ಇತಿಹಾಸೊಡು ಸುರುತ್ತ ಸರ್ತಿ ಸಾಗರೋಲ್ಲಂಘನ ಮಲ್ತಿನ ಪೌರಾಣಿಕ-ಚಾರಿತ್ರಿಕ ನಾಟಕೊ ಇತ್ತ್ಂಡ ಆವು ಕುಲಾಲ್ ಮಾಸ್ಟ್ರೆನ.2010ನೇ ಇಸವಿಡ್ ಕತಾರ್ ದೇಸೊಡು ಎಂಕುಲು ಮಣ್ಣ್ದ ಮಗಲ್ ಅಬ್ಬಕ್ಕ ನಾಟಕೊಲು ಮಲ್ತಿತ್ತ.ಪನಿಯರೆ ಪೋಂಡ ಮುಗಿಯಂದಿನಾತ್ ಕತೆಕುಲು ಎಂಕ್ಲೆನ ನಡುಟುಂಡು.
ಇನಿ ಕುಲಾಲ್ ಮಾಸ್ಟ್ ನಮ್ಮ ನಡುಟು ಇಜ್ಜೆರ್ಂಡಲಾ ಆರ್ ಕಲ್ಪಾದಿನ ಶಿಸ್ತ್, ಅಭಿನಯ, ರಂಗಪ್ರಜ್ಞೆ ಎಂಕ್ಲೆನ ಉಡಲ್ಡ್ ಉಂಡು. ಯಾನ್ ಬರೆತಿನ ಸುರೂತ ನಾಟಕೋಲು ಅಂತ್ಯ ಕೊರಿಯೆರೆ ತಾದಿ ತೋಜಂದೆ ಕಂಗಲಾದುಪ್ಪುನಗ,
25/ ಎಂ.ಕೆ. ಸೀತಾರಾಮ ಕುಲಾಲೆರ್
