ಕೊಡಿಯಾಲ್ ಬೈಲ್ದ ವರ್ಷದ ಉಚ್ಚಯಡ್ ನಾಟಕ ರಚನೆಕಾರೆ ಸಂಜೀವ ಕೆ ಎಸ್ ನ 'ಧರ್ಮೊನು ದಂಟ್ನೂ' ಪನ್ಪಿ ಎನ್ನ ಅಭಿನಯದ ನಾಟಕಡ್ ಸೀತಾರಾಮ ಕುಲಾಲೆರೆನ ನಿರ್ದೇಶನ.ಅವೆರ್ದ್ ಬೊಕ್ಕ ಎನ್ನಲ ಅರೆನಲ ಸಮಂದ ಬುಲೆಂಡ್.ಎನ್ನ ಅಭಿನಯೊನ್ ಮೆಚ್ಚಿನಾರ್ ಆರ್. ಅವೆರ್ದ್ ಬೊಕ್ಕ ಶರವು ಮಹಾ ಗಣಪತಿ ದೇವಸ್ಥಾನಡ್ ರಂಗೇರಿನ ಕಡಲನಾಡ ಕಲಾವಿದರು ತಂಡದ 'ಪೊಸ ಇತಿಹಾಸ' ಕನ್ನಡ ನಾಟಕೊಡು ಅವಕಾಶ ಕೊರಿಯೆರ್. ಅವು ಎನ್ನ ಸೌಬಾಗ್ಯ.
ಆ ಪೊರ್ತುಡು ಎನ್ನ ಗುರು ನ ಉಡಲ್ದ ತುಡರ್ ತುಳು ಸಿನೆಮಾ ಬುಡುಗಡೆ. ಎನ್ನ ಇಲ್ಲದ ನಿರೆಕರೆತ ದಿ. ವಿಠಲೆರೆನ ಇಲ್ಲಡೆ ಬತ್ತದಿತ್ತೆರ್. ಅಪಗನೇ ಅರೆನ ದೇಕಿ, ವರ್ಚಸ್, ಪೊರ್ಲುದ ಮೆಯಿ ಕಟ್ಟೆನ್ ತೂಯಿನ ಯಾನ್, ಆರೆನ ಕ್ರಾಪ್ಡ್ ಕೂಜಲ್ನ್ ಪಾರಾವುನ ರೀತಿ... ಅರೆನ ಸಮವಸ್ತ್ರದ ನೀತಿ, ಬೊಲ್ದು ಅಂಗಿಡ್ ಗುಲಾಬಿ ಪೂತ ಚಿತ್ರೊನು ಏಪೊಲಾ ಬುರ್ದ್ ಕೊರಂದಿನಾರ್.
ಎಂಕ್ ಮಸ್ತ್ ಎನ್ನುನಿ ದಿ. ವಿಷ್ಣುಮೂರ್ತಿ ಇಂಬೆರೆನ ಒಡನಾಟಡ್ ಆರ್ ಮಲ್ತಿನ ನಾಟಕೊ ಟಿಪ್ಪು ಸುಲ್ತಾನ್, ಭೂ ಕೈಲಾಸ ಉಂದೆನ್ ತೂದ್ ಪೌರಾಣಿಕ ನಾಟಕೊದ ಮರ್ಲ್ ಪತ್ತಿನಾಯೆ ಯಾನ್. ಕುಲಾಲೆರೆನ ಒಟ್ಟುಗು ಸೇರೊಂದು ರಂಗಭೂಮಿದ ಕಟ್ಟ ಮಟ್ಟನ್ ಕಲ್ತೊಂಡೆ. ಅರೆನ ಶಿಸ್ತ್, ತ್ಯಾಗ, ನಯಾಪೈಸೆ ಗೌರವಧನ ದೆತೊನಂದಿನ ಮನೋಭಾವ ಆವು ಹಿರಿಜೀವದ ಗೌರವೊ, ಬೊಕ್ಕ ಎಂಕ್ ಕಡಲನಾಡ ಕಲಾವಿದರು ತಂಡದ ಜಬೇದಾರಿ ತಿಕ್ಕ್ಂಡ್.ಅರೆನ 'ಮಣ್ಣ್ ದ ಮಗಲ್ ಅಬ್ಬಕ್ಕ' ನಾಟಕೊನು ಬೆಂಗಳೂರು, ಬೊಂಬಾಯಿ, ಹುಬ್ಬಳ್ಳಿ ಬೊಕ್ಕ ಪರದೇಸೊ ಕತಾರ್ಗ್ ಎನ್ನ ಮುತಾಲಿಕೆಡ್ ಕೊನೆಯಿನ ತ್ರುಪ್ತಿ ಎಂಕುಂಡು.
ಸೀತಾರಾಮ ಕುಲಾಲೆರೆನ ನಾಟಕೊಡು ರಾಜಿ ಇಜ್ಜಿ. ಶಿಸ್ತ್ ತತ್ತ್ಂಡ ಅರೆಗೆ ಕೋಪ ಉರ್ಕರು. ನಾಟಕದ ಕಡೇತ ತಾಲೀಮುಡು ಎಲ್ಯ ಪಾತ್ರದ ಕಲಾವಿದೆ ಬತ್ತಿಜಿಂಡಲಾ ಬೂಕು ಮುಚಿದ್ ಸರಸರ ನಡತ್ತೊಂದು ಪೋಪಿನ ನಾಟಕಕಾರೆ ಆರ್.
ಅವ್ವೇತೋ ನಾಟಕೊಲೆಗ್ ಸಿನಿಮೊಲೆಗೆ ಕತೆ ಬರೆತಿನ ಆರ್ ಅಪ್ಪೆನ್ ಮೋಕೆ ಮಲ್ಪುನ ಸಿರಿತುಪ್ಪೆ, ಅಪ್ಪೆ ಪಂಡಿನ ಪಾತೆರೊನು ದಂಟಂದಿ ಅರೆಡ ಕಲ್ಲೊಡು ಅಪ್ಪೆ ಮರ್ಯಾದಿ. ಒವುಲಾ ದುಶ್ಚಟದಾಂತಿನ, ಮಾತೆರೆಗ್ಲಾ ಗೌರವೊ ಕೊರ್ಪಿನ ಕುಲಾಲೆರೆನ ಜೀವ ಪೋಪಿನ ಪೊರ್ತುಡು ಅರೆನ ಅಂತ್ಯ ಸಂಸ್ಕಾರಡ್ ಯಾನ್ಲಾ ಒರಿ ಬಂಧುವಾದ್ ಬೆಸೆಪುನ ಬಾಗ್ಯ ತಿಕ್ಕಿನವು ಎನ್ನ
23 / ಎಂ.ಕೆ. ಸೀತಾರಾಮ ಕುಲಾಲೆರ್
