ಆಸ್ತಿನೇ ಕಳೆವೊಂಡ. ಯಾನ್ ಕುಲಾಲೆರೆನ 'ವೀರ ಅಭಿಮನ್ಯು' ನಾಟಕೊಡು ಯಧಿಷ್ಠಿರನ ಪಾತ್ರ ಮಲ್ತಿನೆನ್ ಏಪೊಲಾ ಮರೆಪಯೆ.
ಡಾ.ಸಂಜೀವ ದಂಡಕೇರಿ
ನಾಟಕ ಕಲಾವಿದರಾದ್, ನಿರ್ದೇಶಕೆರಾದ್, ರಂಗಭೂಮಿದ ಸಂಘಟಕೆರಾದ್, ಸಿನಿಮಾ ನಿರ್ಮಾಪಕೆಯಾದ್, ನಟೆರಾದ್, ರಂಗಗೀತೆ ಬೊಕ್ಕ ಸಿನಿಮಾ ಗೀತೆದ ಸಾಹಿತಿಯಾದ್ ಕಲಾವಿದೆರಾದ್ ಕಷ್ಟ ಸುಖತ ಕುಟುಂಬದ ಸದಸ್ಯೆರಾದ್ ಬೋಡಾಯಿನಾತ್ ಸಾಧನೆ ಮಲ್ತಿನ ಎಂ.ಕೆ. ಸೀತಾರಾಮ ಕುಲಾಲೆರೆನ ಪರಿಚಯ ಎಂಕ್ ಆಯಿನಿ 1965ಟ್ಟ್, ನೆಕ್ಕ್ ಒಂಜಿ ಕಾರಣೋಲ ಇತ್ತ್ಂಡ್. ಆ ಕಾಲೊಡು ಎನ್ನ 'ಬಯ್ಯ ಮಲ್ಲಿಗೆ ನಾಟಕ ಬರೆದ್ ರಂಗಭೂಮಿಡ್ ಪ್ರದರ್ಶನೊ ಮಲ್ಪರೆ ತಯಾರಾದಿತ್ತ್ಂಡ್. ಅಯ್ತ ಗೀತಾ ರಚನೆಗೆ ಬೋಡಾದ್ ಯಾನ್ ಅರೆನ ಮೈದಾನ ರೋಡ್ಡ LIC ಆಫೀಸ್ ಪೋದು ಎನ್ನ ಪರಿಚಯ ಮಲ್ತೊಂಡೆ.ಬಯ್ಯ ಮಲ್ಲಿಗೆ ನಾಟಕದ ಕತೆನ್ ಸಂಪೂರ್ಣ ಕೇನ್ದ್ ಐಕ್ ಪದ ಬರೆಯೆರೆ ಸಂತೋಸೊ ಡು ಒಪ್ಪಿಯೆರ್.
ಆನಿರ್ದ್ ಬೊಕ್ಕ 55 ವರ್ಸೊ ಕಾಲ ಎನ್ನ ಮಾತ ನಾಟಕೊಲೆಗ್ಲ ಬೊಕ್ಕ ಸಿನಿಮೊಗುಲಾ ಎಡ್ಡೆಡ್ಡೆ ಪದ ಬರೆದ ಕೊರಿಯೆರ್. ಮೇರ್ ಮಸ್ತ್ ಕಲಾವಿದರೆಗ್ ಪದೊ ಬರೆದ್ ಕೊರ್ತಿನಾರ್. ಪದ ಬರೆಯಿನೆಕ್ಕ್ ದುಡ್ಡಾವಡ್, ಬೇತೆ ತರತ ಸಾಯ ಆವಡ್ ಪಡೆತ್ತಿನಾರತ್ತ್. ಅರೆನ ಕೈಟ್ ಖರ್ಚಿ ಮಲ್ದ್ ಕಲಾವಿದರೆಗ್ ಪ್ರೋತ್ಸಾಹ ಕೊರ್ತಿನಾರ್.ಮೇರ್ ಬಯ್ಯ ಮಲ್ಲಿಗೆ ಸಿನಿಮೊಗು ಬರೆಯಿನ ಬ್ರಹ್ಮನ ಬರವು ಮಾಜಂದೆ ಪೋಂಡ, ಅಪ್ಪೆ ಮನಸ್ ಬಂಗಾರ, ಡಿಂಗಿರಿ ಮಾಮ ಡಿಂಗಿರಿ ಮಾಮ, ಬೊಳ್ಳಿ ತೋಟೊಗು ಬರೆತಿನ ದಾನೆ ಪೊಣ್ಣೆ, ಪರಶುರಾಮನ ಕುಡರಿಗ್ ಪುಟ್ಟಿನ ತುಳುನಾಡ್ ಪದ್ಯೋಲು ಇತ್ತೆಲಾ ಜನಮೆಚ್ಚಿಗೆ ಪಡೆತ್ಂಡ್.ಇಂಚಿನ ಪದೊಕುಲೆರ್ದ್ ಆ ಕಾಲೊದ ಸಿನಿಮೊಲೆನ ಪುದರ್ ಜೀವಂತವಾದ್ ಒರಿದಂಡ್. ನೆಕ್ಕ್ ಮೂಲ ಕಾರಣೋ ಸತ್ವಭರಿತ ಪದ್ಯೋಲು, ಸಾಹಿತ್ಯದ ತಿರುಳು, ಅಂಚನೇ ರಾಗ ಮಧುರತೆದ ಪೊರ್ಲು. ಉಂದೆನ್ ದುಂಬು ದೀವೊಂದು ಎಡ್ಡೆಡ್ಡೆ ಸಾಹಿತ್ಯಲೆನ್ ಸೇರಾದ್ ಪದ ಬರೆಪಿನೆಟ್ಟ್ ಸೀತಾರಾಮ ಕುಲಾಲ್ ಒರಿ ಪುಗರ್ತೆದ ಸಾಹಿತಿ.
ಅರೆನ ಒಂಜಿ ನಾಟಕೊನು ಉಡಲ್ದ ತುಡರ್ ಪನಿ ಸಿನಿಮಾ ಮಲ್ತ್ದ್ ಜನಮೆಚ್ಚುಗೆ ಪಡೆಯಿನಾರ್. ಮೇರ್ ಅನೇಕ ಪೌರಾಣಿಕ ಬೊಕ್ಕ ಚಾರಿತ್ರಿಕ ನಾಟಕೊಲೆನ್ ಬರೆದ್ ರಂಗಭೂಮಿಗ್ ಅರ್ಪಣೆ ಮಲ್ತದೆರ್.ತುಳು ಸಾಹಿತ್ಯಅಕಾಡೆಮಿದ ಗುರ್ಕಾರೆರಾದ್ ಆರ್ ಏತೋ ಎಡ್ಡೆ ಕೆಲಸ ಮಲ್ತದೆರ್. ತುಳು ಅಕಾಡೆಮಿದ ಗುರ್ಕಾರೆರಾದ್ ಆರ್ ಏತೋ
21/ ಎಂ.ಕೆ. ಸೀತಾರಾಮ ಕುಲಾಲೆರ್
