ಮಸ್ತ್ ಪೊರ್ತು ಅಲ್ಪ ಕುಲ್ಲುದು ಪಾತೆರೊಂದಿತ್ತ. ಮೊಬೈಲ್ ದಾಂತಿನ ಆ ಕಾಲೊಡು ದಾದ ಪಾತೆರೊಡಾಂಡಲ ಪೋದು ಪಾತೆರೊಡಿತ್ತ್ಂಡ್. ಯಾನ್ ಬೊಕ್ಕ ರಾಮ ಕಿರೋಡಿಯನೆರೆನ ತಂಡೊಗು ಬತ್ತೆ.
ಸೀತಾರಾಮ ಕುಲಾಲೆರ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರೆರಾದುಪ್ಪುನಗ ಯಾನ್ ನಾಟಕೊ ರಂಗೊಡು ನನಾತ್ ಬೇಲೆ ಮಲ್ಪೆರೆ ಅವಕಾಶ ಮಲ್ತ್ ಕೊರಿಯೆರ್.ಎಂಡ ತುಳು ಸಿನೆಮೊಲೆದ ಪದೊಕುಲೆನ್ ಸಿ.ಡಿ. ಮೂಲಕ ಕನಯೆರೆ ಪಂಡೆರ್.ಸುವರ್ಣ ಚಲನಚಿತ್ರೊಲೆನ ದಾಖಲೆ ಸಂಗ್ರಹೊ ಮಲ್ಪೆರೆ ಸೀತಾರಾಮ ಕುಲಾಲೆರೇ ಕಾರಣೋ. ಅರೆರ್ದಾವರ ಎಂಕ್ ಸಿನಿಮಾ `ರಂಗೊದ ವ್ಯಕ್ತಿಲೆನ ಮಸ್ತ್ ಮಾಹಿತಿ ತಿಕ್ಕಂಡ್. ನಾಟಕೊಲೆಡ್ ಆರ್ ಡೈಲಾಗ್ ಡೆಲಿವರಿಗ್, ಸಂಭಾಷಣೆದ ಏರಿಳಿತೊಲೆಗ್ ಮಸ್ತ್ ಗುಮನ ಕೊರೊಂದಿತ್ತೆರ್. ಮಲ್ಪುನ ಪಾತ್ರೊಲು ಪ್ರೇಕ್ಷಕೆರೆನ ಉಡಲ್ಗ್ ಮುಟ್ಟೋಡೂಂದು ಅಭ್ಯಾಸ ಮಲ್ಪವೊಂದಿತ್ತೆರ್. ಅರೆನ ಶಿಸ್ತ್ ಕಲ್ತಿನೆಟ್ಟ್ ಎಂಕ್ ಇನಿ ರಂಗಭೂಮಿಡ್ ಕಲಾಸೇವೆ ಮಲ್ಪೆರೆ ಸುಲಭ ಆತ್ಂಡ್. ಸ್ವರ ಭಾರೊಗು ಗುಮನ ಕೊರೊಂದಿತ್ತಿನ ಅರೆನ ಮಿತ್ತ್ ಎಂಕ್ ಮಸ್ತ್ ಮೆಚ್ಚಿಗೆ ಉಂಡು.
ಶ್ರೀ ರಾಘವೇಂದ್ರ ಶಾಸ್ತ್ರಿ (ಮೊಕ್ತೇಸ್ಥೆರ್, ಶರವು ಮಹಾ ಗಣಪತಿ ದೇವಸ್ಥಾನ)
ಶ್ರೀ ಸೀತಾರಾಮ್ ಕುಲಾಲೆರ್ ಎಂಕ್ಲೆನ ಇಲ್ಲದ ಒತ್ತುದ ಇಲ್ಲಡ್ ಮಲ್ಲ ಆಯಿನಾರ್. ಯಾನ್ ಅರೆನ್ ಎಲ್ಯೊರ್ದೇ ತೂತಿನಿಯೆ. ಎನ್ನ ಅಮ್ಮೆರ್ ರಾಮಕೃಷ್ಣ ಶಾಸ್ತ್ರಿಲೆಗ್ ಕುಲಾಲೆರ್ ಪಂಡ ಬಾರಿ ಮೋಕೆ.ಆರ್ ಎಂಕ್ಲೆನ ಕುಟುಮದ ಸದಸ್ಯೆಲೆಕೊನೇ ಇತ್ತಿನಾರ್. ಎನ್ನ ಅಮ್ಮೆರೆನ 'ಬಲಗೈ ಬಂಟೆ' ಪಂಡ ತಪ್ಪಾವಂದ್. ಅಮ್ಮೆರ್ ಪಂಡಿನೆನ್ ಆ ಚಾಚೂ ತಪ್ಪಾವಂದೆ ಮಲ್ತೊಂದಿತ್ತೆರ್. ಸಾಂಸ್ಕೃತಿಕ ಕಾರ್ಯಕ್ರಮೊಲೆಡ್ ಕುಲಾಲೆರೆನ ದೆರ್ತಿನ ಕೈ ಕುಲಾಲೆರೆನ ನಾಟಕೊ ಪಂಡ ಅಮ್ಮೆರೆಗ್ ಬಾರಿ ಪ್ರೀತಿ. ಕುಲಾಲೆರೆಗ್ ಅನಾರೋಗ್ಯ ಇತ್ತಂಡಲಾ ಎಂಕ್ಲೆನ ಒರ್ಂಬ ದಿನೊತ ಕಾಲಾವಧಿ ಮಹೋತ್ಸವೊಗು ಆರ್ ಬರಂದೆ ಕುಲ್ದಿನಾರತ್ತ್. ಅರೆನ ಕಡಲನಾಡ ಕಲಾವಿದರು ತಂಡದ ಒಂಜತ್ತ್ ಒಂಜಿ ನಾಟಕೊ ಸಾಂಸ್ಕೃತಿಕ ಲೇಸ್ಡ್ ಉಪ್ಪುಂಡು. ಇತ್ತೆ ಆರ್ ಇಜ್ಜಿಂಡಲಾ ಅರೆನ ಕಡಲನಾಡ ಕಲಾವಿದರು ಸಂಸ್ಥೆದ ಕಲಾವಿದೆರ್ ಆರೆನ ಪರಮ ಶಿಷ್ಠೆಯಾಯಿನ ಲ. ಕಿಶೋರ್ ಶೆಟ್ರೆನ ನಾಯಕದ್ದೊಡು ಇತ್ತೆಲಾ, ಕಾಲಾವದಿ ಮಹೋತ್ಸವೊಗು ಮುಲ್ಪ ಅರೆನ ಸ್ಮರಣಾರ್ಥ ನಾಟಕೊ ಮಲ್ಪುವೆರ್. ಕಲಾವಿದೆರೆಗ್ ದಿ. ಸೀತಾರಾಮ್ ಕುಲಾಲ್ ಪ್ರಶಸ್ತಿನ್ಲಾ ಕೊರ್ಪೆರ್. ಇತ್ತೆ ಎಂಕುಲು ಒಂಜಿ ಮಲ್ಲ
ಎಂ.ಕೆ. ಸೀತಾರಾಮ್ ಕುಲಾಲೆರ್ / 20
