ಕೊರಿಯೆರ್. ಎಸ್.ಎಸ್. ಐತಾಳ್ ಪನ್ಪಿನ ಅದ್ಯಾಪಕೆರ್ ಕುಲಾಲೆರೆಡ ಪದ ಬರೆಯೆರೆ ಪಂಡೆರ್. ಆರ್ ಶ್ರೀ ರಾಮ ಕಿರೋಡಿಯನೆರ ನಾಟಕೊಗೊಂಜಿ ಪದ ಬರೆಯೆರ್. ಅವೆನ್ ಕೇಂಡಿನ ಐತಾಳೆರ್, ನನ ಯಾನ್ ಪದ ಬರೆಪುಜಿ, ರಾಮ ಕಿರೋಡಿಯನೆರ ನಾಟಕೊಲೆಗ್ ಸೀತಾರಾಮ್ ಕುಲಾಲರೇ ಪದ ಬರೆಯೊಡೂಂದು ಪಂಡೆರ್ಗೆ. ಆನಿರ್ದ್ ಬೊಕ್ಕ ಸೀತಾರಾಮ ಕುಲಾಲೆರ್ ಶ್ರೀ ರಾಮ ಕಿರೋಡಿಯನೆರ ನಾಟಕೊಲೆಗ್ ಪದ ಬರೆಯೊಂದಿತ್ತೆರ್. ಕುಲಾಲೆರೆನ 'ಮಣ್ಣಿನ ಮಗಳು ಅಬ್ಬಕ್ಕ' ನಾಟಕೊ ಬಾರಿ ಎಡ್ಡೆ ಪುದರ್ ಕಂತ್ಂಡ್. 1962ಟ್ಟ್ ಆನಿದ ಜಿಲ್ಲಾಧಿಕಾರಿಯಾದಿತ್ತಿನ ಎಚ್ ನಾಗೇಗೌಡರ್ ಪ್ರಕಟ ಮಲ್ತಿನ ಸುರುತ ಇನಾಮು ಸೀತಾರಾಮ ಕುಲಾಲೆರೆನ 'ಮಣ್ಣಿನ ಮಗಳು ಅಬ್ಬಕ್ಕ'ಗೆ ತಿಕ್ಕ್ಂಡ್. 'ದಾರೆದ ಬುಡೆದಿ' ಸಿನಿಮೊಡು ಕೆ.ಎನ್. ಟೈಲರ್ ಸೀತಾರಾಮ ಕುಲಾಲೆರೆಗ್ ಒಂಜಿ ಪಾತ್ರ ಕೊರಿಯೆರ್. ಕುಲಾಲೆರೆನ ಆಜಿ ಪೂಟು ಎತ್ತರೊದ ಪೊರ್ಲುದ ಸರ್ವ. ಒರ ಪಿರ ತಿರ್ಗ್ದ್ ತೂಪಿನವು, ನಾಟಕೊಗು, ಸಿನೇಮಾಗ್ ಪಂಡಿನವು. ಅಯ್ಟ್, ಅರೆಗ್ ತಿಕ್ಕಿನಿ, ಓಡುದ ಕಾರ್ಖಾನೆದ ದನಿನ ಪಾತ್ರ. ಸಿನೇಮಾ ತೂಯಿನ ಮಾತೆರ್ಲ ಅಭಿನಯ ಮೆಚ್ಚಿದ್ ಅರೆನ್ ಪುಗಾರ್ಯೆರ್. ದುಂಬಗ್ ಕುಲಾಲೆರ್ 'ರುದ್ರ ವೀಣೆ' ನಾಟಕೊಗ್ ಆಜಿ ಪದಕುಲೆನ್ ರಾಗೊಗು ತಕ್ಕ ಬರೆಯೆರ್. ರಾಧಾಕೃಷ್ಣೆರ್ ಉಮೇದ್ ಕೊರಿಯೆರ್. ಪೂರಾ ಪದಕೊಲುಲ ರೈಸ್ಂಡ್. ರಾವ್-ಕುಲಾಲ್ ಜೋಡಿ ಜನಪ್ರಿಯ ಆಂಡ್. ದುಂಬಗ್ ಕಲಾವಿದೆರಾಯಿನ ಶ್ರೀ ಆನಂದ ಶೇಖರೆರ್ ಒಂಜಿ ಸಿನಿಮಾ ಮಲ್ಪೆರೆ ಪಿದಡಿಯೆರ್.ಆರ್ ಸೀತಾರಾಮ ಕುಲಾಲೆರೆಡ ಸಂಭಾಷಣೆ ಬೊಕ್ಕ ಪದೊಕುಲೆನ್ ಬರೆಯರ ಪಂಡೆರ್. ಸಾಹುಕಾರೆ ಸಾಲೆತ್ತೂರುದ ಕಾಡ್ಮಠತ ಮಹಾಬಲ ಶೆಟ್ರ್ ಪಣವುದ ಸಕಾಯ ಕೊರಿಯೆರ್. ಕೆ ಎನ್ ಟೈಲರ್, ಯೋಗೀಶ್ ಆಚಾರ್, ಮಹಾಬಲ ಶೆಟ್ಟ್ರ್, ಕುಲಾಲೆರ್ ಮಾತೆರ್ಲಾ ಒಟ್ಟುಗು ಮದ್ರಾಸ್ಗ್ ಪೋದು ಸಂಗೀತ ನಿರ್ದೇಶಕೆರಾಯಿನ ರಾಜನ್ ನಾಗೇಂದ್ರರೆನ್ ಭೇಟಿ ಆಯೆರ್. ಆರ್ ಒಂಜಿ ರಾಗೊ ಕೊರಿಯೆರ್. ಸೀತಾರಾಮ ಕುಲಾಲೆರ್ ಆ ರಾಗೊಗು ತಕ್ಕಂದಿನ ಪದೊ ಬರೆಯೆರ್. 1972ಟ್ಟ್ 'ಪಗೆತ ಪುಗೆ' ಪನ್ಪಿನ ತುಳು ಸಿನೆಮಾ ರಂಗಭೂಮಿಡ್ ಮೆರೆಂಡ್. ಸೀತಾರಾಮ ಕುಲಾಲೆರ್ ಬರೆಯಿನ 'ಮೋಕೆದ ಸಿಂಗಾರಿ... ಉಂತುದೆ ವೈಯಾರಿ...' ಪದೊನು ಪೊರ್ಲಕಂಟ್ ಸೊರೊತ ಎಸ್ ಪಿ ಬಾಲಸುಬ್ರಹ್ಮಣ್ಯ ಪಂಡೆರ್. ಈ ಪದೊಕು ಜನಮಾನಿಲು ಮಸ್ತ್ ಪ್ರೋತ್ಸಾಹ ಕೊರಿಯೆರ್.ಉಂದು ಎಸ್ ಪಿ ಬಾಲಸುಬ್ರಹ್ಮಣ್ಣಂ ಮೆರೆನ ಸುರೂತ ಪದ ಆದ್ ಚಿತ್ರ ರಂಗೊಡು ದಾಖಲೆ ಆಂಡ್. 'ಪಕ್ಕಿಲು ಮೂಜಿ ಒಂಜೇ ಗೂಡುಡ್ ಬದುಕೊಂಡುಂಡುಗೆ' ಪನ್ಪಿನ ಪದೊಲಾ ರೈಸ್ಂಡ್, ಆನಿರ್ದ್ ಬೊಕ್ಕ
15 / ಎಂ.ಕೆ. ಸೀತಾರಾಮ ಕುಲಾಲೆ
