ನಾಟಕೊಗು ಜೋಕುಲೆದ್ದ್ ಪಣವು ದೆತೊಂದಿನಾರತ್ತ್.
ಸೀತಾರಾಮ ಕುಲಾಲೆರ್ ಹೈಸ್ಕೂಲು ಮುಟ್ಟ ಕಲ್ತೆರ್. ಬೊಕ್ಕ ಯುನೈಟೆಡ್ ಇಂಡಿಯಾ ಜನರಲ್ ಇನ್ಸುರೆನ್ಸ್ ಕಂಪೆನಿದ ಸುರತ್ಕಲ್ ಶಾಖೆಡ್ ಹಿರಿಯ ಪ್ರಬಂಧಕೆರಾದ್ ಬೇಲೆ ಮಲ್ತೆರ್.ಬೊಕ್ಕ ಅರೆಗ್ ತನಿಖಾಧಿಕಾರಿಯಾದ್ ಮಲ್ಲ ಮಣೆ ತಿಕ್ಕಂಡ್. ಆಂಡಲಾ ಬೇಲೆರ್ದ್ ಬತ್ತಿನೆರ್ದ್ ಬೊಕ್ಕ ಮಾತಾ ಕಲಾವಿದೆರೆರೆನೊಟ್ಟಿಗೆ ಸೇರೊಂದು ಗಣಪತಿ ದೇವಲ್ಯೊದ ಕಟ್ಟೆಡ್ ಕುಲ್ಲುದು ನಾಟಕೊಲೆದ ಬಗೆಟ್ ಪಾತೆರೊಂದಿತ್ತೆರ್. ಯೆಲ್ಲೂರು ಉಮೇಶ್ ರಾಯೆರೆನ ಅಂಗಡಿಡಾ, ಡಾ. ಸಂಜೀವ ದಂಡಕೇರಿ ಮೆರೆನ ಮರ್ದ್ ಶೋಪ್ ಡಾ ಕುಲ್ಲುದು ಚಿಂತನೆ ಮಲ್ತೊಂದಿತ್ತೆರ್. ಬೊಕ್ಕ 'ಕಡಲನಾಡ ಕಲಾವಿದರು' ಪನ್ಪಿನ ಸಂಸ್ಥೆನ್ ಕಟ್ಯೇರ್.
ಜವನಾದಿಗೆದ ಪೊರ್ತುಡು ನಾಟಕೊ ರಂಗೊಗು ತನ್ಕುಲೆನ್ ಅರ್ಪಿಸಾದಿತ್ತಿನ ಕುಲಾಲೆರೆಗ್ ಮದಿಮೆದ ನೆಂಪೇ ಇಜ್ಜಾಂಡ್. ಮೇ 3, 1985ನೇ ಇಸವಿಡ್ ಎಎಸ್ಐ ಆದಿತ್ತಿನ ಮಹಾಬಲ ಹಾಂಡ ಮೇರ್ ಬಿ ಸಿ ರೋಡ್ ಶ್ರೀ ಶಿವಪ್ಪ ಬೊಕ್ಕ ಸಿರಿಮತಿ ಸೇಸಮ್ಮ ಪನ್ಪಿನ ದಂಪತಿಲೆನ ಮಗಲಾಯಿನ ಶುಭ ಪನ್ಪಿನ ಪೊಣ್ಣು ಮಗಲೆನ್ ಮದಿಮೆ ಆಯೆರೆ ಒಪ್ಪ್ಸಾಯೆರ್. ಶುಭಾ ಬಿ ಸಿ ರೋಡ್ಡ ಮೊಡಂಕಾಪು ಕಾನ್ವೆಂಟ್ಡ್ ವಿದ್ಯಾಭ್ಯಾಸ ಮಲ್ತೆರ್.ಆರ್ ಪಿಯುಸಿ ಮುಟ್ಟ ಕಲ್ತೆರ್. ಸೀತಾರಾಮ ಕುಲಾಲೆರ್ ಮದಿಮೆ ಸಂಸಾರ ಬೊಡ್ಚಿಂದ್ ಕುಲ್ದಿನಾರ್ ಶುಭನ್ ತೂಯಿನ ಕೂಡ್ಲೆ ಮದಿಮೆಗ್ ಒಪ್ಪಿಯೆರ್. ಕುಡ್ಲದ ಕಾಳಿಕಾಂಬ ದೇವದ ಕಟ್ಟೆ ಲಿಂಗಪ್ಪ ಆಚಾರ್ಯ ಕಲ್ಯಾಣ ಮಂಟಪೊಡು ಸೀತಾರಾಮ ಕುಲಾಲೆರ್ ಪೊಸ ಜೀವನೊಗು ಪಜ್ಜೆ ದೀಯೆರ್, ಶುಭಕ್ಕ ಅರೆನ ಮೋಕೆದ ಸಿಂಗಾರಿಯಾಯೆರ್. ಕಂಡನಿಗೆ ತಕ್ಕಂದಿನ ಬೊಡೆದಿಯಾಯಿನ ಆರ್, ಬಾರೀ ಸಮಾದಾನೊದ ಪೊಂಜೊವು, ಆರ್ ಕುಲಾಲೆರೆನ ಮನಸ್ಸನ್ ಗೆಂದಿಯೆರ್.
ಕುಲಾಲೆರೆಗ್ ಒವ್ವೇ ದುರಬ್ಯಸೊಲಾ ಇಜ್ಜಾಂಡ್. ಬೀಡಿ, ಸಿಗ್ರೇಟ್ ಒಯ್ತೊಂದಿಜ್ಜಾಂಡ್. ಕೋರಿ, ಮಾಸ ತಿನ್ಪುನಾರತ್ತ್. ಅಂಚಾಂದ್ ಸಸ್ಯಾಹಾರಿಲಾ ಅತ್ತ್. ಮೀನ್ದ್ರ ಕಜಿಪು ಪಂಡ ಅರೆಗ್ ಬಾರಿ ಇಷ್ಟ. ಅಂಡ ಬೊಡೆದಿಗ್ ಆರ್ ಕೋರಿ ತಿನೊರ್ಚಿಂದ್ ಪಂತಿಜೆರ್. ಅಂಗಡಿಗ್ ಪೋದು ಕೋರಿಯಾ, ಮಾಸನಾ ಕಂತ್ ಕೊರೊಂದಿತ್ತೆರ್, ಶುಭಕ್ಕ ಕೋರಿದ ಸುಕ್ಕೊಡು ವನಸ್ ಮಲ್ಪುನಗ ಕೊಸಿ ಪಡೊಂದಿತ್ತೆರ್ಗೆ. ಒಂಜಿ ಯಶಸ್ವಿ ಆಂಜೊವುನ ಪಿರವು ಒರ್ತಿ ಪೊಂಜೊವು ಉಪ್ಪುವಲ್ಗೆ, ಅಂಚೆನೇ ಸೀತಾರಾಮ ಕುಲಾಲೆರೆನ ಪ್ರತಿಯೊಂಜಿ ಯಶಸ್ಸ್ ದ ಪಿರವು ಶುಭ ಉಲ್ಲೆರ್. ಲ. ಕಿಶೋರ್ ಡಿ ಶೆಟ್ರೆನ ನಾಟಕ ಕುವೈಟ್ಡ್ ಪ್ರದರ್ಶನ ಆನಗ, ಅಕುಲು ಇರ್ವೆರ್ಲ ಒಟ್ಟಿಗೆ ಕುವೈಟ್ಗ್ 13 / ಎಂ.ಕೆ. ಸೀತಾರಾಮ್ ಕುಲಾಲೆ
