ರಂಗತಾಲೀಮು ಮಲ್ತೊಂದಿತ್ತೆರ್. ನಮ್ಮ ತುಳುನಾಡ ಅವ್ವೆತೋ ಸಂಗತಿಲೆನ್ ನಾಟಕೊಲೆದ ಮುಕಾಂತರ ಜನೊಕ್ಲಗ್ ಮುಟ್ಟಾಯಿನಾರ್ ಕುಲಾಲೆರ್. ಆರ್ ನಿರ್ದೇಶಕರಾದ್, ನಿರ್ಮಾಪಕರಾದ್, ನಾಯಕ ನಟೆಯಾದ್, ಕಬಿಯಾದ್ ತುಳುವಪ್ಪೆನ ಚಾಕಿರಿ ಮಲ್ಲೆರ್.
ಪುಟ್ಟು ಬಲಕೆ, ಅಪ್ಪೆ ಅಮ್ಮೆರೆನ ಪ್ರಭಾವೊ
ದ.ಕ. ಜಿಲ್ಲೆದ ಬಂಟ್ವಾಳ ತಾಲೂಕುದ ಕೊಲ್ನಾಡ್ ಗ್ರಾಮೊದ ಪೆರ್ಮೆದ ಕೊಡಿಯಾಯಿನ ಸೀತಾರಾಮ್ ಕುಲಾಲೆರ್ ಬ್ರಿಟಿಷರೆನ ಬಿರ್ದೊಲಿದ ಕಾಲೊಡು, 1940ನೇ ಇಸವಿದ ಅಕ್ಟೋಬರ್ 17ನೇ ತಾರೀಕ್ದಾನಿ ಈ ತುಳು ಬೂಮಿಡ್ ಪುಟ್ಟಿಯೆರ್. ಅರೆನ ಅಮ್ಮೆರ್ ಎಂ. ಕಾಂತಪ್ಪ ಮಾಸ್ತರ್, ಬೊಕ್ಕ ಅಪ್ಪೆ ಬಿ. ದೇವಕಿ. ಸೀತಾರಾಮ ಕುಲಾಲೆರ್ ಅಪ್ಪೆಮ್ಮಗ್ ಒರಿಯೇ ಮಗೆ ಆಯಿನೆರ್ದಾವರ ಮಾತಾ ಪ್ರೀತಿನ್ ದಾರ ಮೈತ್ದ್ ಅರೆನ್ ಸಾಂಕಿಯರ್, ಅರೆನ ಇಡೀ ಪುದರ್ ಎಂ.ಕೆ. ಸೀತಾರಾಮ್ ಕುಲಾಲ್ ಪಂದ್, ಅಯ್ತ ವಿಸ್ತಾರ ರೂಪ ಮಂಗಳೂರು ಕಾಂತಪ್ಪ ಸೀತಾರಾಮ ಕುಲಾಲ್, ಆರೆನ ಅಮ್ಮೆರ್ ಶಾಲೆಡ್ ಮಾಸ್ಟರ್ ಆದ್ ಸೇವೆ ಮಲ್ಲೊಂದಿತ್ತೆರ್. ಬಾರೀ ಪುದರ್ ಪೋಯಿನ ಅದ್ಯಾಪಕೆರ್, ಜೋಕುಲೆಗಾದ್, 4 ಬೊಕ್ಕ 5ನೇ ಕ್ಲಾಸ್ ಲೆಕ್ಕ ಪಾಠಪುಸ್ತಕೊಲೆನ್ ಬರೆತಿನಾರ್.
ಇಡೀ ಲೋಕೊನೇ ನಡ್ಗಯಿನಂಚಿನ ರಡ್ಡನೇ ಮಹಾಯದ್ಧ ನಡಪೊಂದುಪ್ಪುನಗ ಆರ್ ಕಬಿತೆ ಬರೆಯೆರ್. ಯುದ್ದೊಡಾಪಿನ ಕಷ್ಟ ನಷ್ಟದ ಒರುಟು ಬರೆಯಿನ ಈ ಕಬಿತೆ ಊರೊರ್ಮೆ ಪರಡ್ಂಡ್, ಸರ್ಕಾರೊದ ಗುಮನೊಗು ಬತ್ತಂಡ್. ಅವೆನ್ ತೂಯಿನ ಮದ್ರಾಸ್ ಸರಕಾರ ಕಾಂತಪ್ಪ ಮಾಸ್ತರೆರೆಗ್ 100 ರೂಪಾಯಿ ಇನಾಮು ಕೊರ್ದು ಮಾನಾದಿಗೆ ಮಲ್ತ್ಂಡ್, 80 ವರ್ಷೊದ್ದು ದುಂಬು ಈ ನೂದು ರೂಪಾಯಿಗ್ ಮಲ್ಲಾ ಬಿಲೆ ಇತ್ತಂಡ್, ಊರುಗ್ ಊರೇ ಕಾಂತಪ್ಪ ಮಾಸ್ತರೆರೆನ್ ಪುಗರ್ಂಡ್. ಕಾಂತಪ್ಪ ಮಾಸ್ತರೆರ್ ಅಪಗ ನಾಟಕೊಲೆನ್ ಬರೆಯೊಂದಿತ್ತೆರ್, ಅಬಿನಯ ಮಲ್ತೊಂದಿತ್ತೆರ್, ತಬಲಾ ಬೊಟ್ಟೊಂದಿತ್ತೆರ್. ಒಂತೆ ವರ್ಸೊದ್ದು ಬೊಕ್ಕ ಆರ್ ಕಂದಾಯ ಇಲಾಖೆದ ಗ್ರಾಮೀಣ ಕ್ಷೇಮಾಭಿವ್ರದ್ಧಿ ಅಧಿಕಾರಿ ಆಯರ್, ಬೊಕ್ಕ ಜಿಲ್ಲಾ ಸಹಕಾರಿ ಇಲಾಖೆಗ್ ಸೇರ್ದ್ ಅಲ್ಪ ನಿಮುರ್ತಿ ಆಯೆರ್.
ಇಂಚಿತ್ತಿ ಪೆರ್ಮೆದ ಚಾತುರ್ಪುದ ಕಾಂತಪ್ಪ ಮಾಸ್ಟರ್ನ ಮಗೆ ಸೀತಾರಾಮ ಕುಲಾಲೆರ್ಲಾ ರಂಗ್ದ ಕಲೊಟು ಬಾರೀ ಸುದ್ದಿ ಮಲ್ಲೆರ್, ಅರೆನ ಸಮ್ಮಲೆ ಬಿ.ಎಸ್. ಕುಲಾಲೆರ್ಲಾ ನಾಟಕೊಡು ಅಬಿನಯ ಮಲ್ತಿನಾರ್, ಕುಲಾಲೆರೆನ ಮಿತ್ತ್ ಅರ್ನಲಾ ಪ್ರಭಾವೊ ಉಂಡು, ಆರ್ ತುಳು ಸಂಸ್ಕೃತಿನ್ ಒರಿಪಾವುನ
11 / ಎಂ.ಕೆ. ಸೀತಾರಾಮ ಕುಲಾಲೆ
