ನೀರ್ದಲೆಕ್ಕೊ ಪನ್ಪೆರತ್ತೆ ಅಂಚ ಉಪ್ಪೊಡು. ಈ ಕಾರಣೊಗೇ ನಾಟಕೊನು ಆಧ್ಯಾತ್ಮಾಂದ್ ತೆರಿದಿನಕುಲು ಪನ್ಪೆರ್. ನಾಟಕ ಬರೆಪಿನವುಲಾ ಸುಲಬದ ಕೆಲಸ ಅತ್ತೆ, ಅಂಚಾದ್ ಸೀತಾರಾಮ ಕುಲಾಲೆರ್, ಒಂಜಿ ನಾಟಕೊನು ರಂಗ್ದ ಕಲೊಟು ಗೊಬ್ಬಾಯೆರೆ ದುಂಬು, ತಿಂಗೊಲುಗಟ್ಲ ತರಬೇತಿ ಕೊರೊಂದಿತ್ತೆರ್. ಅರೆನ ಪುಗಾರ್ತದ ಪೌರಾಣಿಕ ನಾಟಕ 'ಮಣ್ಣಿನ ಮಗಳು ಅಬ್ಬಕ್ಕ' ನಾಟಕೊಗು ಒಂಜರೆ ತಿಂಗೊಲು ಅಭ್ಯಾಸ ಮಲ್ಪದರ್, ನಾಟ್ಯರಾಣಿ ಶಾಂತಲಾ ನಾಟಕೊಗು ರಡ್ಡರೆ ತಿಂಗೊಲು ಅಭ್ಯಾಸ ಮಲ್ಪದರ್, ರಂಗ್ದ ಕಲೊಟು ಪನ್ನಿನ ಸಂಬಾಷಣೆ ಪನಿತ್ತಾ ಅಂಚೆಂಚೆ ಆವಂದಿಲೆಕೊ ಎಚ್ಚರ ಉಪೊಡಾಯಿನವು ನಿಜವಾಯಿನ ಕಲಾವಿದೆರೆನ ಲಚ್ಚಣಾಂದ್ ಕುಲಾಲೆರ್ ಪನೊಂದಿತ್ತೆರ್.
ಸೀತಾರಾಮ್ ಕುಲಾಲೆ ಎಡ್ಡೆಡ್ಡೆ ನಾಟಕೊಲೆನ್ ಬರೆದ್ ತನ್ನುಲೆನ ಕೀರ್ತಿನ್ ನೆಗೆತ್ ತೋಜಾದರ್, ತುಳುವಪ್ಪೆನ ಸಿರಿಸೊಗತ ಪೊರ್ಲು ಪೊದಿಕೆನ್, ನಮ್ಮ ಮಣ್ಣಿದ ಮಾಮಲ್ಲ ಪರಪೋಕುಲೆನ್, ಏನಿಕಾಲೊದ ಓಲೆದಾಂತಿನ ಬದ್ದ ರೀತಿ ರಿವಾಜಿಲೆನ್ ರಂಗ್ದ ಕಲೊಟು ಗೊಬ್ಬಾದ್ ತೋಜಾದರ್, ನಾಟಕ ಮಲ್ಪುನವು ಬಂಜ ಬೊಕ್ಕ ಪೊಂಬಾಟಿಕೆಡ ಕೆಲಸಾಂದ್ ಅರೆಗ್ ಸುರುಟೆ ತೆರಿದಿತ್ತಂಡ್. ತುಳು ಸಿನೆಮೊದ ತಲಬೇರೇ ತುಳು ನಾಟಕೊಲು. ತುಳು ನಾಟಕೊಲು ದುಂಬಗ್ ಸಿನಿಮಾ ಆಂಡ್. ತುಳು ರಂಗಭೂಮಿ ಸುಮಾರ್ 90 ವರ್ಸೊದ ಇತಿಹಾಸ ಉಂಡು. ಸಾರೊರ್ದು ಎಚ್ಚ ನಾಟಕೊಲು ನಮ್ಮ ರಂಗಭೂಮಿಡ್ ಪ್ರದರ್ಶನೊ ಆತ್ಂಡ್, 1933ಟ್ಸ್ ಮಾಧವ ತಿಂಗಳಾಯೆರ್ ಬರೆತಿನ ತುಳು ನಾಟಕೊನೇ ಸುರುತ ನಾಟಕೊ ಪಂದ್ ತೆರಿದಿನಕುಲು ಪನ್ಸರ್, ಬೊಕ್ಕ ಶಿವಣ್ಣ ಹೆಗ್ಡೆರ್, ಕೆಮ್ಮೂರು ದೊಡ್ಡಣ್ಣ ಶೆಟ್ ತುಳು ನಾಟಕೊಲೆನ್ ಕೊರ್ಯೆರ್.
ಸೀತಾರಾಮ ಕುಲಾಲೆರೆನೊಟ್ಟಿಗೆ ರಂಗ್ದ ಕಲೊಟು ರಂಗ ತಾಲೀಮು ಮಲ್ಲಿನ ಕಲಾವಿದೆರೆನ ತಂಡ ಬಾರಿ ಮಲ್ಲೊ ಉಂಡು. ಕೆ. ರಾಧಾಕೃಷ್ಣ ರಾವ್, ಎಂ. ಮೋಹನ್ ರಾವ್, ರಾಮಕೃಷ್ಣ ಕಾಮತ್, ಸೀತಾರಾಮ ಗಟ್ಟಿ, ಎಂ. ವಸಂತ ರಾವ್, ಅನಂತರಾಮ್ ರಾವ್, ವಿಷ್ಣುಮೂರ್ತಿ, ಉಮೇಶ ರಾವ್, ಸಂಜೀವ ಎಸ್.ಕೆ., ತಮ್ಮ ಲಕ್ಷಣ, ಸದಾನಂದ ರಾವ್, ಕಿಶೋರ್ ಶೆಟ್ಟಿ, ಸತೀಶ್ ರಾವ್, ಅನುರಾಧ ಬಿ.ಕೆ., ಸರೋಜಿನಿ ಶೆಟ್ಟಿ, ವಿಜಯಕುಮಾ ಕೊಡಿಯಾಲ್ಬೈಲ್, ಶೋಭ ಶೆಟ್ಟಿ, ಪೂರ್ಣಿಮಾ, ಸ್ಮಿತಾ, ಶಾಲಿನಿ, ಜಯಶೀಲ, ಶರತ್ ಕುಮಾರ್, ಜೀವನ್ ಉಳ್ಳಾಲ್, ದಿನೇಶ್ ಅತ್ತಾವರ, ತೇಜೋಮಯ, ಗಂಗಾಧರ ಶೆಟ್ಟಿ, ಚರಣ್, ಎಂ.ಎಸ್. ರಾವ್, ಮೋಹನ್ ಕೊಪ್ಪಳ, ಚಂದ್ರಶೇಖರ್, ಬಿ.ಎ. ತೋಡಾರ್, ಉಮೇಶ್ ಬಂಗೇರ, ಎಂ.ಎ. ರಾವ್, ಬಾಬು ಭಟ್... ಇಂಚ ಮಸ್ತ್ ಕಲಾವಿದರ್ ಅರೆನ ಒಟ್ಟಿಗೆ ರಂಗಭೂಮಿಡ್
ಎಂ.ಕೆ. ಸೀತಾರಾಮ ಕುಲಾಲೆರ್ / 10
