ಅಧ್ಯಕ್ಷೆರನ ಮದಿಪು - 2
ಸುವರ್ಣ ಕರ್ನಾಟಕದೊ ಈ ವರುಷೋಡ್, ಅಗೋಳಿ ಮಂಜನೆ ಬೂಕ್ನ್ ರಡ್ಡನೆ ಸರ್ತಿ ಅಚ್ಚಿ ಮಲ್ಪುನ ಅವಕಾಶ ಒದಗ್ದ್ ಬತ್ತ್ಂಡ್ಂದ್ ತೆರಿಪಾಯೆರೆ ಎಂಕ್ ಬಾರಿ ಸಂತೋಷ ಆಪುಂಡು. ಎಡ್ಡೆ ಕತೆಕ್ಕುಲು, ಸಾಹಿತ್ಯೊಲು ಓದುನಕ್ಲೆಗ್ ಮುಟ್ಟುಲೆಕೊ ಅಕಾಡೆಮಿ ರಡ್ಡನೆ ಅಚ್ಚಿಗ್ ಕೈ ಪಾಡ್ಂದ್. ಸುರುತ ಗುರಿಕಾರ್ರೆ ಮದಿಪುಡು ಪ್ರೊ. ಬಿ. ಎ. ವಿವೇಕ ರೈ ಮೇರ್ ಅಗೋಳಿ ಮಂಜನೆ ಇನ್ಪಿ ಕತೆ ಅಂಚನೆ ಬೂಕುಲೆನ್ ಬರೆಪಾದ್ ಅಚ್ಚಿ ಮಲ್ಪರೆ ಉಲ್ಲಾಸ ದೆತೊನುನ ನಿಜವಾದ್ಲಾ ಬಾರಿ ಎಡ್ಡೆ ವಿಷಯ.
ತುಳುನಾಡ್, ಬೂಡ್ಡ್ ನಡತಿ ಕತೆಕ್ಕುಲು ದುಂಬುದ ಜೋಕುಲು ಬಾಲೆಗ್ ಮುಟ್ಟೊಡು,ಇನ್ಪಿನವು ಅಕಾಡೆಮಿದ ಬಯಕೆ. ಅಂಚಾದ್ ಅಕಾಡೆಮಿದ ಕರಿನ ಸರ್ತಿದ ಬೂಕುಲು ಖರ್ಚಾದ್ ಇತ್ತೆ ಪಿರ ಅಚ್ಚಿ ಮಲ್ಪೆರೆ ಪಾಡ್ಡಿನವು ಸುವರ್ಣ ಕರ್ನಾಟಕದ ಸುವರ್ಣ ಸಂದರ್ಭಂದ್ ಪನೊಲಿ.
ಡಾ. ಗಣೇಶ್ ಅಮೀನ್ ಸಂಕಮಾರ್ ಮುಡೆಯಿ ಈ ಬೂಕುಡು ಬಜೀ ಜೋಕುಲೆಗ್ ಅತ್ತಂದೆ, ಹಿರಿಯಕ್ಲುಲ ಓದುಲೆಕ್ಕ ಈ ಕತೆನ್ ಪೊರ್ಲುಡು ನೆಯಿದ್ ಕೊರ್ತೆರ್. ಅರೆಗ್ ಎಂಕ್ಲೆ ಸೊಲ್ಮೆಲು.
ಜಾನಪದೊದ ಈ ಕತೆಟ್, ತುಳುನಾಡ್ದ ಪೊರ್ಲು ಪೊರ್ಲುದ ರಂಗ್ ರಂಗ್ ಬೂಕುಲೆನ್ ಆಯ್ಕೆ ಮಲ್ತ್ ಅಚ್ಚು ಮಲ್ಪುನ ಬೇಲೆಗ್ ಕೈ ಪಾಡ್ಡ.
ಬೂಕುಲೆನ್ ಬರೆಯಿ ಡಾ. ಸಂಕಮಾರ್ಗ್, ಬೊಕ್ಕ ಪೊರ್ಲುಡ್ ಅಚ್ಚಿ ಮಲ್ಲಿನ ಫೈನ್ ಪ್ರಿಂಟ್ಸ್,ಕುಡ್ಲ ಮೊಕಲೆಗ್ ಅಕಾಡೆಮಿದ ಸೊಲ್ಮೆಲು.
31-3-2007
