ಕಂಬುಲ ಕಂಡ - ತೋಕೂರು

ಕಂಬುಲ ಕಂಡ - ತೋಕೂರು

ಎನ್ಚಿನ ಪಂಡ ಕಂಬಳ ಕಂಡ ಎರು ಗಿಡಪುನ ವರ್ಷಗ್ ಒಂಜಿ ದಿನ

ಅಷ್ಟಮಿದ ಮನದಾನಿ ಪೇರ್ ಮೈಪಿ ಕಂಬಳಂದ್ ಉಂಡು ನಮ ತಿರ್ತ್ದ್ ಒಂಜಿ ಮಲ್ಲ ಕಂಡ ಇತ್ತ್ಂಡ್

ಅಯಿಕ್ ಅಷ್ಟಮಿದ ಮನದಾನಿ ಪಂಡ ಮೂಲು ಅಷ್ಟಮಿ ಆವೊಂದಿತ್ತ್ಂಡ್ ಅಷ್ಟೆಮಿ

ಅಷ್ಟಮಿದ ಮನದಾನಿ ಆವುಲ್ ಆ ಕಂಡದ ಬರಿ ಇರೆ ಪಾಡ್ದ್ ಬಲಸೆರೆ ಉಂಡು

ದೋಸೆ ಪೊರಿ ಬಜಿಲ್ ಉರ್ಪೆಲರಿ ಬಲಸೊಡು

ಬಲಸ್ ದಾದ್ ಒಂಜಿ ಪೇರ್ ಮೈಪೊಡು ಆ ಕಂಡೊಗ್

ಪೇರ್ ಮೈತ್ದಾದ್ ಒಂಜಿ ಜೋಡು ಎರು ಜಪ್ಡಾವೊಡು ಆಯಿಕ್

ಒಂಜಿ ಜೋಡು ಎರುನ್ ಜಪ್ಡಾದ್ ಗಿಡಾವೊಡು

ಗಿಡತ್ದಾದ್ ಒಂಜಿ ಮುಂಡೆವು ಉರ್ಯೆರೆ ಉಂಡು ಪಂಡ ಮೂಜಿ ಕಾರ್ದ ಮುಂಡೆವು ಉರ್ಯೆರೆ

ಅಯಿರ್ದ್ ಬೊಕ್ಕ ಇಡೀ ಪಟ್ಲಡ್ ಒಂಜಿ ನರಮಾನಿ ಪೇರ್ ಮೈಪಂದೆ ಎರು ದಪ್ಪೆರೆ ಬಲ್ಲಿ

ದಪ್ಪೆರೆ ಸುರು ಮಲ್ಪೊ ಡಾಂಡ ಪೇರ್ ಮೈಪೊಡು ನಮ ಕಂಡೊಗ್

ಅವು ಅಷ್ಟಮಿದ ಮನದಾನಿ ಅಯಿಕ್ ದಿನ ದೀಯೆರೆ ಮಾತಾ ಇಜ್ಜಿ

ಅಪಗ ಎಂಚಿನ ಪಂಡ ಕೊರಗೆರ್ ಎದುರ್ಡ್ ಒಂಜಿ ಮಲ್ಲ ಅನಕಿಲ್ ಇತ್ತ್ಂಡ್

ಉಲಾಯಿ ಪೊಗ್ಗೆರೆ ರಡ್ಡ್ ಬಾಕಿಲ್ ಇತ್ತ್ಂಡ್ ಎ ದುರ್ಡೊಂಜಿ ಈಮೈಟೊಂಜಿ

ಈ ಎದುರ್ಡೊಂಜಿ ಅನಕಿಲ್ ಕಿದೆಬರಿತ್ತೋಂಜಿ ಅವುಲಾ ಮಲ್ಲ ಅನಕಿಲ್

ಪೇರ್ ಮೈಪುನಾನಿದ ದಿನೊಟ್ ಕೊರಗೆರ್ ಸುರು ಡೊಲು ಪತೊಂದು ಪಿದಾಡೊಡು ಬರ್ಪಿನಿ ಈ ಮೈಟ್

ಡೊಲು ಪತೊಂದು ಸುರು ಪಿದಾಡೊಡು ಕೊರಗೆರ್ ಡೊಲುದ ಬೆರಿಕ್ಕ್ ಕೊಂಬು ಪಿದಾಡೊಡು

ಆಯಿರ್ದ್ ಬೊಕ್ಕ ಯಜಮಾನ್ಯೆ ಪೋವೊಡು ಆಯಿರ್ದ್ ಬೊಕ್ಕ ಎರುಲು ಪೋವೊಡು ಹ ಹ ಅನಕಿಲ್ಡ್ - ಆನೆ ಬಾಕಿಲ್ ಅನಕಿಲ್